ରାତିଅନିଦ୍ରା ରହିବେ ବସ୍ତି ବାସିନ୍ଦା, ଉଚ୍ଛେଦ ପୂର୍ବରୁ ଲାଗୁ ହେବ କର୍ଫ୍ୟୁ

ବାଲେଶ୍ୱର: ବସ୍ତି ଉଚ୍ଛେଦ ପୂର୍ବରୁ କର୍ଫ୍ୟୁ । ରେଳ ଲାଇନ୍ ସମ୍ପ୍ରସାରଣ ପାଇଁ ଅରଡ଼ ବଜାର ଠାରୁ ପରିବା ମାର୍କେଟ ଅଞ୍ଚଳ, ହରିପୁରରୁ ଦର୍ଜିପୋଖରୀ, କସମିଳା ଠାରୁ ଫୁଲାଡ଼ି, ନୂଆ ବଜାର ରେଳ ଫାଟକ, ନୂଆ ବଜାର ପରିବା ମାର୍କେଟରେ ଲାଗୁ ହେବ କର୍ଫ୍ୟୁ ।

ଆସନ୍ତାକାଲି ଭୋର୍ ୪ଟାରୁ ୧୨ ତାରିଖ ରାତି ୧୦ ଯାଏଁ କର୍ଫ୍ୟୁ ଜାରି ରହିବ ।

ହଜିଛି ନିଦ: ଏହି କର୍ଫ୍ୟୁକୁ ନେଇ ବସ୍ତି ବାସିନ୍ଦାଙ୍କ ମନରେ ଭୟ ଦେଖାଦେଇଛି । ଅନେକ ଲୋକଙ୍କ ରାତିର ନିଦ ହଜିଯାଇଛି ।

ସମସ୍ତେ ଲୁଗାପଟା, ଜରୁରୀ ଜିନିଷ ପତ୍ର ସବୁ ବାନ୍ଧିବାରେ ବ୍ୟସ୍ତ ଅଛନ୍ତି ।

ପୋଲିସ ଛାଉଣୀ: ବସ୍ତି ଅଞ୍ଚଳରେ କୌଣସି ପ୍ରକାର ଅପ୍ରୀତିକର ପରିସ୍ଥିତିର ମୁକାବିଲା କରିବା ପାଇଁ ପୋଲିସ ଛାଉଣୀ କରାଯାଇଛି ।