ଦେଶର ୫୦ତମ ବିଚାରପତି ଭାବେ ଶପଥପାଠ କରିଲେ ଜଷ୍ଟିସ ଚନ୍ଦ୍ରଚୂଡ଼
ନୂଆଦିଲ୍ଲୀ: ସୁପ୍ରିମକୋର୍ଟର ୫୦ତମ ବିଚାରପତି ଭାବେ ଶପଥପାଠ ନେଲେ ଜଷ୍ଟିସ ଡି.ୱାଇ ଚନ୍ଦ୍ରଚୂଡ । ଗୋପନୀୟତାର ଶପଥପାଠ କରାଇଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ରାଷ୍ଟ୍ରପତି ଭବନରେ ଶପଥଗ୍ରହଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଭାରତର ନ୍ୟାୟିକ ଇତିହାସରେ ପ୍ରଥମଥର ପାଇଁ ବାପ ପରେ ପୁଅ ଜଷ୍ଟିସ ପଦ ଅଧିକାର କରିଛନ୍ତି । କାରଣ ଜଷ୍ଟିସ ଚନ୍ଦ୍ରଚୂଡ଼ଙ୍କ ବାପା ହେଉଛନ୍ତି ପୂର୍ବତନ ବିଚାରପତି ସିଜେଆଇ ଜଷ୍ଟିସ ଚନ୍ଦ୍ରଚୂଡ ।
ତେବେ ସେ ୨୦୨୪ ମସିହା ୧୦ନଭେମ୍ବର ପର୍ଯ୍ୟନ୍ତ ପଦବୀରେ ରହିବେ । ଦେଖିବାକୁ ଗଲେ ୧୦ବର୍ଷ ମଧ୍ୟରେ ଅନ୍ୟ ବିଚାପତିଙ୍କ ତୁଳନାରେ ବୟସ ଖୁବ କମ ରହିଛି । ସେଥିପାଇଁ ସେ ଦେଶର ସାଧାରଣ ନାଗରିକଙ୍କୁ କିପରି ଆଗକୁ ନେବେ ସେଥିପ୍ରତି ଅଧିକ ଦୃଷ୍ଟି ରଖିଛନ୍ତି । ଏହାସହ ବିପୁଳ ସଂଖ୍ୟାରେ ପଡିରହିଥିବା ମାମଲା ,ଭିତିଭୂମିର ଅଭାବ, ନ୍ୟାୟ ପ୍ରଦାନରେ ବିଳମ୍ବ ଇତ୍ୟାଦି ସମସ୍ୟା ଜଷ୍ଟିସ ଚନ୍ଦ୍ରଚୂଡ଼ଙ୍କ ପାଇଁ ଚ୍ୟାଲେଞ୍ଜ ରହିଛି ।
୨୦୧୬ ମସିହାରେ ସୁପ୍ରିମକୋର୍ଟ ବିଚାରପତି ଭାବେ ଦାୟିତ୍ୱ ନେଇଥିଲେ ଜଷ୍ଟିସ ଚନ୍ଦ୍ରଚୂଡ଼। ସୁପ୍ରିମକୋର୍ଟ ପ୍ରଧାନ ବିଚାରପତି ଭାବେ ତାଙ୍କ କାର୍ଯ୍ୟକାଳ ୨ ବର୍ଷ ରହିବ। ଆସନ୍ତା ୨୦୨୪ ନଭେମ୍ବର ୧୦ରେ ସେ ଅବସର ନେବ। ଜଷ୍ଟିସ ଚନ୍ଦ୍ରଚୂଡ଼ଙ୍କ ପୂରା ନାଁ ଧନଞ୍ଜୟ ୟଶୱନ୍ତ ଚନ୍ଦ୍ରଚୂଡ଼। ୧୯୫୯ ନଭେମ୍ବର ୧୧ରେ ସେ ମୁମ୍ବାଇରେ ଜନ୍ମଲାଭ କରିଥିଲେ।
