ସରକାରଙ୍କ ଏହି ଯୋଜନାରେ ପ୍ରତି ମାସରେ କରିବେ ରୋଜଗାର: ଆକାଉଣ୍ଟକୁ ଆସିବ ୨୧୦୦୦ ଟଙ୍କା, ଜାଣନ୍ତୁ କିପରି ?
ନୂଆଦିଲ୍ଲୀ: ଯଦି ଆପଣ ପ୍ରତି ମାସରେ ରୋଜଗାରର କିଛି ବିକଳ୍ପ ଖୋଜୁଛନ୍ତି, ତେବେ ଏହି ଖବରଟି ଆପଣଙ୍କ ପାଇଁ ଲାଭଦାୟକ । ଆଜି ଆମେ ଆପଣଙ୍କୁ ଏପରି ଏକ ସରକାରୀ ଯୋଜନା ବିଷୟରେ କହିବାକୁ ଯାଉଛି, ଯେଉଁଥିରେ ନିବେଶକଙ୍କୁ ପ୍ରତି ମାସରେ ୨୧,୦୦୦ ଟଙ୍କା ମିଳିବ । ଅର୍ଥାତ୍ ଆପଣଙ୍କୁ ବିନା ଚାକିରି ବା ବ୍ୟବସାୟରେ ପ୍ରତି ମାସରେ ୨୧,୦୦୦ ଟଙ୍କା ମିଳିଯିବ । ଏହି ସରକାରୀ ଯୋଜନାର ନାଁ ହେଉଛି ନ୍ୟାସନାଲ ପେନସନ୍ ସିଷ୍ଟମ ।
NPS ଯୋଜନା କ’ଣ?
ନ୍ୟାସନାଲ ପେନସନ୍ ସିଷ୍ଟମ୍ (ଏନପିଏସ) ହେଉଛି ଏକ ସରକାରୀ ପେନସନ୍ ଯୋଜନା, ଯାହା ଉଭୟ ଇକ୍ୱିଟି ଏବଂ ଡେବ୍ଟ ଉପକରଣରେ ସାମିଲ । ଏନପିଏସକୁ ସରକାରଙ୍କଠାରୁ ଏକ ଗ୍ୟାରେଣ୍ଟି ମିଳିଥାଏ । ଅବସର ପରେ ଅଧିକ ମାସିକ ପେନସନ୍ ପାଇବାକୁ ଆପଣଙ୍କୁ ଏନପିଏସ ଯୋଜନାରେ ନିବେଶ କରିବା ଉଚିତ୍ ।
ଯଦି ଆପଣ ୨୦ ବର୍ଷ ବୟସରେ ଏନପିଏସରେ ଟଙ୍କା ଜମା କରିବା ଆରମ୍ଭ କରନ୍ତି ଏବଂ ପ୍ରତି ମାସରେ ୧୦୦୦ ଟଙ୍କା ଜମା କରନ୍ତି, ତେବେ ଅବସର ବୟସ ସୁଦ୍ଧା ଆପଣଙ୍କର ମୋଟ ଅବଦାନ ୫.୪ ଲକ୍ଷ ହେବ । ଏହା ବ୍ୟତୀତ, ଆପଣ ଏଥିରେ ବାର୍ଷିକ ୧୦ ପ୍ରତିଶତ ରିଟର୍ଣ୍ଣ ପାଇବେ, ଯେଉଁ କାରଣରୁ ଆପଣଙ୍କର ନିବେଶ ୧.୦୫ କୋଟିକୁ ବୃଦ୍ଧି ପାଇବ ।
ଏବେ ଯଦି ଏନପିଏସ ଗ୍ରାହକ ୪୦ ପ୍ରତିଶତ କର୍ପସକୁ ବାର୍ଷିକରେ ପରିଣତ କରନ୍ତି, ତେବେ ଏହାର ମୂଲ୍ୟ ୪୨.୨୮ ଲକ୍ଷ ହେବ । ଏଥି ସହିତ, ମାସିକ ପେନସନ୍ ବାର୍ଷିକ ୧୦ ପ୍ରତିଶତ ହାରରେ ୨୧,୧୪୦ ଟଙ୍କା ହୋଇପାରେ । କେବଳ ଏତିକି ନୁହେଁ, ଏନପିଏସ ଗ୍ରାହକଙ୍କୁ ପ୍ରାୟ ୬୩.୪୧ ଲକ୍ଷ ଟଙ୍କା ମିଳିବ ।
ପବ୍ଲିକ ପ୍ରୋଭିଡେଣ୍ଟ ଫଣ୍ଡ (ପିପିଏଫ), କର୍ମଚାରୀ ପ୍ରୋଭିଡେଣ୍ଟ ଫଣ୍ଡ (ଇପିଏଫ), ସୁକନ୍ୟା ସମୃଦ୍ଧି ଯୋଜନା ପରି ଏନପିଏସ ପେନସନ ଯୋଜନା ହେଉଛି ଏକ ସରକାରୀ ଯୋଜନା । ଏଥିରେ ଯେକୌସି ନିବେଶକ ପରିପକ୍ୱତା ପରିମାଣର ସଠିକ୍ ବ୍ୟବହାର କରି ନିଜର ମାସିକ ପେନସନ୍ ରାଶି ମଧ୍ୟ ବୃଦ୍ଧି କରିପାରିବେ । ଏନପିଏସ ମାଧ୍ୟମରେ ଆପଣ ବାର୍ଷିକ ୨ ଲକ୍ଷ ଟଙ୍କା ପର୍ଯ୍ୟନ୍ତ ଟିକସ ସଞ୍ଚୟ କରିପାରିବେ । ଆୟକରର ଧାରା ୮୦ସି ଅନୁଯାୟୀ ଆପଣ ସର୍ବାଧିକ ୧.୫ ଲକ୍ଷ ଟଙ୍କା ପର୍ଯ୍ୟନ୍ତ ଟ୍ୟାକ୍ସ ସଞ୍ଚୟ କରିପାରିବେ । ଯଦି ଆପଣ ଏନପିଏସରେ ନିବେଶ କରନ୍ତି, ତେବେ ଆପଣଙ୍କୁ ୫୦,୦୦୦ ଟଙ୍କା ପର୍ଯ୍ୟନ୍ତ ଅତିରିକ୍ତ ଟ୍ୟାକ୍ସ ଛାଡ ମିଳିବ ।
