ସୋନିଆ-ରାହୁଲଙ୍କ ସହ ଜଡ଼ିତ ସମ୍ପତ୍ତି ଦଖଲ ପାଇଁ ପ୍ରକ୍ରିୟା ଆରମ୍ଭ କଲା ଇଡି
ନୂଆଦିଲ୍ଲୀ,୧୨ା୪: ନ୍ୟାସନାଲ ହେରାଲ୍ଡ ମନି ଲଣ୍ଡରିଂ ମାମଲାରେ କଂଗ୍ରେସ ନେତ୍ରୀ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ସହ ଜଡ଼ିତ ସମ୍ପତ୍ତି ଦଖଲ କରିବାକୁ ଇଡି ପ୍ରକ୍ରିୟା ଆରମ୍ଭ କରିଛି । ଗତ ୧୧ ତାରିଖରେ ଦିଲ୍ଲୀ, ମୁମ୍ବାଇ ଏବଂ ଲକ୍ଷ୍ନୌର ସମ୍ପତ୍ତି ଦଖଲ କରିବାକୁ ନୋଟିସ ଜାରି କରିଥିଲା । ଯେଉଁଠି ସୋନିଆ ଏବଂ ରାହୁଲଙ୍କ ନାଁରେ ୟଙ୍ଗ ଇଣ୍ଡିଆନ ଲିମିଟେଡ୍ ଦ୍ୱାରା ଅଧିଗ୍ରହଣ କରାଯାଇଥିବା ଏଜେଏଲ୍ ସମ୍ପତ୍ତି ରହିଛି ।
ନୋଟିସରେ ଘର ଖାଲି କରିବାକୁ କିମ୍ବା ଭଡା (ମୁମ୍ବାଇ ସମ୍ପତ୍ତି ) ଇଡିକୁ ହସ୍ତାନ୍ତର କରିବାକୁ କୁହାଯାଇଛି। ଏହି କାର୍ଯ୍ୟାନୁଷ୍ଠାନ ପ୍ରିଭେନ୍ସନ୍ ଅଫ୍ ମନି ଲଣ୍ଡରିଂ ଆକ୍ଟ (PMLA)ର ଧାରା ୮ (୮) ଏବଂ ନିୟମ ୫ (୧) ଅନୁଯାୟୀ ନିଆଯାଇଛି, ଯାହା ଇଡି ଦ୍ୱାରା ଆଟାଚ୍ କରାଯାଇଥିବା ଏବଂ ବିଚାରକ କର୍ତ୍ତୃପକ୍ଷଙ୍କ ଦ୍ୱାରା ନିଶ୍ଚିତ କରାଯାଇଥିବା ସମ୍ପତ୍ତିର ଦଖଲ ନେବା ପାଇଁ ପ୍ରକ୍ରିୟା ପ୍ରଦାନ କରେ।
ଏହି ଅସ୍ଥାବର ସମ୍ପତ୍ତିଗୁଡ଼ିକୁ ଇଡି ନଭେମ୍ବର ୨୦୨୩ରେ ଆଟାଚ୍ କରିଥିଲା। ଇଡିର ଏହି ମନି ଲଣ୍ଡରିଂ ମାମଲା ଏଜେଏଲ ଏବଂ ‘ୟଙ୍ଗ ଇଣ୍ଡିଆନ୍’ ବିରୋଧରେ। ୟଙ୍ଗ ଇଣ୍ଡିଆନ୍ ଏବଂ ଏଜେଏଲ୍ ସମ୍ପତ୍ତିକୁ ୧୮ କୋଟି ଟଙ୍କାର ନକଲି ଦାନ, ୩୮ କୋଟି ଟଙ୍କାର ନକଲି ଆଗୁଆ ଭଡ଼ା ଏବଂ ୨୯ କୋଟି ଟଙ୍କାର ନକଲି ବିଜ୍ଞାପନ ଆକାରରେ ଅପରାଧ ପାଇଁ ଆୟ ସୃଷ୍ଟି କରିବା ପାଇଁ ବ୍ୟବହାର କରାଯାଇଥିଲା,ଇଡି ଅଭିଯୋଗ କରିଛି।