ବେଙ୍ଗାଲୁରୁ ଇଞ୍ଜିନିୟରଙ୍କ ଦୁଃଖ: ‘ମୁଁ ପିଲା ଜନ୍ମ କରିବିନି… ମୋ ଫିଗର୍ ନଷ୍ଟ ହୋଇଯିବ’ସାଙ୍ଗରେ ରହିବା ପାଇଁ ସ୍ତ୍ରୀ ମାଗୁଛି ୫ ହଜାର ଟଙ୍କା

ବେଙ୍ଗାଲୁରୁ: ସ୍ତ୍ରୀ ନାଁରେ ଅଭିଯୋଗ ଆଣିଲେ ବାଙ୍ଗାଲୁରୁର  ଇଞ୍ଜିନିୟର ।  ନିଜ ସ୍ୱାମୀ ସହ ରହିବା ପାଇଁ ଦିନକ ପାଇଁ ସ୍ତ୍ରୀ ଡିମାଣ୍ଡ କରୁଛନ୍ତି ୫ ହଜାର ଟଙ୍କା ।  ଯାହାର ଭିଡିଓ ପୀଡ଼ିତ ଶ୍ରୀକାନ୍ତ  ସୋସିଆଲ ମିଡିଆରେ ଶେୟାର କରିଛନ୍ତି ।

ପ୍ରତିଦିନ  ସ୍ୱାମୀଙ୍କ ସହ ରହିବା ଲାଗି  ସ୍ତ୍ରୀ  ୫ ହଜାର ଲେଖାଏ ଦାବି କରୁଛନ୍ତି  । ଯାହା ସେମାନଙ୍କ ଦାମ୍ପତ୍ୟ ଜୀବନରେ ତିକ୍ତତା ଭରିଦେଇଥିବା ଶ୍ରୀକାନ୍ତ କହିଛନ୍ତି । ଖାଲି ଏତିକି ନୁହେଁ  ମହିଳା ଜଣକ ପିଲା ଜନ୍ମ କରିବାକୁ ମଧ୍ୟ ଚାହୁଁ ନାହାନ୍ତି ।  ପିଲା ଜନ୍ମ କରିବା ଦ୍ୱାରା ତାଙ୍କ ଶରୀର ବିଗିଡ଼ି ଯିବ ବୋଲି ସେ କହୁଛନ୍ତି ।

ପିଲା ପାଇଁ  ମହିଳାଜଣକ ପୋଷ୍ୟ ସନ୍ତାନ ଗ୍ରହଣ କରିବାକୁ କହୁଥିବାବେଳେ ଶ୍ରୀକାନ୍ତ କିନ୍ତୁ ଏଥିରେ ରାଜି ହେଉ ନାହାନ୍ତି ।  ୨୦୨୨ରେ ଶ୍ରୀକାନ୍ତ  ବିବାହ ବନ୍ଧନରେ ବାନ୍ଧି ହୋଇଥିଲେ ।  ଦୁହେଁ କିଛି ଦିନ ଏକାଠି ରହିବା ପରେ ଛୋଟ ଛୋଟ କଥାକୁ ନେଇ ମେସାନଙ୍କ ମଧ୍ୟରେ କଳିଗୋଳ ଆରମ୍ଭ ହୋଇଥିଲା ।  ମହିଳାଜଣକ ଉଭୟ ଫିଜିକାଲି ଓ ମେଣ୍ଟାଲି  ଟର୍ଚର କରୁଥିବା  କହିଛନ୍ତି ।

ସ୍ତ୍ରୀଙ୍କ ନିର୍ଯାତନା ଏତିକିରେ ସରିନାହିଁ । ୱାର୍କ ଫ୍ରମ୍ ହୋମ୍  କଲେ  ଶ୍ରୀକାନ୍ତଙ୍କୁ ତାଙ୍କ ସ୍ତ୍ରୀ ଘଷର କାମ କରିବାକୁ ଦେଉ ନାହାନ୍ତି ।  ସେ ଭିସି ମିଟିଂରେ ଥିବାବେଳେ ସ୍ତ୍ରୀ  ଲାଉଡ୍  ମ୍ୟୁଜିକ ଲଗେଇ ନାଚୁଥିବା ମଧ୍ୟ ସେ ଭିଡିଓରେ କହିଛନ୍ତି ।

ଶ୍ରୀକାନ୍ତ ଡିଭୋର୍ସ କଥା କହିବାରୁ ତାଙ୍କ ସ୍ତ୍ରୀ  ସେଟେଲମେଣ୍ଟ ପାଇଁ ୪୫ ଲକ୍ଷ ଟଙ୍କା ଦାବି କରୁଥିବାବେଳେ  ଏ ଟଙ୍କା ନ ଦେଲେ  ସେ ନିଜକୁ କ୍ଷତି ପହଞ୍ଚାଇବା ପାଇଁ ଧମକ ଦେଉଛନ୍ତି । ଏ ନେଇ ସେ ଏକାଧିକ ଥର ସ୍ୱାମୀ ଶ୍ରୀକାନ୍ତଙ୍କୁ ମାର୍ ଧର କରିଥିବା  ଜଣାପଡ଼ିଛି ।