ଦୃଢ ପଦକ୍ଷେପ ନେଲେ ରୋକା ଯାଇପାରିବ କରୋନାର ତୃତୀୟ ଲହର: କେ. ବିଜୟ ରାଘବନ

ନୂଆଦିଲ୍ଲୀ, ୦୭/୦୫: ଭାରତ ସରକାରଙ୍କ ମୁଖ୍ୟ ବିଜ୍ଞାନ ପରାମର୍ଶଦାତା ପ୍ରଫେସର କେ. ବିଜୟ ରାଘବନ କହିଛନ୍ତି ଯେ ଯଦି କଡା ନିୟମ ପାଳନ କରାଯାଏ, ତେବେ ହୁଏତ କରୋନାଭାଇରସର ତୃତୀୟ ଳହର ଦେଶକୁ ଆସିବ ନାହିଁ । ଆବଶ୍ୟକ ପଦକ୍ଷେପ ନିଆଗଲେ ଏହାକୁ ଏଡାଇ ଦିଆଯାଇପାରିବ ବୋଲି ସେ କହିଛନ୍ତି । ସେ କହିଛନ୍ତି ଯେ ଯଦି କରୋନା ଗାଇଡଲାଇନ ଅନୁସରଣ କରାଯାଏ, ବୋଧହୁଏ କିଛି ସ୍ଥାନରେ କରୋନାର ଏକ ତୃତୀୟ ଲହର ଆସିବ ନାହିଁ । ସୂଚନାଥାଉ କିଛି ଦିନ ପୂର୍ବରୁ ରାଘବନ୍ କହିଥିଲେ ଯେ ଦେଶରେ ତୃତୀୟ ଲହର ନିଶ୍ଚିତ ଆସିବ ।
ସରକାରଙ୍କ ମୁଖ୍ୟ ବୈଜ୍ଞାନିକ ଉପଦେଷ୍ଟା ପ୍ରଫେସର କେ. ବିଜୟ ରାଘବନ କହିଛନ୍ତି ଯେ କରୋନାଭାଇରସରୁ ଆରୋଗ୍ୟ ଲାଭ କରୁଥିବା ଅନେକ ରୋଗୀଙ୍କୁ ହେଉଥିବା ମାରାତ୍ମକ ଫଙ୍ଗଲ ସଂକ୍ରମଣ (Mucormycisis) ଉପରେ ନଜର ରଖାଯାଉଛି । ବିଜୟ ରାଘବନ କହିଛନ୍ତି ଯେ ଯଦି ଆମେ ଦୃଢ ପଦକ୍ଷେପ ଗ୍ରହଣ କରୁ ତେବେ ଦେଶର ପ୍ରତ୍ୟେକ ଭାଗରେ ହୁଏତ ତୃତୀୟ ଲହର ଆସିବ ନାହିଁ। ସେ କହିଛନ୍ତି ଯେ ସ୍ଥାନୀୟ ସ୍ତରରେ, ରାଜ୍ୟରେ, ଜିଲ୍ଲାରେ ଏବଂ ସହରର ସବୁ ସ୍ଥାନରେ ଏହି ନିର୍ଦ୍ଦେଶନାମା କେତେ ପ୍ରଭାବଶାଳୀ ଭାବରେ ପ୍ରୟୋଗ ହେବ ତାହା ଉପରେ ଏହା ନିର୍ଭର କରେ।
ଏହାପୂର୍ବରୁ କେନ୍ଦ୍ର ସରକାର ବୁଧବାର କହିଥିଲେ ଯେ କରୋନା ଭାଇରସର ତୃତୀୟ ଲହର ‘ଅପରିହାର୍ଯ୍ୟ’, ଯଦିଓ ଏହା କେବେ ଆସିବ ତାହା ପୂର୍ବାନୁମାନ କରାଯାଇପାରିବ ନାହିଁ।ସରକାର କହିଛନ୍ତି ଯେ ମହାରାଷ୍ଟ୍ର, କର୍ଣ୍ଣାଟକ, କେରଳ ଏବଂ ଉତ୍ତରପ୍ରଦେଶ ସମେତ ୧୨ ଟି ରାଜ୍ୟରେ ଏକ ଲକ୍ଷରୁ ଅଧିକ କରୋନା ସଂକ୍ରମିତ ଚିକିତ୍ସିତ ହେଉଛନ୍ତି। କର୍ଣ୍ଣାଟକ, କେରଳ, ତାମିଲନାଡୁ, ପଶ୍ଚିମବଙ୍ଗ, ରାଜସ୍ଥାନ ଏବଂ ବିହାରରେ ଦୈନନ୍ଦିନ ସଂକ୍ରମଣ ମାମଲାରେ ବୃଦ୍ଧି ଘଟୁଛି । ସରକାର ଏହା ମଧ୍ୟ କହିଛନ୍ତି ଯେ ୨୪ ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ କୋଭିଡ ସଂକ୍ରମଣ ହାର ୧୫ ପ୍ରତିଶତରୁ ଅଧିକ। ଏଥି ସହ କେନ୍ଦ୍ରର ମୁଖ୍ୟ ବୈଜ୍ଞାନିକ ପରାମର୍ଶଦାତା କେ ବିଜୟ ରାଘବନ କହିଛନ୍ତି ଯେ ଭୂତାଣୁ ବିସ୍ତାରର ଉଚ୍ଚ ସ୍ତରକୁ ଦୃଷ୍ଟିରେ ରଖି ତୃତୀୟ ଲହର ଅନିବାର୍ଯ୍ୟ, କିନ୍ତୁ ଏହି ତୃତୀୟ ତରଙ୍ଗ କେବେ ଆସିବ ଏବଂ କଣ ହେବ ତାହା ସ୍ପଷ୍ଟ ହୋଇନାହିଁ। ଆମକୁ ତୃତୀୟ ଲହର ପାଇଁ ପ୍ରସ୍ତୁତ ରହିବା ଉଚିତ୍।