ରାଜଧାନୀରେ ବଢ଼ିପାରେ ବିଦ୍ୟୁତ୍ କାଟ୍ ସଙ୍କଟ, କେନ୍ଦ୍ର ସରକାର ନେଲେ ଏପରି ନିଷ୍ପତ୍ତି
ନୂଆଦିଲ୍ଲୀ: ଖରାଦିନ ଆସିବା ମାତ୍ରେ ରାଜଧାନୀ ଦିଲ୍ଲୀରେ ବିଦ୍ୟୁତର ଚାହିଦା ବଢ଼ିଚାଲିଛି । ରାଜଧାନୀରେ ମେ ଓ ଜୁନ ମାସରେ ଅତି କମରେ ୮ ହଜାର ମେଗାୱାଟ ବିଦ୍ୟୁତ୍ ଆବଶ୍ୟକ । ଏହାରି ମଧ୍ୟରେ କେନ୍ଦ୍ର ସରକାର ବିଜୁଳିର ଏକ ବଡ଼ ଭାଗ ପଡୋଶୀ ରାଜ୍ୟ ହରିୟାଣାକୁ ଦେବାକୁ ନିଷ୍ପତ୍ତି ନେଇଛନ୍ତି । ମନ୍ତ୍ରଣାଳୟ କହିଛି ଯେ, ଏତେ ବିଦ୍ୟୁତ୍ ଛାଡ଼ିବାକୁ ଦିଲ୍ଲୀ ରାଜି ହୋଇଛି । ଅବଶ୍ୟ ଦିଲ୍ଲୀ ସରକାରଙ୍କ କହିବା ମୁତାବକ, କେନ୍ଦ୍ରର ଏହି ପଦକ୍ଷେପ ଯୋଗୁଁ ରାଜଧାନୀରେ ବିଦ୍ୟୁତ ସଙ୍କଟ ହୋଇପାରେ ।
ଏହି ମାମଲାକୁ ନେଇ ଦିଲ୍ଲୀ ଓ କେନ୍ଦ୍ର ସରକାରଙ୍କ ମଧ୍ୟରେ ଏକ ନୂଆ ବିତର୍କ ଆରମ୍ଭ ହୋଇଛି । ମାର୍ଚ୍ଚ ୨୮ ରେ ଶକ୍ତି ମନ୍ତ୍ରଣାଳୟର ସଚିବଙ୍କ ଦ୍ୱାରା ଜାରି କରାଯାଇଥିବା ଏକ ନିର୍ଦ୍ଦେଶରେ କୁହାଯାଇଛି ଯେ, ଦାଦ୍ରି -୨ ପାୱାର ଷ୍ଟେସନରେ ଦିଲ୍ଲୀ ସରକାରଙ୍କ ବିଦ୍ୟୁତ ମାତ୍ରା ଛାଡ଼ିବା ଓ ହରିୟାଣା ସରକାର ସରକାରଙ୍କ ଇଚ୍ଛାକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ନିଆଯାଇଛି ୧ ଏପ୍ରିଲ୍ ୨୦୨୨ ରୁ ୭୨୮ ମେଗାୱାଟ ବିଦ୍ୟୁତ୍ ୨୧ ଅକ୍ଟୋବର ୨୦୨୨ ପର୍ଯ୍ୟନ୍ତ ହରିୟାଣାକୁ ଦିଆଯିବ ।
ଏହା ପରେ ଏନଟିପିସିର ଦାଦ୍ରି ପାୱାର ପ୍ଲାଣ୍ଟରୁ ଦିଲ୍ଲୀକୁ ବିଦ୍ୟୁତ ଯୋଗାଣ ନକରିବାକୁ କେନ୍ଦ୍ର ମନ୍ତ୍ରଣାଳୟ ନିଷ୍ପତ୍ତି ନେଇଛି । କେନ୍ଦ୍ରର ଏହି ନିର୍ଦ୍ଦେଶ ଭୁଲ ବୋଲି ଦିଲ୍ଲୀର ବିଦ୍ୟୁତ ବିଭାଗ କହିଛି । ଦିଲ୍ଲୀ ସରକାରଙ୍କ କହିବା ମୁତାବକ, କେବଳ ଦାଦ୍ରି ୧ ପ୍ଲାଣ୍ଟରୁ ୭୫୦ ମେଗାୱାଟ ବିଦ୍ୟୁତ ଛାଡ଼ିବାକୁ ନିଷ୍ପତ୍ତି ନିଆଯାଇଛି । ଅବଶ୍ୟ ଦାଦ୍ରି ଦ୍ୱିତୀୟ ପାୱାର ପ୍ଲାଣ୍ଟରୁ ବିଦ୍ୟୁତର ଆବଶ୍ୟକତା ସର୍ବଦା ସେଠାରେ ରହିବ ।
