ଘାଟିରେ ଓଲଟିଲା ବସ୍, ୭ ଗୁରୁତର

ବାଲିଗୁଡା,୨୦ ।୨(ଓଡିଶା ଭାସ୍କର): ବାଲିଗୁଡା ଘାଟିରେ ନିୟନ୍ତ୍ରଣ ହରାଇ ଓଲଟି ପଡିଛି ବସ୍ । ବସ୍ ଓଲଟିବା ଫଳରେ ୭ ଜଣ ଗୁରୁତର ଆହତ ହୋଇଛନ୍ତି । ପେତାରବାଡି ଘାଟିରେ ବସଟି ଓଲଟିପଡିଥିବା ସୂଚନା ମିଳିଛି । ଦାରିଙ୍ଗବାଡିରୁ ରାଣିପାଙ୍ଗା ଯିବା ବାଟରେ ଏହି ଦୁର୍ଘଟଣା ଘଟିଛି । ଦୁର୍ଘଟଣାରେ ଗୁରୁତର ୭ ଜଣଙ୍କୁ ଉଦ୍ଧାର କରାଯାଇ ଦାରିଙ୍ଗବାଡି ମେଡିକାଲରେ ଭର୍ତ୍ତି କରାଯାଇଛି । ଏହି ଦୁର୍ଘଟଣାରେ ଆଉ କେହି ଗୁରୁତର ହୋଇଥିବା ନେଇ ଆଉ କିଛି ଖବର ମିଳିପାରି ନାହିଁ । ଉଦ୍ଧାରକାରୀ ଟିମ ଦ୍ଵାରା ଉଦ୍ଧାରକାର୍ଯ୍ୟ ଜାରି ରହିଛି ।

ମିଳିଥିବା ପ୍ରାଥମିକ ସୂଚନା ଅନୁସାରେ ବସଟି ଦାରିଙ୍ଗବାଡିରୁ ରାଣିପାଙ୍ଗା ଅଭିମୁଖେ ଯାଉଥିଲା। ତେବେ ଘାଟି ରାସ୍ତାରେ ବ୍ରେକ ଫେଲ ହୋଇଯିବାରୁ ବସଟି ଘାଟି ତଳକୁ ଓଲଟି ପଡ଼ିଥିଲା। ଦୁର୍ଘଟଣା ସମ୍ପର୍କରେ ସୂଚନା ଦେଇ ଏପରି କହିଛନ୍ତି ଗାଡ଼ି ମାଲିକ।