(video)‘ଭାରତ ମାତା କି ଜୟ’, ‘ମୋଦୀ ଜିନ୍ଦବାଦ୍’ ସ୍ଲୋଗାନରେ କମ୍ପୁଛି ଦିଲ୍ଲୀ ଏୟାରପୋର୍ଟ, ସୁଦାନରୁ ଫେରିବାପରେ ସବୁ ଭାରତୀୟଙ୍କ ମୁହଁରେ ବାସ ମୋଦୀଙ୍କ ନାମ
ନୂଆଦିଲ୍ଲୀ : ସୁଦାନରେ ଫସି ରହିଥିବା ଭାରତୀୟ ମାନଙ୍କୁ ଉଦ୍ଧାର କରିବା ପାଇଁ ଭାରତ ସରକାର ଅପରେସନ କାବେରୀ ଆରମ୍ଭ କରିଛନ୍ତି । ବୁଧବାର ସନ୍ଧ୍ୟା ସୁଦ୍ଧା ୩୬୦ ଜଣଙ୍କୁ ଭାରତ ଫେରାଇଅଣାଯାଇଛି । ତେବେ ସୁଦାନ ଫେରନ୍ତାେ ଦିଲ୍ଲୀ ଏୟାରପୋର୍ଟରେ ପହଞ୍ଚିବା ପରେ ଭାରତ ମାତା କି ଜୟ , ଭାରତୀୟ ସେନା ଜିନ୍ଦାବାଦ ସହିତ ପ୍ରଧାନମନ୍ତ୍ରୀ ମୋଦୀ ଜିନ୍ଦାବାଦ ବୋଲି ନାରା ଦେଉଥିବାର ଶୁଣିବାକୁ ମିଳିଛି । ଏହା ଭିଡିଓ ମଧ୍ୟ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଯେଉଁଥିରେ ସୁଦାନ ଫେରନ୍ତଙ୍କ ମୁହଁରେ ହସ ଥିବା ସହିତ ସେମାନେ ସ୍ଲୋଗାନ ଦେଉଥିବାର ଦେଖିବାକୁ ମିଳିଛି ।
India welcomes back its own. #OperationKaveri brings 360 Indian Nationals to the homeland as first flight reaches New Delhi. pic.twitter.com/v9pBLmBQ8X
— Dr. S. Jaishankar (@DrSJaishankar) April 26, 2023
ବୈଦେଶିକ ମନ୍ତ୍ରୀ ଜୟ ଶଙ୍କର ନିଜ ଟ୍ୱିଟର ପେଜରେ ଏହାକୁ ନେଇ ଏକ ସୂଚନା ଦେଇଛନ୍ତିି । ସେ ଲେଖିଛନ୍ତି ଯେ ଆପଣ ମାନଙ୍କୁ ସ୍ୱାଗତ । ଅପରେସନ କାବେରୀ ଦ୍ୱାରା ୩୬୦ ଜଣ ଭାରତୀୟ ସ୍ୱଦେଶ ଫେରିଛନ୍ତି । ସେମାନେ ପ୍ରଥମ ଫ୍ଲାଇଟ ଯୋଗେ ନୂଆଦିଲ୍ଳୀରେ ପହଞ୍ଚିଛନ୍ତି ।
#WATCH | 'Bharat Mata Ki Jai', Indian Army Zindabad, PM Narendra Modi Zindabad' slogans chanted by Indian nationals as they arrive in Delhi from conflict-torn Sudan. pic.twitter.com/Uird0MSoRx
— ANI (@ANI) April 26, 2023
ତେବେ ଏଏନଆଇକୁ ସାକ୍ଷାତଦେଇ ଜଣେ ସୁଦାନ ଫେରନ୍ତା କହିଛନ୍ତି ଯେ ଭାରତ ସରକାର ଆମକୁ ବହୁତ ସହଯୋଗ କରିଛନ୍ତି । ଏହା ଆମ ପାଇଁ ବହୁତ ବଡ ବିଷୟ ଯେ ଆମେ ଜୀବିତ ଆଉ ସୁରକ୍ଷିତ ଭାବେ ଭାରତ ଫେରିଛୁ । ଏହା ପାଇଁ ଆମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ବହୁତ ବହୁତ ଧନ୍ୟବାଦ ଜଣାଉଛୁ ।
