(video)ଗୋଟିଏ ଗୁପଚୁପ୍ ଖାଇଲେ ପତ୍ନୀ ଫ୍ରି..’, କ’ଣ ରହିଛି ଗୁପ୍ଚୁପ୍ ବାଲାର ଏପରି ଅଫର ପଛର ସତ
ଆଜିକାଲି ମାର୍କେଟକୁୁ ଏକାଧିକ ଫୁଡ୍ ଡେଲିଭରୀ ଆପ୍ ପ୍ରବେଶ କଲେଣି ଯେଉଁମାନେ ଲୋକଙ୍କୁ ଆକର୍ଷିତ କରିବା ଲାଗି ଅଜବ ଅଫର ପ୍ରଦାନ କରୁଛନ୍ତି । ଅନଲାଇନ୍ ଫୁଡ୍ ଅର୍ଡର କରିବା ଉପରେ କେତେବେଳେ ଆପଣଙ୍କୁ ୫୦% ରିହାତି ତ ପୁଣି କେତେବେଳେ ଗୋଟିଏ ସହିତ ଆଉ ଗୋଟିଏ ମାଗଣାରେ ଦେଉଛନ୍ତି । କିନ୍ତୁ ଏବେ ଏକ ଗୁପଚୁପ୍ ବେପାରୀ ଏପରି ଅଫର ଆଣି ଆସିଛି ଯାହା ସବୁ ଅଫର ଠାରୁ ଅଜବ । ଏହି ଅଫର ବିଷୟରେ ଜାଣିବା ପରେ ଲୋକମାନେ ଏହା ବିଷୟରେ ଅଧିକ ତଥ୍ୟ ହାସଲ ପାଇଁ ବ୍ୟଗ୍ର ହୋଇପଡିଛନ୍ତି ।
ଗୁପଚୁପ୍ ଏପରି ଏକ ଫୁଡ୍ ଆଇଟମ୍ ଯାହାକୁ ଖାଇବାକୁ ସମସ୍ତେ ପସନ୍ଦ କରିଥାନ୍ତି । କିନ୍ତୁ ଏକ ଗୁପଚୁପ୍ ଦୋକାନୀ ଲୋକଙ୍କୁ ନିଜ ଆଡକୁ ଆକର୍ଷିତ କରିବା ଲାଗି ଏପରି ଏକ ଅଫର ଦେଉଛନ୍ତି ଯାହା ପୁରୁଷଙ୍କୁ ବେଶ୍ ଆକର୍ଷିତ କରିବାରେ ଲାଗିଛି । ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ୍ ହେବାରେ ଲାଗିଛି ଯେଉଁଥିରେ ଏକ ଗୁପଚୁପ୍ ବାଲା ନିଜ ଠେଲାରେ ଲେଖିଛନ୍ତି, ‘ଗୋଟିଏ ଗୁପଚୁପ୍ ଖାଇଲେ ପତ୍ନୀ ଫ୍ରି’ ।
View this post on Instagram
ଭିଡିଓଟି ଏବେ ସୋସିଆଲ ମିଡିଆରେ ରକେଟ୍ ବେଗରେ ଭାଇରାଲ୍ ହେଉଛି । କିନ୍ତୁ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ସଂପୂର୍ଣ୍ଣ ତଥ୍ୟ ରହିନାହିଁ । ଏହି ଭିଡିଓକୁ ସେତେବେଳେ ରେକର୍ଡ କରି ଅପଲୋଡ୍ କରାଯାଇଛି ଯେତେବେଳେ ଠେଲାରେ ପୁରା କଥା ଲେଖାଯାଇନାହିଁ । ପ୍ରକୃତରେ ବେପାରୀ ତା’ ଠେଲାରେ ଲେଖିଛି ‘ତୁମେ ଗୋଟିଏ ଗୁପଚୁପ୍ ଖାଇଲେ ପତ୍ନୀ ମାଗଣାରେ ଅନ୍ୟଟି ଖାଇବ’ । କିନ୍ତୁ ଭାଇରାଲ ହେଉଥିବା ଭିଡିଓରେ ‘ଅନ୍ୟଟି ଖାଇବ’ ଉହ୍ୟ ରହିଛି । ଦୋକାନୀ ବି ଚାଲାକିରେ ଅନ୍ୟ ସବୁ ଶବ୍ଦ ଗୁଡିକୁ ବଡ ବଡ ଅକ୍ଷରରେ ଲେଖିଥିବା ବେଳେ ଏହି ଦୁଇ ଶବ୍ଦକୁ ଛୋଟ ଛୋଟ ଅକ୍ଷରରେ ଲେଖିଛି ।
