ୟୁଟ୍ୟୁବ୍-ଇନଷ୍ଟାଗ୍ରାମ ପରି ଏବେ ଟେଲିଗ୍ରାମରୁ ମଧ୍ୟ ରୋଜଗାର କରିପାରିବେ ଲକ୍ଷ ଲକ୍ଷ ଟଙ୍କା, ଜାଣନ୍ତୁ କିପରି…

ଓଡ଼ିଶା ଭାସ୍କର: ଏବେ Telegram କେବଳ ଏକ ମେସେଜିଂ ଆପ୍ ନୁହେଁ, ବରଂ ଏହା ରୋଜଗାର ପାଇଁ ଏକ ବଡ଼ ପ୍ଲାଟଫର୍ମ ପାଲଟିଛି । ସାରା ବିଶ୍ବରେ କୋଟି କୋଟି ବ୍ୟବହାରକାରୀ ଏହାକୁ ବ୍ୟବହାର କରନ୍ତି । କିନ୍ତୁ ଏହି ଟ୍ରେଣ୍ଡ୍ 2025 ମସିହାରେ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି ।

ଯଦି ଆପଣ ଟେଲିଗ୍ରାମକୁ ସଠିକ ଭାବରେ ବ୍ୟବହାର କରନ୍ତି, ତେବେ ଆପଣ ପ୍ରତ୍ୟେକ ମାସରେ ଲକ୍ଷ ଲକ୍ଷ ଟଙ୍କା ରୋଜଗାର କରିପାରିବେ । ତାହା ପୁଣି ଆପଣଙ୍କ ମୋବାଇଲରେ ଘରେ ବସି । ତେବେ ଆସନ୍ତୁ ଜାଣିବା 2025ରେ ଟେଲିଗ୍ରାମରୁ ଟଙ୍କା ରୋଜଗାର କରିବାର ସହଜ ଓ ନିର୍ଭରଯୋଗ୍ୟ ଉପାୟ ।

ପେଡ୍ ଟେଲିଗ୍ରାମ ଚ୍ୟାନେଲ କିମ୍ବା ଗ୍ରୁପ୍ ତିଆରି କରି ରୋଜଗାର କରନ୍ତୁ

ଟେଲିଗ୍ରାମରେ ଏକ ଦେୟଯୁକ୍ତ ବା ପେଡ୍ ଚ୍ୟାନେଲ କିମ୍ବା ଗ୍ରୁପ୍ ତିଆରି କରି ଆପଣ ଭଲ ଟଙ୍କା ରୋଜଗାର କରିପାରିବେ। ଯଦି ଆପଣଙ୍କର ସେୟାର ମାର୍କେଟ୍, କରେଣ୍ଟ୍ ଆଫାୟର୍ସ, କ୍ୟାରିଅର୍ ଗାଇଡେନ୍ସ, ମୋଟିଭେସନ କିମ୍ବା ଫିଟନେସ୍ ଭଳି କୌଣସି ନିର୍ଦ୍ଦିଷ୍ଟ ବିଷୟରେ ଜ୍ଞାନ ଅଛି, ତେବେ ଆପଣ ଦେୟଯୁକ୍ତ ସଦସ୍ୟତା ବା ପେଡ ମେମ୍ବରସିପ୍ ସହିତ ଏକ ଚ୍ୟାନେଲ ଆରମ୍ଭ କରିପାରିବେ।

ଉଦାହରଣ ସ୍ୱରୂପ, ଯଦି ଆପଣ 99 ଟଙ୍କା କିମ୍ବା 199 ଟଙ୍କା ମାସିକ ଶୁଳ୍କରେ 500 ସଦସ୍ୟ ଯୋଡନ୍ତି, ତେବେ ଆପଣ ପ୍ରତି ମାସରେ 50,000 ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ। କିଛି ବିଶେଷଜ୍ଞ ହଜାର ହଜାର ସଦସ୍ୟ ସହିତ ପ୍ରତି ମାସରେ ଲକ୍ଷ ଲକ୍ଷ ରୋଜଗାର କରୁଛନ୍ତି।

ଡିଜିଟାଲ ପ୍ରଡକ୍ଟସ ବିକ୍ରି କରି

ଟେଲିଗ୍ରାମରେ, ଆପଣ ନିଜେ ତିଆରି କରିଥିବା ଡିଜିଟାଲ ଜିନିଷ ଯେପରିକି, eBooks, କୋର୍ସ, ଡିଜାଇନ୍ ଟେମ୍ପଲେଟ୍, ୱାଲପେପର୍ ପ୍ୟାକ୍ କିମ୍ବା ନୋଟ୍ସ ବିକ୍ରି କରିପାରିବେ। ଆପଣ କୌଣସି ୱେବସାଇଟ୍ ବିନା ଏହି ବ୍ୟବସାୟ ଆରମ୍ଭ କରିପାରିବେ।

ଆଫିଲିଏଟ୍(Affiliate)  ମାର୍କେଟିଂରୁ ରୋଜଗାର

ଟେଲିଗ୍ରାମରେ ଯଦି ଆପଣଙ୍କର ବହୁତ ଫଲୋର୍ସ ଅଛନ୍ତି, ତେବେ ଆପଣ Amazon, Flipkart, Meesho କିମ୍ବା ଅନ୍ୟ କମ୍ପାନୀର ଆଫିଲିଏଟ୍ ଲିଙ୍କ୍ ସେୟାର କରିପାରିବେ। ଜଣେ ଉପଭୋକ୍ତା ସେହି ଲିଙ୍କ୍ରୁ ଯଦି କିଛି କିଣନ୍ତି, ତେବେ ଆପଣ ତାର କମିଶନ ପାଇବେ।

ପ୍ରମୋସନ ଏବଂ ବିଜ୍ଞାପନରୁ ରୋଜଗାର

ଯଦି ଆପଣଙ୍କର ଟେଲିଗ୍ରାମ ଚ୍ୟାନେଲରେ ହଜାର ହଜାର ସବସ୍କ୍ରାଇବର୍ ଅଛନ୍ତି, ତେବେ ଅନ୍ୟ ବ୍ରାଣ୍ଡ କିମ୍ବା ଚ୍ୟାନେଲଗୁଡ଼ିକ ପ୍ରଚାର ପାଇଁ ଆପଣଙ୍କ ସହିତ ଯୋଗାଯୋଗ କରିବେ। ଟେଲିଗ୍ରାମ ଚ୍ୟାନେଲ ପ୍ରମୋସନ ପାଇଁ 500 ଟଙ୍କାରୁ 5,000 ଟଙ୍କା ପର୍ଯ୍ୟନ୍ତ ପ୍ରତି ପୋଷ୍ଟ ପାଇଁ ଚାର୍ଜ ବା ଦେୟ ନିଆଯାଏ। ଆପଣଙ୍କର ଚ୍ୟାନେଲ ବଢ଼ିବା ସହିତ, ପ୍ରମୋସନ ଅଫର ମଧ୍ୟ ବୃଦ୍ଧି ପାଇବ ଏବଂ ଆପଣ ପ୍ରତି ମାସରେ ଲକ୍ଷ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର ମଧ୍ୟ କରିପାରିବେ।