(Video) ହୋଟେଲରେ ପ୍ରବଳ ଭିଡ଼! ୩୦ ମିନିଟରେ ଶେଷ କରନ୍ତୁ ୬ ପ୍ଲେଟ୍ ଚିକେନ୍ ବିରିୟାନୀ, ମିଳିବ ୧ ଲକ୍ଷ ଟଙ୍କା ପୁରସ୍କାର
ନୂଆଦିଲ୍ଲୀ: ଗ୍ରାହକଙ୍କ ମନ ଜିଣିବା ପାଇଁ ଅନେକ ସମୟରେ କିଛି ରେଷ୍ଟୁରାଣ୍ଟ ଓ ହୋଟେଲମାନେ ଆକର୍ଷଣୀୟ ଅଫର ଘୋଷଣା କରିଥାନ୍ତି । ତେବେ ଏହା ମଧ୍ୟରେ ଏକ ହୋଟେଲରେ ଲୋକଙ୍କର ପ୍ରବଳ ଭିଡ଼ ଜମିବାରେ ଲାଗିଛି । ହୋଟେଲ ପକ୍ଷରୁ କରାଯାଇଥିବା ଘୋଷଣା ମୁତାବକ, ୩୦ ମିନିଟ ଭିତରେ ଯିଏ ୬ ପ୍ଲେଟ୍ ଚିକେନ୍ ବିରିୟାନୀ ଖାଇ ଶେଷ କରିଦେବେ, ତାଙ୍କୁ ୧ ଲକ୍ଷ ଟଙ୍କାର ପୁରସ୍କାର ପ୍ରଦାନ କରାଯିବ । ସେହିପରି ସମାନ ସମୟ ମଧ୍ୟରେ ଯଦି ଜଣେ ଗ୍ରାହକ ୪ ପ୍ଲେଟ୍ ବିରିୟାନୀ ଶେଷ କରି ଦିଅନ୍ତି ତେବେ ତାଙ୍କୁ ୫୦ ହଜାର ପୁରସ୍କାର ଏବଂ ୩ ପ୍ଲେଟ୍ ବିରିୟାନୀ ଶେଷ କରିଦେଲେ ୨୫ ହଜାର ପୁରସ୍କାର ମିଳିବ ।
ଖବର ମୁତାବକ, ତାମିଲନାଡ଼ୁର କୋଏମ୍ବାଟୁରରେ ବିରିୟାନୀପ୍ରେମୀଙ୍କ ପାଇଁ ଏକ ନିଆରା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ହୋଟେଲ ପକ୍ଷରୁ ବିଭନ୍ନ ଅଫର ଘୋଷଣା କରାଯିବା ଧାର୍ଯ୍ୟ ସମୟ ମଧ୍ୟରେ ବିରିୟାନୀ ଖାଇ ଶେଷ କରିଦେଲେ ପୁରସ୍କାର ମିଳିବ ବୋଲି କୁହାଯାଇଥିଲା । ଏହାପରେ ହୋଟେଲରେ ଲୋକଙ୍କର ପ୍ରବଳ ଭିଡ଼ ଜମିଥିଲା । ଏହି ଖାଦ୍ୟ ପ୍ରତିଯୋଗିତାର ଫଟୋ ଓ ଭିଡିଓ ସୋସିଆଲ ମିଡ଼ିଆରେ ବେଶ୍ ଭାଇରାଲ ହୋଇଥିଲା ।
ଲୋକମାନେ ପୁରସ୍କାର ଜିତିବା ଲକ୍ଷ୍ୟରେ ଶୀଘ୍ର ଶୀଘ୍ର ବିରିୟାନୀ ଖାଇବାରେ ଲାଗିଥିଲେ । କୋଏମ୍ବାଟୁର ରେଲେଓବ ଷ୍ଟେସନ ପରିସରରେ ଥିବା ବୋଚା ଏକ୍ସପ୍ରେସ ଟ୍ରେନ ହୋଟେଲ ପକ୍ଷରୁ ଏହି ପ୍ରତିଯୋଗିତା ଆୟୋଜନ କରାଯାଇଥିବା ବେଳେ ମଜା ପାଇଁ ସେ ଏହାକୁ ଆୟୋଜନ କରିଥିଲେ ବୋଲି ହୋଟେଲର ମାଲିକ କହିଥିଲେ । ପ୍ରତିଯୋଗିତା ଦ୍ୱିପ୍ରହର ୧ଟାରୁ ଆରମ୍ଭ ହୋଇ ଅପରାହ୍ଣ ୪ଟାରେ ସମାପ୍ତ ହେବାର ଥିଲା । ମାତ୍ର ପ୍ରବଳ ଭିଡ଼ ଯୋଗୁଁ ତାହା ରାତି ପର୍ଯ୍ୟନ୍ତ ଚାଲିଥିଲା । ଜଣେ ବ୍ୟକ୍ତି ତାଙ୍କର ପୁଅର ଚିକିତ୍ସା ଖର୍ଚ୍ଚ ଉଠାଇବା ପାଇଁ ଏହି ବିରିୟାନୀ ପ୍ରତିଯୋଗିତାରେ ଭାଗନେଇଥିବା ବେଳେ ସେ ୫୦ ହଜାର ଟଙ୍କାର ପୁରସ୍କାର ଜିତିଥିଲେ ।
#WATCH | Coimbatore, Tamil Nadu: Hundreds of food lovers from Kerala and Coimbatore thronged the Boche Food Express train hotel on Wednesday to participate in the Chicken Biryani contest. The management had announced that those who eat 6 plates of Biryani in 30 minutes could win… pic.twitter.com/HmS5i7hSzi
— ANI (@ANI) August 29, 2024