ଚମ୍ପଇ ମନ୍ତ୍ରୀମଣ୍ଡଳ ବିସ୍ତାର ପୂର୍ବରୁ କଂଗ୍ରେସରେ ବିଶୃଙ୍ଖଳା, ରୁମ୍ ନଂ ୧୦୭ରେ ବନ୍ଦ ବିଧାୟକ
ରାଞ୍ଚି:ଝାରଖଣ୍ଡରେ ମନ୍ତ୍ରୀମଣ୍ଡଳ ବିସ୍ତାରକୁ ନେଇ ଏକ ବଡ ଖବର ସାମ୍ନାକୁ ଆସୁଛି । କଂଗ୍ରେସ ବିଧାୟକଙ୍କ ବଡ ଧରଣର ଅସନ୍ତୋଷ ସାମ୍ନାକୁ ଆସିଛି ଓ ସର୍କିଟ୍ ହାଉସ୍ ରୁମ୍ ନଂ ୧୦୭ରେ ବହୁ ବିଧାୟକ ଜମା ହୋଇଛନ୍ତି । କଂଗ୍ରେସର ୧୦ ବିଧାୟକ ଏକତ୍ରୀତ ହୋଇଛନ୍ତି । ଏହି ବିଧାୟକଙ୍କ ଦାବୀ ରହିଛି କି ହେମନ୍ତ ସୋରେନ ମନ୍ତ୍ରୀମଣ୍ଡଳରେ ସାମିଲ କଂଗ୍ରେସ କୋଟାର ସମସ୍ତ ଚେହେରାକୁ ବଦଳାଯାଉ । ବିଧାୟକ ଏହା ମଧ୍ୟ ଦାବୀ କରିଛନ୍ତି କି ‘ଜଣେ ବ୍ୟକ୍ତି, ଏକ ପଦ’ ଫର୍ମୂଲା ଜରିଆରେ ଦାୟିତ୍ୱ ବଣ୍ଟାଯାଉ ଓ ସମସ୍ତ ଡିଭିଜନ୍ର ଚେହେରାଙ୍କୁ ମନ୍ତ୍ରୀମଣ୍ଡଳରେ ସ୍ଥାନ ମିଳୁ । ଯଦି ଏହା ନ ହେବ ତେବେ ସମସ୍ତ ବିଧାୟକ ଦଳ ମୁଖିଆଙ୍କୁ ଭେଟିବାକୁ ସନ୍ଧ୍ୟାରେ ଦିଲ୍ଲୀ ଯିବେ ।
ମିଳିଥିବା ସୂତ୍ରରୁ ଜଣାଯାଇଛି କି ବିଧାୟକଙ୍କ ୩ ସୂତ୍ର ବିଶିଷ୍ଟ ସାମୂହିକ ଦାବୀ ରହିଛି । ପ୍ରଥମ ଦାବୀ ହେଉଛି କଂଗ୍ରେସ କୋଟାର ପୂର୍ବ ୪ ମନ୍ତ୍ରୀଙ୍କୁ ହଟାଇ ଦିଆଯାଉ । ଡିଭିଜନ୍ ୱାରୀ ମନ୍ତ୍ରୀ ପଦ ଦିଆଯାଉ ଓ କଂଗ୍ରେସ କୋଟାର ମନ୍ତ୍ରୀଙ୍କୁ ବିଧାନସଭା ଅଧିବେଶନ ପରେ ଶପଥ ଦିଆଯାଉ । ଏହାରି ମଧ୍ୟରେ ମନ୍ତ୍ରୀ ଆଲମଗିରି ଆଲମ ଏପରି କିଛି କହିଛନ୍ତି ଯାହା ଚମ୍ପଇ ସୋରେନଙ୍କ ସମସ୍ୟାକୁ ବଢାଇ ଦେଇଛି । ସେ ମନ୍ତ୍ରୀପଦର ଦ୍ୱାଦଶ ଚେହେରାକୁ ନିଜ ସପକ୍ଷରେ କରିବା ନେଇ ଅଡି ବସିଛନ୍ତି । ଚମ୍ପଇ ସୋରେନ ମନ୍ତ୍ରୀମଣ୍ଡଳରେ କେବଳ ୧୫ ବିଧାୟକ ଶପଥ ନେବାର ଥିବା ବେଳେ କଂଗ୍ରେସ ୫ ମନ୍ତ୍ରୀ ପଦ ଦାବୀ କରିଛି ।
କଂଗ୍ରେସର ୧୦ ବିଧାୟକଙ୍କ ଦାବୀ ରହିଛି କି ମନ୍ତ୍ରୀ ଆଲମଗିରିଙ୍କ ସହିତ ୩ ଜଣ ମନ୍ତ୍ରୀଙ୍କୁ ତୁରନ୍ତ ହଟାଇ ଦିଆଯାଉ ଓ ଅଧିବେଶନ ପରେ ୪ ମନ୍ତ୍ରୀଙ୍କୁ ଶପଥ ଦିଆଯାଉ । ଏହାପରେ ୫ ମନ୍ତ୍ରୀ କଂଗ୍ରେସରୁ ହିଁ କରାଯାଉ । ଯଦି ଏପରି ନ ହେଲା ତେବେ ବିଳମ୍ବିତ ରାତ୍ରୀରେ କଂଗ୍ରେସ ବିଧାୟକ ଦିଲ୍ଲୀ ଗସ୍ତ କରିବେ । ଏହାରି ମଧ୍ୟରେ ମନ୍ତ୍ରୀ ଆଲମଗିର ଆଲମ ରୁମ୍ ନଂ ୧୦୭ରେ ନାରାଜ ବିଧାୟକଙ୍କୁ ମନାଇଛନ୍ତି ।