ଏହି ସମୟରେ, ବୈଦେଶିକ ବ୍ୟାପାର ମନ୍ତ୍ରୀ ଭି ମୁରଲୀଧରଣ ବୁଧବାର ଜେଡ୍ଡା ବିମାନବନ୍ଦରରେ ପହଞ୍ଚିଥିବା ସୁଦାନ ଫେରାନ୍ତଙ୍କୁ ସ୍ୱାଗତ କରିଥିଲେ । ‘ଅପରେସନ୍ କାଭେରୀ’ ଅଧୀନରେ ଭାରତୀୟ ନାଗରିକଙ୍କୁ ସୁଦାନରୁ ବାହାର କରିବା ପାଇଁ ପ୍ରଥମ ବିମାନ ବୁଧବାର ଦିନ ଜାତୀୟ ରାଜଧାନୀରେ ପହଞ୍ଚିଥିଲା ଯେତେବେଳେ ଭାରତୀୟ ନାଗରିକମାନେ ସୁଦାନରୁ ଦିଲ୍ଲୀରେ ପହଞ୍ଚି ‘ଭାରତ ମାତା କି ଜୟ’, ‘ଭାରତୀୟ ସେନା ଜିନ୍ଦାବାଦ’, ‘ପ୍ରଧାନମନ୍ତ୍ରୀ’ ‘ନରେନ୍ଦ୍ର ମୋଦୀ ଜିନ୍ଦାବାଦ’ର ସ୍ଲୋଗାନ ଦେଉଥିଲେ ।
Happy to see off 360 Indians at Jeddah Airport in a flight bound for New Delhi
They will be reaching the motherland soon, reuniting with their families
Under #OperationKaveri the Government is working relentlessly to evacuate Indian nationals from Sudan & bring them home safely pic.twitter.com/0kCIH35jyb
— V. Muraleedharan (@MOS_MEA) April 26, 2023
ଏହାପୂର୍ବରୁ ତୃତୀୟ ବ୍ୟାଚରେ ନୌସେନା ଜାହାଜ INS Sumedha ୨୭୮ ଜଣ ଯାତ୍ରୀଙ୍କ ସହ ଜେଡ୍ଡା ବନ୍ଦରରେ ପହଞ୍ଚିଥିଲା।ରାଜ୍ୟ ବୈଦେଶିକ ବ୍ୟାପାର ମନ୍ତ୍ରୀ ଭି ମୁରଲୀଧରଣ ନ୍ ଏହା ପୂର୍ବରୁ ଟୁଇଟ୍ କରି କହିଛନ୍ତି ଯେ ୧୪୮ଜଣ ଭାରତୀୟଙ୍କୁ ନେଇ ଯାଉଥିବା ବିଷୟରେ ସୂଚନା ଦେଇଥିଲେ।
ସୁଦାନରେ ଫସି ରହିଥିବା ଭାରତୀୟଙ୍କ ପଞ୍ଚମ ବ୍ୟାଚ୍ INS Teg ୨୯୭ ଜଣ ଯାତ୍ରୀଙ୍କ ସହ ସୁଦାନରୁ ବିଦାୟ ନେଇଛି। ଏ ସମ୍ପର୍କରେ ସୂଚନା ଦେଇ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି ଟ୍ୱିଟ୍ କରି କହିଛନ୍ତି ଯେ ପଞ୍ଚମ ବ୍ୟାଚ୍ ଭାରତୀୟ ସ୍ୱଦେଶକୁ ଫେରୁଛନ୍ତି । ଅପରେସନ କାଭେରୀ ଜାରି ରହିଛି। ହିଂସାକାଣ୍ଡ ଘଟାଇଥିବା ସୁଦାନରୁ ନାଗରିକମାନଙ୍କୁ ଉଦ୍ଧାର କରିବା ପାଇଁ ଭାରତ ସୋମବାର ଅପରେସନ୍ କାଭେରୀ ଆରମ୍ଭ କରିଛି।”
ଦାରିଦ୍ର୍ୟ ଜନିତ ଦକ୍ଷିଣ ଆଫ୍ରିକା ଦେଶ ଗତ ୧୨ ଦିନ ଧରି ଦେଶର ସେନା ଏବଂ ଏକ ପାରାମିଲିଟାରୀ ଗୋଷ୍ଠୀ ମଧ୍ୟରେ ସଂଘର୍ଷର ଜାରି ରହିଆସିଛି ଯେଉଁଥିରେ ୪୦୦ ରୁ ଅଧିକ ଲୋକ ପ୍ରାଣ ହରାଇଛନ୍ତି ଏବଂ ହଜାର ହଜାର ଲୋକ ଆହତ ହୋଇଛନ୍ତି।ସୁଦାନର ରାଜଧାନୀ ଖାର୍ତୁମ୍ର ବିଭିନ୍ନ ସ୍ଥାନରୁ ପ୍ରବଳ ଯୁଦ୍ଧ ହେବାର ଖବର ଆସିବା ସହ ସୁଦାନର ସୁରକ୍ଷା ସ୍ଥିତି ଅସ୍ଥିର ରହିଛି। କିନ୍ତୁ ଏଠାରେ ଫସି ରହିଥିବା ଭାରତୀୟ ମାନଙ୍କୁ ଫେରାଇ ଆଣିବା ପାଇଁ ଭାରତ ସରକାର ଲାଗି ପଡିଛନ୍ତି ।
