ମଝି ରାସ୍ତାରେ ଆମ୍ବୁଲାନ୍ସରୁ ସରିଗଲା ଡିଜେଲ, ରୋଗୀଙ୍କୁ ହସ୍ପିଟାଲରେ ପହଞ୍ଚାଇବା ପାଇଁ ସାହା ହେଲା ଟ୍ରାକ୍ଟର…
କେହି ଅସୁସ୍ଥ ହୋଇପଡ଼ିଲେ କିମ୍ବା ଦୁର୍ଘଟଣା ଘଟିଥିଲେ ସଙ୍ଗେ ସଙ୍ଗେ ଆମ୍ବୁଲାନ୍ସକୁ ଫୋନ କରଯାଏ । ଯେମିତି ଆମ୍ବୁଲାନ୍ସ ଆସି ଉଦ୍ଧାର କରିନେବ ଏବଂ ଜଲଦୀ ହସ୍ପିଟାଲରେ ପହଞ୍ଚାଇଦେବ । ଫଳରେ ବଞ୍ଚିଯିବ ଜୀବନ । କିନ୍ତୁ ଯଦି ବାଟରେ ଆମ୍ବୁଲାନ୍ସ ହିଁ ଖରାପ ହୋଇଯିବ ତେବେ ଆପଣ କ’ଣ କରିପାରିବେ? ଏହିଭଳି ଏକ ଘଟଣା ଘଟିଛି ଉତ୍ତରପ୍ରଦେଶ । ଯେଉଁଠାରେ ରୋଗୀଙ୍କୁ ନେଇଯାଉଥିବା ଏକ ଆମ୍ବୁଲାନ୍ସ ଅଧା ରାସ୍ତାରେ ଖରାପ ହୋଇଯାଇଛି । ଖାଲି ସେତିକି ନୁହେଁ ପରିସ୍ଥିତି ଏପରି ହୋଇଥିଲା ଯେ ଆମ୍ବୁଲାନ୍ସକୁ ଉଦ୍ଧାର କରିବାକୁ ଟ୍ରାକ୍ଟର ସାହଯ୍ୟରେ ଟାଣି ଟାଣି ନେବାକୁ ପଡ଼ିଥିଲା । ଆଉ ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଉତ୍ତର ପ୍ରଦେଶ ବିଜନୋର ଠାରେ ଦେଖିବାକୁ ମିଳିଛି ଏଭଳି ଘଟଣା । ସ୍ଥାନୀୟ ଜଣେ ମହିଳାଙ୍କୁ ଅସୁସ୍ଥତା କାରଣରୁ ଆମ୍ବୁଲାନ୍ସରେ ମେରଠ ମେଡିକାଲ କଲେଜକୁ ନିଆଯାଉଥିଲା । କିନ୍ତୁ କିଛି ବାଟ ଯିବା ପରେ ଇଶା ଗାଓଁ ଠାରେ ଆମ୍ବୁଲାନ୍ସରୁ ଅଧା ରାସ୍ତାରେ ଡିଜେଲ ଖରାପ ହୋଇଯାଇଥିଲା । ଆଉ ଏହାକୁ ଏକ ଟ୍ରାକ୍ଟର ସାହାଯ୍ୟରେ ପେଟ୍ରୋଲ ପମ୍ପ ପର୍ଯ୍ୟନ୍ତ ନେବାକୁ ପଡ଼ିଥିଲା । ପ୍ରାୟ ୪ କିଲୋମିଟର ଏଭଳି ଭାବରେ ଟ୍ରାକ୍ଟର ଦ୍ୱାରା ଟାଣିଟାଣି ପେଟ୍ରୋଲ ପମ୍ପ ପହଞ୍ଚିଥିଲା । ଆଉ ଏହି ସମୟରେ ଭିତରେ କଷ୍ଟରେ ଛଟପଟ ହେଉଥିଲେ ରୋଗୀ । ଶେଷରେ ଡିଜେଲ ପକାଇବା ପରେ ହସ୍ପିଟାଲରେ ପହଞ୍ଚିଥିଲେ । ଫଳରେ ରୋଗୀଙ୍କ ଜୀବନ ବଞ୍ଚିଯାଇଥିଲା ।
#UttarPradesh : बिजनौर से मेरठ मेडिकल कॉलेज मरीज लेकर आ रही एंबुलेंस का रास्ते में मवाना के पास खत्म हुआ डीजल। ट्रैक्टर से एंबुलेंस को खींच कर पेट्रोल पंप तक लाए। इस दौरान एंबुलेंस में मौजूद महिला मरीज तड़पती रही। pic.twitter.com/A1XcQCL1rc
— Hindustan (@Live_Hindustan) April 1, 2022
