ପାକିସ୍ତାନରେ ହଇଚଇ ସୃଷ୍ଟି କଲା ତାଲିବାନ: ପୋଲିସ ଷ୍ଟେସନ ଉପରେ କବଜା, ଅନେକ ସୈନିକ ବନ୍ଧକ
Advertisement
ନୁଆଦିଲ୍ଲୀ: ଆତଙ୍କବାଦ୍କୁ ନିଜ ଘରେ ପାଳୁଥିବା ପାକିସ୍ତାନ ଏବେ ନିଜ ଜାଲରେ ନିଜେ ଫଶି ଯାଇଛି। ଖାଇବର ପାଖ୍ଟନଖୱା ପ୍ରଦେଶ ପୁଣି ଥରେ ପାକିସ୍ତାନୀ ଆର୍ମି ତାଲିବାନ ଟାର୍ଗେଟରେ ରହିଛିି। ପାକିସ୍ତାନୀ ତାଲିବାନ ଆତଙ୍କବାଦୀମାନେ ବନ୍ନୁ ଜିଲ୍ଲାର ଏକ ଆତଙ୍କବାଦୀ ବିରୋଧୀ କେନ୍ଦ୍ରକୁ କାବୁ କରି କିଛି ଲୋକଙ୍କୁ ବନ୍ଧକ ରଖିଛନ୍ତି । ଏହି ସମୟରେ ଦୁଇଜଣ ପୋଲିସ କର୍ମଚାରୀଙ୍କ ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଥିବା କୁହାଯାଉଛି ।
ସୂଚନା ଅନୁସାରେ ପାକିସ୍ତାନର କାଉଣ୍ଟର ଆତଙ୍କବାଦ କେନ୍ଦ୍ର କିଛି ଆତଙ୍କବାଦୀଙ୍କୁ ଗିରଫ କରିଥିଲା ଏବଂ ସେମାନଙ୍କୁ ପୋଲିସ ଷ୍ଟେସନରେ ପଚରାଉଚରା କରାଯାଇଥିଲା । ଏହି ସମୟରେ ଏହି ଆତଙ୍କବାଦୀଙ୍କ ମଧ୍ୟରୁ ଜଣେ ରବିବାର ଦିନ ପୋଲିସର ଏକେ-୪୭ ଛଡ଼ାଇ ନେଇ ଗୁଳି ଚଳାଇବା ଆରମ୍ଭ କରିଥିଲେ । ଏହା ପରେ ସେ ଅନ୍ୟ ଆତଙ୍କବାଦୀଙ୍କୁ ମୁକ୍ତ କରିଥିଲେ । ତାଙ୍କୁ ମୁକ୍ତ କରାଯିବା ମାତ୍ରେ ଆତଙ୍କବାଦୀମାନେ ସମଗ୍ର କେନ୍ଦ୍ରକୁ ନିଜ ଅଧୀନରେ ନେଇଥିଲେ । ଏବଂ ଅନେକ ପୋଲିସ ଏବେ ତାଲିବାନ କବଜାରେ ରହିଛନ୍ତି ।
ପୋଲିସର ସୂଚନାନୁସାରେ, ଆତଙ୍କବାଦୀମାନେ ଏହି ପୋଲିସ କେନ୍ଦ୍ରକୁ କାବୁ କରି ନେଇଛନ୍ତି ଏବଂ ଆମେ ପୁରା ବାନୁ କ୍ୟାଣ୍ଟନମେଣ୍ଟ ଅଞ୍ଚଳକୁ କର୍ଡନ କରିଛୁ । ବାନୁ କ୍ୟାଣ୍ଟନମେଣ୍ଟରେ ଇଣ୍ଟରନେଟ୍ ସେବା ସ୍ଥଗିତ ରଖାଯାଇଛି । ତେବେ ନିଷିଦ୍ଧ ତେହେରିକ-ଇ-ତାଲିବାନ ପାକିସ୍ତାନ ଏକ ବିବୃତ୍ତିରେ କହିଛି ଯେ ବନୁ ସିଟିଡି କର୍ମଚାରୀଙ୍କୁ ବନ୍ଧକ ରଖିଥିବା ଲୋକଙ୍କ ମଧ୍ୟରେ ଏହାର ଅନେକ ସଦସ୍ୟ ଅଛନ୍ତି । ସେ ସରକାରଙ୍କୁ ଚେତାବନୀ ଦେଇଛନ୍ତି ଯେ, ବନ୍ଦୀମାନଙ୍କୁ ଦକ୍ଷିଣ କିମ୍ବା ଉତ୍ତର ୱାଜିରିସ୍ତାନକୁ ନିଆଯିବା ଉଚିତ, ଯେଉଁଠାରେ ଟିଟିପି ଲୁଚି ରହିଛି, ନଚେତ୍ ସମସ୍ତ କ୍ଷତି ପାଇଁ ସେନା ଦାୟୀ ରହିବ ।
— Fineet (فينيت) (@cozyduke_apt29) December 19, 2022
ଏହା ମଧ୍ୟରେ ପୋଲିସ ଷ୍ଟେସନ ପରିସରରେ ଥିବା ଟିଟିପି ଆତଙ୍କବାଦୀମାନେ ଏକ ଭିଡିଓ ଜାରି କରି ନଅ ଜଣ ପୋଲିସ ସେମାନଙ୍କ ହେପାଜତରେ ଅଛନ୍ତି ଏବଂ ବନ୍ଧକମାନଙ୍କୁ ମୁକ୍ତ କରିବା ବଦଳରେ ସେମାନଙ୍କୁ ସୁରକ୍ଷିତ ଭାବେ ଆଫଗାନିସ୍ତାନକୁ ପଠାଇବାକୁ ଦାବି କରିଛନ୍ତି ।