ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ଚୌହାନଙ୍କୁ ପୁଣି କରୋନା
ଭୋପାଳ: ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ପୁଣି ଥରେ କୋରୋନା ସଂକ୍ରମିତ ହୋଇଛନ୍ତି । ତାଙ୍କ ଆରଟି ପିସିଆର ଟେଷ୍ଟ ରିପୋର୍ଟ କରୋନା ପଜିଟିଭ ଆସିଛି । ମୁଖ୍ୟମନ୍ତ୍ରୀଙ୍କୁ ହାଲୁକା ଜ୍ୱର ଥିବା ବେଳେ କୋଭିଡ ଗାଇଡଲାଇନ ପାଳନ କରି ସେ ନିଜକୁ ଆଇସୋଲେଟ କରିଛନ୍ତି । ମୁଖ୍ୟମନ୍ତ୍ରୀ ନିଜେ ଟ୍ୱିଟ୍ କରି ଏହାର ସୂଚନା ଦେଇଛନ୍ତି ।
ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଟ୍ୱିଟ କରି ଲେଖିଛନ୍ତି ଯେ, ‘ମୁଁ ନିଜର ଆରଟି-ପିସିଆର ଟେଷ୍ଟ କରିଥିଲି, ଯାହାର ରିପୋର୍ଟ କୋଭିଡ ପଜିଟିଭ ଆସିଛି । ଏବେ ସାମାନ୍ୟ ଲକ୍ଷଣ ରହିଛି । କୋଭିଡ ଗାଇଡଲାଇନ୍ ପାଳନ କରି ମୁଁ ନିଜକୁ ଆଇସୋଲେଟ କରିଛି । ଆଗାମୀ ସମସ୍ତ କାମ ଭର୍ଚୁଆଲ ମାଧ୍ୟମରେ ହେବ ।’
ତେବେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଦ୍ୱିତୀୟ ଥର ପାଇଁ କରୋନା ସଂକ୍ରମିତ ହୋଇଛନ୍ତି । ଏହା ପୂର୍ବରୁ ଜୁଲାଇ ୨୦୨୦ରେ ପ୍ରଥମଥର ପାଇଁ ସେ କରୋନା ପଜିଟିଭ ହୋଇଥିଲେ । ସେତେବେଳେ ତାଙ୍କୁ ଘରୋଇ ମେଡିକାଲରେ ଭର୍ତ୍ତି କରାଯାଇଥିଲା । ସେ ୧୨ ଦିନ ପଯ୍ୟନ୍ତ ମେଡିକାଲରେ ରହିଥିଲେ । କିନ୍ତୁ ଏଥର ସେ ଘରେ ନିଜକୁ ଆଇସୋଲେଟ କରିଛନ୍ତି । ସେ ଭର୍ଚୁଆଲ ମାଧ୍ୟରେ କାର୍ଯ୍ୟକ୍ରମରେ ଯୋଗଦେବେ ବୋଲି ନିଶ୍ଚିତ କରିଛନ୍ତି ।
मेरे सम्पर्क में आने वाले सभी साथियों से मेरा निवेदन है कि अपना टेस्ट ज़रूर करवा लें।
साथ ही यह आग्रह है कि मेरे संपर्क में आने वाले सभी साथी भी तुरंत प्रभाव से अपने आप को आइसोलेट कर लें।
— Shivraj Singh Chouhan (@ChouhanShivraj) February 15, 2022
