ଦୀପକ କାବ୍ରା ରଚିଲେ ଇତିହାସ, ପ୍ରଥମ ଭାରତୀୟ ଭାବେ ହେଲେ ଅଲିମ୍ପିକର ଜିମ୍ନାଷ୍ଟିକ୍ ଜଜ୍
ନୂଆଦିଲ୍ଲୀ: ଭାରତର ଜିମ୍ନାଷ୍ଟିକ୍ ବିଚାରପତି ଦୀପକ କାବ୍ରା ଟୋକିଓ ଅଲିମ୍ପିକ୍ସରେ ଇତିହାସ ସୃଷ୍ଟି କରିବାକୁ ଯାଉଛନ୍ତି। ସେ ଆର୍ଟିଷ୍ଟିକ୍ ଜିମ୍ନାଷ୍ଟିକ୍ସରେ ବିଚାରପତି ଭାବେ ଯୋଗଦେବେ । ଜିମ୍ନାଷ୍ଟିକ୍ସରେ ପ୍ରଥମ ଥର ପାଇଁ ଜଣେ ଭାରତୀୟ ବିଚାରପତି ଅଲିମ୍ପିକ୍ସରେ ଅଂଶଗ୍ରହଣ କରିବେ । ଅଲିମ୍ପିକ୍ ଗେମ୍ସର ମ୍ୟାଚ୍ ୨୩ ଜୁଲାଇରୁ ୮ ଅଗଷ୍ଟ ପର୍ଯ୍ୟନ୍ତ ଅନୁଷ୍ଠିତ ହେବ । ୧୮ ଟି ଗେମରେ ଭାରତର ୧୨୦ ଖେଳାଳି ଉପସ୍ଥିତ ଅଛନ୍ତି । କେବଳ ଜଣେ ଖେଳାଳି ଜିମ୍ନାଷ୍ଟିକ୍ ରେ ସାମିଲ ହୋଇଛନ୍ତି ।
ସୋସିଆଲ ମିଡିଆରେ ଭାରତର ଷ୍ଟାର ଜିମ୍ନାଷ୍ଟିକ୍ ଖେଳାଳି ଦୀପା କର୍ମାକର ଏନେଇ ସୂଚନା ଦେଇଛନ୍ତି। ସେ ଲେଖିଛନ୍ତି ଅଲିମ୍ପିକ୍ ଗେମ୍ସରେ ଜିମ୍ନାଷ୍ଟିକ୍ସରେ ଜଜ୍ ଭାବରେ ମନୋନୀତ ହୋଇଥିବା ପ୍ରଥମ ଭାରତୀୟ! ଟୋକିଓ ୨୦୨୦ ପାଇଁ ଦୀପକ କାବ୍ରାଙ୍କୁ ଅଭିନନ୍ଦନ ଏବଂ ଶୁଭେଚ୍ଛା। ଏଥର ପ୍ରଣତୀ ନାୟକ ଭାରତରୁ ଜିମ୍ନାଷ୍ଟିକ୍ ରେ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛନ୍ତି।
First Indian ever to get selected to Judge Gymnastics at an Olympic Games! ?
Congratulations Deepak Kabra bhaiya for this wonderful accomplishment and best wishes for #Tokyo2020 pic.twitter.com/niK2H5kgAF— Dipa Karmakar (@DipaKarmakar) July 11, 2021
ଦୀପକ କାବ୍ରାଙ୍କୁ ୨୦୧୯ ରେ ସଦସ୍ୟ ଭାବରେ ଏସୀୟ ଜିମ୍ନାଷ୍ଟିକ୍ ବୈଷୟିକ କମିଟିରେ ଅନ୍ତର୍ଭୁକ୍ତ କରାଯାଇଥିଲା। ସେ ମୁଖ୍ୟ ବିଚାରପତି ଭାବରେ ୨୦୧୯ ରେ ଏସୀୟ ଚାମ୍ପିଅନସିପରେ ଯୋଗ ଦେଇଥିଲେ । ଦୀପକ କାବ୍ରାଙ୍କ ପୂର୍ବରୁ ନ୍ୟାସନାଲ ରାଇଫଲ ଆସୋସିଏସନ୍ ଅଫ୍ ଇଣ୍ଡିଆ (ଏନଆରଏଆଇ) ର ଯୁଗ୍ମ ସଚିବ ପୱନ ସିଂ ମଧ୍ୟ ଟୋକିଓ ଅଲିମ୍ପିକ୍ସରେ ବିଚାରପତି ଭାବରେ ମନୋନୀତ ହୋଇଛନ୍ତି। ସେ ହେଉଛନ୍ତି ପ୍ରଥମ ଭାରତୀୟ ଯିଏକି ସୁଟିଂରେ ବିଚାରପତି ଭାବରେ ଅଲିମ୍ପିକ୍ସରେ ପ୍ରବେଶ କରିଛନ୍ତି।
ଟୋକିଓ ଅଲିମ୍ପିକ୍ସରେ ଭାରତରୁ ଜିମ୍ନାଷ୍ଟିକ୍ସରେ କେବଳ ଜଣେ ମହିଳା ଖେଳାଳି ଯୋଗ୍ୟତା ଅର୍ଜନ କରିଛନ୍ତି ।୨୬ ବର୍ଷୀୟ ପ୍ରଣତୀ ନାୟକ ୨୦୧୯ ରେ ଏସୀୟ ଚାମ୍ପିଅନସିପର ପ୍ରଦର୍ଶନ ଆଧାରରେ ଅଲିମ୍ପିକ୍ କୋଟା ପାଇଛନ୍ତି।
