ପଶ୍ଚିମାଝଡ଼ ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ମେଘୁଆ ପାଗ ସାଙ୍ଗକୁ ଝିପି ଝିପି ବର୍ଷା ଜାରି, ୧୮ରେ କୁଆପଥର ବର୍ଷା
ଭୁବନେଶ୍ୱର: ରାଜ୍ୟରେ ପଶ୍ଚିମାଝଡ଼ ପ୍ରଭାବରେ ଅଧିକାଂଶ ସ୍ଥାନରେ ମେଘୁଆ ପାଗ ଦେଖିବାକୁ ମିଳୁଛି। ଏଥିସହ କେତେକ ସ୍ଥାନରେ ବର୍ଷା ହୋଇଯାଇଥିବା ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଗତ ୨୪ଘଣ୍ଟା ମଧ୍ୟରେ କୋରାପୁଟ ଜିଲ୍ଲାରେ ୪ ଦଶମିକ ୨ ମିଲିମିଟର ବର୍ଷା ରେକର୍ଡ କରାଯାଇଥିବାବେଳେ କନ୍ଧମାଳ ଜିଲ୍ଲାରେ ୪ ମିଲମିଟର ବର୍ଷା ରେକର୍ଡ କରାଯାଇଛି।
ବିଶାଖାପାଟନମ ରାଡ଼ାର ରୁ ମିଳୁଥିବା ସୂଚନା ଅନୁଯାୟୀ ଦକ୍ଷିଣ-ଓଡ଼ିଶାର କିଛି ଜିଲ୍ଲାରେ ଝଡ-ପବନ ସୃଷ୍ଟି କାରି ମେଘ ସମୂହ ସହ ବିଜୁଳି ଘଡଘଡି ଲାଗିରହିଛି pic.twitter.com/2KDbxWG7L9
— Meteorological Centre, Bhubaneswar (@mcbbsr) March 16, 2023
ଆସନ୍ତା ୨୪ଘଣ୍ଟା ମଧ୍ୟରେ କୋରାପୁଟ, ମାଲକାନଗିରି, ନବରଙ୍ଗପୁର, ରାୟଗଡା, କଳାହାଣ୍ଡି, ସୁନ୍ଦରଗଡ, କେନ୍ଦୁଝର, ମୟୂରଭଞ୍ଜ, ଅନୁଗୁଳ, ଦେବଗଡ ଆଦି ୧୨ଟି ଜିଲ୍ଲାରେ ବିଜୁଳି ଘଡ଼ଘଡ଼ି ସହ ଝଡ଼ ବର୍ଷା ହେବାର ସମ୍ଭାବନା ରହିଛି । ଏହିସବୁ ଅଞ୍ଚଳ ଗୁଡ଼ିକରେ ଘଣ୍ଟାପ୍ରତି ପବନର ବେଗ ୪୦ରୁ ୫୦ କିଲୋମିଟର ବେଗରେ ରହିବ । ଆସନ୍ତାକାଲି ଏବଂ ୧୮ ତାରିଖରେ କାଳବୈଶାଖୀ ଜନିତ ଝଡ଼ବର୍ଷା ସହ ବଜ୍ରପାତ ହେବାର ସମ୍ଭାବନା ଥିବାରୁ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି। ସେହିଭଳି ୧୮ ତାରିଖରେ ବର୍ଷାର ବିସ୍ତୃତି ବୃଦ୍ଧି ସହ କିଛି ଜିଲ୍ଲାରେ କୁଆପଥର (କରାମାଡ଼) ବର୍ଷା ସମ୍ଭାବନା ଥିବାରୁ କେନ୍ଦୁଝର, ଯାଜପୁର, ଢେଙ୍କାନାଳ, କଟକ , କୋରାପୁଟ ଏବଂ ମାଲକାନଗିରି ଜିଲ୍ଲାକୁ ଚେତାବନୀ ଜାରି କରାଯାଇଛି।
#Warning for Day-1 to Day-4
Day-5: NIL pic.twitter.com/LUAWGCXJ90— Meteorological Centre, Bhubaneswar (@mcbbsr) March 16, 2023
