ବାଇଆ କଲା ଭଣଜା ପ୍ରେମ, ୨ ଛୁଆ ସ୍ୱାମୀଙ୍କୁ ଛାଡ଼ି ସ୍ତ୍ରୀ କଲା ଦ୍ୱିତୀୟ ବିବାହ, ଥାନାରେ ପହଞ୍ଚିଲା ସ୍ୱାମୀ

ବିହାର: ବିହାରର ବାଙ୍କାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ବାଙ୍କା ଜିଲ୍ଲାର ଅମରପୁର ଥାନା ଅଞ୍ଚଳରେ ଘଟିଛି ଏହି ଘଟଣା। ଦୁଇ ପିଲା ଏବଂ ସ୍ୱାମୀକୁ ଛାଡ଼ି ଭଣାଜାକୁ ବିବାହ କରିଛନ୍ତି। ଏହି ଘଟଣା ସାମ୍ନାକୁ ଆସିବା ପରେ, ଅଞ୍ଚଳରେ ଏହାକୁ ନେଇ ଚାଲିଛି ବେଶ ଆଲୋଚନା।

କ’ଣ ହେଉଛି ପୂରା ଘଟଣା?
ରଘୁନାଥପୁର ଗ୍ରାମର ବାସିନ୍ଦା ଶିବମ କୁମାରଙ୍କ ପତ୍ନୀ ପୁନମ କୁମାରୀ ୧୧ ବର୍ଷ ହେବ ବିବାହ କରିଛନ୍ତି। ତାଙ୍କର ୨ ଛୁଆ ମଧ୍ୟ ଅଛନ୍ତି। ହେଲେ ସ୍ୱାମୀ ପ୍ରେମ ଛାଡ଼ି ଭଣଜା ପ୍ରେମରେ ବାଇ ହୋଇଛି ମାଇଁ।
ତାଙ୍କ ନିଜ ଭଣଜାଙ୍କ ସହ ପ୍ରେମ ସମ୍ପର୍କ ରଖିବା ପରେ ତାଙ୍କ ସ୍ୱାମୀ ଏବଂ ଦୁଇ ପିଲାଙ୍କୁ ଛାଡି ଚାଲିଯାଇଥିଲେ।

ସୂଚନା ଅନୁଯାୟୀ, ଶିବମ ୨୦୧୪ ମସିହାରେ ଅମରପୁରର ଦିଘି ପୋଖର ନିବାସୀ ଭାଗୀରଥ ସାହଙ୍କ ଝିଅ ପୁନମ କୁମାରୀଙ୍କୁ ବିବାହ କରିଥିଲେ।  ବିବାହ ପରେ ଉଭୟଙ୍କ ଦୁଇଟି ପୁଅ ହୋଇଥିଲା, ଯାହାଙ୍କ ମଧ୍ୟରୁ ଜଣେ ୧୦ ବର୍ଷ ଏବଂ ଅନ୍ୟ ଜଣେ ୮ ବର୍ଷ ବୟସର।

କିଛି ସମୟ ପୂର୍ବରୁ, ଗୋଗ୍ରୀ ଜମାଲପୁର ଥାନା ଅଞ୍ଚଳର ଭୂରିଆ ଦିଆରା ଗ୍ରାମର ବାସିନ୍ଦା ପୁନମଙ୍କ ଦୂର ସମ୍ପର୍କୀୟ ଅଙ୍କିତ କୁମାର ତାଙ୍କ ଘରକୁ ଯିବା ଆସିବା କରିବାକୁ ଲାଗିଲେ। ଧୀରେ ଧୀରେ ଉଭୟଙ୍କ ମଧ୍ୟରେ ସମ୍ପର୍କ ଗଭୀର ହୋଇଗଲା। ଦୁଇ ଦିନ ପୂର୍ବରୁ ପୁନମ ତାଙ୍କ ଦୁଇ ପିଲାଙ୍କୁ ନେଇ ଘରୁ ବାହାରି ଆସିଲେ।

ସୋମବାର ରାତିରେ ପୁନମ ତାଙ୍କ ସ୍ୱାମୀଙ୍କୁ ଫୋନ୍ କରି କହିଥିଲେ ଯେ ସେ ଏକ ମନ୍ଦିରରେ ଅଙ୍କିତ କୁମାରଙ୍କୁ ବିବାହ କରିଛନ୍ତି ଏବଂ ତାଙ୍କର ଫଟୋ ମଧ୍ୟ ପଠାଇଛନ୍ତି।

ଏହି ଘଟଣାରେ ସ୍ୱାମୀ ଶିବମ କୁମାର ଅମରପୁର ହତବାକ୍ ହୋଇ ଥାନାରେ ଆବେଦନ କରିଛନ୍ତି ଏବଂ ତାଙ୍କ ପିଲାମାନଙ୍କୁ ଆଣିବା ପାଇଁ ଅନୁରୋଧ କରିଛନ୍ତି।

ଅମରପୁର ଥାନା ଇନଚାର୍ଜଙ୍କ ସୂଚନା
ଏହି ମାମଲାରେ, ଅମରପୁର ଥାନା ଇନଚାର୍ଜ ପଙ୍କଜ କୁମାର ଝା କହିଛନ୍ତି ଯେ ଉଭୟ ଏବେ ଥାନାରେ ଅଛନ୍ତି। ପରିବାର ସଦସ୍ୟଙ୍କୁ ଡକାଯାଇଛି। ବୁଧବାର କୋର୍ଟରେ ବୟାନ ଦିଆଯିବ। ଏହା ପରେ, କୋର୍ଟ ଯାହା ନିର୍ଦ୍ଦେଶ ଦେବେ ତାହା ବୈଧ ହେବ।