ସୁପ୍ରିମକୋର୍ଟର ପରବର୍ତ୍ତୀ ପ୍ରଧାନ ବିଚାରପତି ହେବେ ଜଷ୍ଟିସ୍ ଲଳିତ!
ନୂଆଦିଲ୍ଲୀ: ଜଷ୍ଟିସ୍ ଉଦୟ ଉମେଶ ଲଳିତ ହେବେ ପରବର୍ତ୍ତୀ ପ୍ରଧାନ ବିଚାରପତି । ସୁପ୍ରିମକୋର୍ଟର ପରବର୍ତ୍ତୀ ପ୍ରଧାନ ବିଚାରପତି ହେବେ ଜଷ୍ଟିସ ଲଳିତ । ଲଳିତଙ୍କ ନାଁ ସୁପାରିସ କରିଛନ୍ତି ପ୍ରଧାନ ବିଚାରପତି ଜଷ୍ଟିସ୍ ରମନ୍ନା । ତେବେ ଚଳିତ ମାସରେ ଅବସର ନେବାକୁ ଯାଉଛନ୍ତି ଜଷ୍ଟିସ୍ ଏନ.ଭି.ରମନ୍ନା ।
ସୂଚନା ଅନୁସାରେ, ଆଇନ ମନ୍ତ୍ରୀ କିରେନ ରିଜିଜୁ ଭାରତର ପ୍ରଧାନ ବିଚାରପତି (ସିଜେ) ଏନଭି ରମନ୍ନାଙ୍କୁ ଏକ ଚିଠି ଲେଖିଥିଲେ। ପରବର୍ତ୍ତୀ ଉତ୍ତରାଧିକାରୀ ନାମ ସୁପାରିଶ କରିବାକୁ ସେ ତାଙ୍କୁ ଅନୁରୋଧ କରିଥିଲେ । ଅଗଷ୍ଟ ୩ ତାରିଖର ଚିଠିକୁ ବୁଧବାର ସନ୍ଧ୍ୟାରେ ପ୍ରଧାନ ବିଚାରପତିଙ୍କ କାର୍ଯ୍ୟାଳୟରେ ଗ୍ରହଣ କରାଯାଇଥିଲା ।
ଏହା ସହ ବିଚାରପତିଙ୍କ ନିଯୁକ୍ତିକୁ ନେଇ ବୁଧବାର ସୁପ୍ରିମକୋର୍ଟ କଲେଜିୟମ ବୈଠକ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା । କାରଣ ଆଇନ ମନ୍ତ୍ରଣାଳୟ CJI ରମନ୍ନାଙ୍କୁ ପରବର୍ତ୍ତୀ CJI ଭାବରେ ସୁପାରିଶ କରିବାକୁ ଚିଠି ଲେଖିବାରେ ବିଳମ୍ବ କରିଥିଲେ। ପାରମ୍ପରିକ ଭାବରେ, ବର୍ତ୍ତମାନର CJI ଅବସର ଗ୍ରହଣ କରିବାର ଏକ ମାସ ପୂର୍ବରୁ ମନ୍ତ୍ରଣାଳୟ ଲେଖିଛି।
ଉଲ୍ଲେଖଯୋଗ୍ୟ ଯେ, CJI ରମନ୍ନା ୨୬ ଅଗଷ୍ଟରେ ଅବସର ନେଉଛନ୍ତି । ଜଷ୍ଟିସ୍ ଲଲିତ ଅଗଷ୍ଟ ୨୭ ରେ ୪୯ ତମ CJI ଭାବରେ ଶପଥ ଗ୍ରହଣ କରିବେ। ତାଙ୍କର କାର୍ଯ୍ୟକାଳ ମାତ୍ର ୭୪ ଦିନ ହେବ । CJI ଭାବରେ ଜଷ୍ଟିସ୍ ଲଲିତ ସେହି କଲେଜିୟମକୁ ପରିଚାଳନା କରିବେ ଯେଉଁଥିରେ ଜଷ୍ଟିସ୍ ଚନ୍ଦ୍ରଚୁଡ଼, ଜଷ୍ଟିସ ନାଜିର ଓ ଜଷ୍ଟିସ ଇନ୍ଦିରା ବାନାର୍ଜୀ ଅଛନ୍ତି। ଜଷ୍ଟିସ ବାନାର୍ଜୀ ସେପ୍ଟେମ୍ବର ୨୩ ରେ ଅବସର ହେବାକୁ ଥିବା ବେଳେ ଜଷ୍ଟିସ କେଏମ ଜୋସେଫ କଲେଜିୟମରେ ପ୍ରବେଶ କରିବେ।
