କରୋନା ମୁକାବିଲା, ଟ୍ରେନିଂ ଓ ଦକ୍ଷତା ଉପରେ ଗୁରୁତ୍ୱ

ଭୁବନେଶ୍ୱର, ୧୬ା୪(ଓଡ଼ିଶା ଭାସ୍କର): ଆଜି ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ଅଧ୍ୟକ୍ଷତାରେ ଏକ ଉଚ୍ଚକ୍ଷମତା ସମ୍ପନ୍ନ ମନ୍ତ୍ରିସ୍ତରୀୟ ବୈଠକ ହୋଇଥିଲା । ବୈଠକ ଶେଷ ହେବା ପରେ ଆଇନ ମନ୍ତ୍ରୀ ପ୍ରତାପ ଜେନା ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ ଟ୍ରେନିଂ ଓ ଦକ୍ଷତା ଉପରେ ଗୁରୁତ୍ୱ ଦିଆଯାଉଛି । ବୈଠକରେ କୋଭିଡ଼-୧୯ ମୁକାବିଲାକୁ ମଧ୍ୟ ଗୁରୁତ୍ୱ ଦିଆଯାଇଛି । ଏହାସହ ଅଧିକ ଲୋକ ସମ୍ବଳ ଉପରେ ମଧ୍ୟ ଗୁରୁତ୍ୱ ଦିଆଯାଇଛି । ଗୋଷ୍ଠୀ ସ୍ତରରେ ଅଧିକ ଲୋକଙ୍କୁ ନିୟୋଜିତ ନେଇ ସେହି ବୈଠକରେ ଆଲୋଚନା ହୋଇଛି । ଅଙ୍ଗନୱାଡ଼ି, ଆଶାକର୍ମୀ, ଡାକ୍ତର ଓ ଏଏନଏମଙ୍କ ତାଲିମ ଉପରେ ଗୁରୁତ୍ୱ ଦିଆଯାଇଛି । ବର୍ତ୍ତମାନ ସୁଦ୍ଧା ୧ଲକ୍ଷ ୫୩ହଜାର ଜଣଙ୍କୁ ତାଲିମ ଦିଆଯାଇଛି । ଅଧିକ ସଂଖ୍ୟାରେ ତାଲିମ ଦେବା ଉପରେ ଗୁରୁତ୍ୱ ରହିଛି । ସବୁ ହସ୍ପିଟାଲ, ମେଡ଼ିକାଲ କଲେଜରେ ଟେଷ୍ଟିଂ ଲାବ୍ରୋଟୋରି ପାଇଁ ସୁପାରିଶ ହୋଇଛି ।