ମଣିଷ ଦାନ୍ତ ପରି ଦେଖାଗଲା କଙ୍କଡ଼ାର ଦାନ୍ତ: ଦେଖନ୍ତୁ ଭାଇରାଲ ହୋଇଥିବା ଏହି ଫଟୋ
ନୂଆଦିଲ୍ଲୀ: ସମୁଦ୍ରଗର୍ଭରେ ଅନେକ ସମୁଦ୍ରଜୀବ ରହିଥାନ୍ତି । ଏହି ସମୁଦ୍ର ଜୀବଙ୍କର ଗଠନଶୈଳୀ ମଧ୍ୟ ଭିନ୍ନ । କିଛି ସମୁଦ୍ରଜୀବ ଆକାରରେ ବଡ଼ ଦେଖାଯାଉ ଥିବାବେଳେ ଆଉ କିଛି ସମୁଦ୍ର ଜୀବ ଆକାରରେ ଛୋଟ ହୋଇଥାନ୍ତି । ସେହିପରି ସମୁଦ୍ରରେ ଭିନ୍ନ ପ୍ରଜାତିର କଙ୍କଡ଼ା ରହିଥାନ୍ତି । ନିକଟରେ ଏହି ଭଳି ଏକ ସମୁଦ୍ର କଙ୍କଡ଼ାକୁ ମତ୍ସଜୀବିମାନେ ଧରିଥିବା ଦେଖିବାକୁ ମିଳିଛି । ତେବେ ଏହି କଙ୍କଡ଼ାର ଦାନ୍ତ ମଣିଷଙ୍କ ଦାନ୍ତ ପରି ଦେଖା ଯାଉଥିବାରୁ ଏହାର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
View this post on Instagram
ପଶ୍ଚିମ ଋଷର ମାଛଧରା ଜାହାଜରେ କାମକରୁଥିବା ଫଟୋଗ୍ରାଫର ରୋମାନ ଫେଡୋର୍ଟସବ ଏହି କଙ୍କଡ଼ାର ଫଟୋକୁ ସୋସିଆଲ ମିଡିଆରେ ପୋଷ୍ଟ କରିଥିଲେ । ଭାଇରାଲ ହେଉଥିବା ଏହି ପୋଷ୍ଟକୁ ଲୋକମାନେ ଲାଇକ କରୁଛନ୍ତି । କିଛି ଲୋକ ଏହି କଙ୍କଡ଼ାକୁ ନେଇ ମଜାଳିଆ କମେଣ୍ଟ ମଧ୍ୟ କରିଥିବା ଜଣାପଡ଼ିଛି । ସେହିପରି ଫଟୋଗ୍ରାଫର ଫେଡୋର୍ଟସବ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ଆହୁରି ଅନେକ ବିଚିତ୍ର ସମୁଦ୍ରଜୀବ ମାନଙ୍କର ଫଟୋ ପୋଷ୍ଟ କରିଥିବା ଦେଖିବାକୁ ମିଳିଛି ।
