ଶ୍ରୀମନ୍ଦିର ନିଷିଦ୍ଧାଞ୍ଚଳରେ ପୁଣି ଉଡ଼ିଲା ଡ୍ରୋନ୍, ତେଜିଲା ଜନ ଅସନ୍ତୋଷ
ପୁରୀ: ଶ୍ରୀମନ୍ଦିର ନିଷିଦ୍ଧାଞ୍ଚଳରେ ପୁଣି ଉଡ଼ିଲା ଡ୍ରୋନ୍ । ନୀଳଚକ୍ର ଓ ପରିକ୍ରମା ମାର୍ଗ ଉପରି ଭାଗରେ ଉଡ଼ିଲା ଡ୍ରୋନ୍ ।
ପ୍ରାୟ ୨୫ ମିନିଟ୍ ଧରି ଉଡ଼ିଥିଲଲା ଡ୍ରୋନ୍ । ଏନେଇ ସେବାୟତ ଓ ଜନସାଧାରଣଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି । ଏହାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ତେବେ ଡ୍ରୋନଟି କେଉଁଠାରୁ ଅପରେଟ୍ ହେଉଥିଲା ତାହା ଏବେ ଅସ୍ପଷ୍ଟ । କିଏ ଉଡ଼ାଇଲା ଓ କାହିଁକି ଉଡ଼ାଇଲା ତାକୁ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି ।
ଗତ ୫ ତାରିଖରେ ପୁରୀ ଶ୍ରୀମନ୍ଦିର ଉପରେ ଅଜଣା ଡ୍ରୋନ୍ ଉଡ଼ିଥିଲା । ଏହି ଘଟଣାକୁ ଗୁରୁତର ସହ ନେଇଥିଲା ସ୍ଥାନୀୟ ପ୍ରଶାସନ କିନ୍ତୁ ଫଳ ଶୂନ ।
ତଦନ୍ତ କେବଳ କାଗଜ କଲମରେ ରହିଛି । ଏନେଇ ଶ୍ରୀମନ୍ଦିର ଏବଂ ପୋଲିସ ପ୍ରଶାସନ ମଧ୍ୟରେ ଉଚିତ ସମନ୍ୱୟ ନଥିବା ସ୍ୱଷ୍ଟ ବାରି ହୋଇପଡ଼ୁଛି ।
