ଲୋକସଭା ନିର୍ବାଚନ ପୂର୍ବରୁ ବଢ଼ିଲା AAPର ମୁସ୍କିଲ: କେଜ୍ରିୱାଲ ସରକାର ବିରୋଧରେ ସିବିଆଇ ତଦନ୍ତ ନିର୍ଦ୍ଦେଶ ଦେଲେ LG
ନୂଆଦିଲ୍ଲୀ: ଆଉ କିଛି ମାସ ପରେ ଦେଶରେ ଲୋକସଭା ନିର୍ବାଚନ ଅନୁଷ୍ଠିତ ହେବ । ସେନେଇ ଦେଶର ପ୍ରମୁଖ ରାଜନୈତିକ ଦଳମାନେ ପ୍ରସ୍ତୁତି ପ୍ରକ୍ରିୟା ଆରମ୍ଭ କରିଦେଇଛନ୍ତି । ବିଶେଷ କରି ବିଜେପି ନେତୃତ୍ୱାଧୀନ ଜାତୀୟ ଗଣତାନ୍ତ୍ରିକ ମେଣ୍ଟ (ଏନଡିଏ) ଏଥର ହ୍ୟାଟ୍ରିକ ଲକ୍ଷ୍ୟରେ ରହିଥିବା ବେଳେ ବିରୋଧୀ ମହାମେଣ୍ଟ ଭାରତୀୟ ଜାତୀୟ ବିକାଶମୂଳକ ଅନ୍ତର୍ଭୁକ୍ତ ସହଯୋଗୀ (ଇଣ୍ଡିଆ) ନରେନ୍ଦ୍ର ମୋଦୀଙ୍କ ରଥକୁ ରୋକିବାକୁ ପ୍ରାଣପଣେ ପ୍ରୟାସ ଚଳାଇଛି ।
ତେବେ ଏହା ମଧ୍ୟରେ ରାଜନୈତିକ କ୍ଷେତ୍ରରୁ ଆସିଛି ଏକ ବଡ଼ ଖବର । ଲୋକସଭା ନିର୍ବାଚନ ପୂର୍ବରୁ ଦିଲ୍ଲୀର ଆମ ଆଦମୀ ପାର୍ଟି (ଆପ) ସରକାରର ମୁସ୍କିଲ ବଢ଼ିଯାଇଛି । ଏକ ଗମ୍ଭୀର ମାମଲାର ଯାଞ୍ଚ କରିବାକୁ ସିବିଆଇକୁ ନିର୍ଦ୍ଦେଶ ଦେଇଛନ୍ତି ଦିଲ୍ଲୀ ଉପରାଜ୍ୟପାଳ ବିନୟ ସକ୍ସେନା । ସରକାରୀ ହସ୍ପଟାଲଗୁଡ଼ିକ ପାଇଁ ମେଡିସିନ କିଣିବା ମାମଲାର ସିବିଆଇ ଯାଞ୍ଚ ପାଇଁ ଏଲଜି ନିର୍ଦ୍ଦେଶ ଦେଇଥିବା ଜଣାପଡ଼ିଛି ।
ଏକ ସୂତ୍ର ମୁତାବକ, ସରକାରୀ ହସ୍ପିଟାଲ ପାଇଁ ଆପ ସରକାର ଦ୍ୱାରା ଦାୟିତ୍ୱହୀନ ଭାବେ ଔଷଧ କ୍ରୟ କରାଯାଇଥିଲା । ଏହି ସବୁ ମେଡିସିନ ସରକାରୀ ଓ ଘରୋଇ ପରୀକ୍ଷଣ କେନ୍ଦ୍ରରେ ପରୀକ୍ଷା ସମୟରେ ଫେଲ୍ ହୋଇଥିବା ଜଣାପଡ଼ିଥିଲା । ଉକ୍ତ ଔଷଧଗୁଡ଼ିକ ଅପ୍ରାମାଣିକ ହୋଇଥିବା ନେଇ ଏଲଜି ଏହି ନିର୍ଦ୍ଦେଶ ଦେଇଛନ୍ତି । ତେବେ ଲୋକଙ୍କ ଅଭିଯୋଗକୁ ଆଧାର କରି ଦିଲ୍ଲୀ ସରକାର ଏହି ମେଡିସିନ କିଣିଥିଲେ । ପରୀକ୍ଷଣ କେନ୍ଦ୍ରରେ ସେହିସବୁ ଔଷଧକୁ ଟେଷ୍ଟ କରଯିବା ପରେ ତାହା ମାନଦଣ୍ଡକୁ ପୂରଣ କରିବାରେ ବିଫଳ ସାବ୍ୟସ୍ତ ହୋଇଥିଲା । କିଛିଦିନ ତଳେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ କେଜ୍ରିୱାଲଙ୍କୁ ସମାନ ପଠାଯାଇଥିଲା । ମାତ୍ର ଇଡିର ସମାନକୁ ମୁଖ୍ୟମନ୍ତ୍ରୀ କେଜ୍ରିୱାଲ ବେଆଇନ ବୋଲି କହିଥିଲେ ।
On the Vigilance Department's report of spurious drugs in Delhi government hospitals, Delhi LG VK Saxena writes to Chief Secretary Naresh Kumar directing him for an investigation and CBI inquiry into it.
— ANI (@ANI) December 23, 2023
