(Video) ଓଃ କି ଯନ୍ତ୍ରଣା: Heart Strockରେ ଅଚେତ ଘୋଡ଼ାକୁ ମାଡ଼ ମାରି ଉଠାଇଲା ମାଲିକ, PETA କଲା ଅଭିଯୋଗ

ଡାକ୍ତରଖାନାରେ ଘୋଡ଼ା । ସଠିକ୍ ଭାବେ ଚାଲିଛି ଚିକିତ୍ସା ।

କୋଲକାତା: ସୋସିଆଲ ମିଡିଆରେ ବିଭିନ୍ନ ପ୍ରକାର ଭିଡିଓ ସବୁ ଭାଇରାଲ ହେଉଛି । ସେଥିମଧ୍ୟରୁ ପଶୁ ପକ୍ଷୀଙ୍କୁ େଇ ମଧ୍ୟ ଅନେକ ଭିଡିଓ ଆସୁଛି । ଏମିତି ଏକ ଭିଡିଓ ଆସିଛି ଘୋଡ଼ାକୁ ନେଇ ।

ହାର୍ଟ ଷ୍ଟ୍ରୋକ୍ କାରଣରୁ ଘୋଡ଼ାଟି ରାସ୍ତା ମଝିରେ ପଡ଼ିଯିବା ପରେ ତା’ ମାଲିକ ତାକୁ ମାରି, ଠେଲାପେଲା କରି ଜବରଦସ୍ତ ଉଠୋଉଛି । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।

ପେଟା ଇଣ୍ଡିଆ ପକ୍ଷରୁ ଏହି ଭିଡିଓକୁ ଏକ୍ସରେ ଶେୟାର କରାଯାଇଛି । ଯେଉଁଥିରେ ଦେଖିବାକୁ ମିଳୁଛି, ଘୋଡ଼ାଟି ଅଚେତ ହୋଇ ରାସ୍ତାରେ ପଡ଼ିଯିବା ପରେ ତା’ ମାଲିକ ମାଡ଼ ମାରି ତାକୁ ଉଠାଉଛି ।

ଭିଡିଓ ଶେୟାର କରିବା ସହ ରାଜ୍ୟରେ ଘୋଡ଼ା ଗାଡ଼ିର ପ୍ରଚଳନ ବନ୍ଦ କରିବା ପାଇଁ ମମତା ସରକାରଙ୍କୁ ପେଟା ପକ୍ଷରୁ କୁହାଯାଇଛି । ଭିଡିଓ ଭାଇରାଲ ହେବା ପରେ ମାଲିକଙ୍କ ନାଁରେ ଏକ ମାମଲା ରୁଜୁ ହୋଇଛି ।

ଅନ୍ୟପକ୍ଷେ ଘୋଡ଼ାର ମେଡିକାଲ ଚିକିତ୍ସା ଚାଲିଥିବା ନେଇ ଏକ୍ସରେ ପୋଷ୍ଟ ଶେୟାର କରଇ ସୂଚନା ଦେଇଛି କୋଲକାତା ପୋଲିସ । ପ୍ରବଳ ଖରା କାରଣରୁ ଘୋଡ଼ାକୁ ହାର୍ଟ ଷ୍ଟ୍ରୋକ୍ ହୋଇଥିଲା । ଯାହାଫଳରେ ସେ ରାସ୍ତାରେ ଖସି ପଡ଼ିଥିବା କୁହାଯାଉଛି ।

ତେବେ ନିରୀହ ପଶୁଙ୍କ ପ୍ରତି ଏ ପ୍ରକାର ଅକଥନୀୟ ଅତ୍ୟାଚାର କରିବା ଚିନ୍ତାଜନକ ବୋଲି ପେଟା ପକ୍ଷରୁ କୁହାଯାଇଛି ।