ଆଖୁ କିଆରିରେ ଲୁଚି କରୁଥିଲେ ଖେଳ, ପୋଲିସ ଖବର ପାଇ ପହଞ୍ଚି…

ଚଣ୍ଡିଗଡ- ଆଖୁ କିଆରିରେ ପୋଲିସର ଏନକାଉଣ୍ଟର । ଲାଣ୍ଡା ଗ୍ୟାଙ୍ଗର ଦୁଇ ସାଥୀଙ୍କୁ ଆଖୁ କିଆରିରେ କାବୁ କରିବାରେ ସଫଳ ହୋଇଛି ଓ ପୋଲିସ ଗୁଳିରେ ଦୁଇଜଣଙ୍କ ମୃତ୍ୟୁ ହୋଇଛି । ପୁରା ୫୦ ରାଉଣ୍ଡ ଗୁଳି ଆଖୁ କିଆରିରେ ଉଭୟ ପକ୍ଷରୁ ଚାଲିଥିଲା । ଏଥିରେ ପୋଲିସ ଅଧିକାରୀ ମଧ୍ୟ ଆହତ ହୋଇଛନ୍ତି । ଗ୍ୟାଙ୍ଗଷ୍ଟର ମଧ୍ୟ ଏନକାଉଣ୍ଟରରେ ଆହତ ହୋଇଛି ।
ଲାଣ୍ଡା ଗ୍ୟାଙ୍ଗ ପଞ୍ଜାବର ବିଭିନ୍ନ ଜିଲାରେ ବଟି ଆଦାୟଠାରୁ ଆରମ୍ଭ କରି ବିଭିନ୍ନ ଅପରାଧିକ କାମରେ ସକ୍ରୀୟ ରହିଛି । ତେବେ ଜଳନ୍ଧରର କଙ୍ଗନିଭାଲ ନିକଟରେ ଥିବା ଏକ ଆଖୁ କିଆରିରେ କିଛି ଅପରାଧୀ ଥିବା ଖବର ପାଇ ପୋଲିସ ସେଠାରେ ପହଞ୍ଚି ଥିଲା ଓ ସେମାନଙ୍କୁ ଧରିବାକୁ ଚେଷ୍ଟା କରିଥିଲା । ପୋଲିସକୁ ଦେଖି ଦୁଇ ଅପରାଧୀ ଆଗ ପୋଲିସ ଉପରେ ଗୁଳିମାଡ କରିଥିଲେ । ଫଳରେ ପୋଲିସକୁ ମଧ୍ୟ ଗୁଳି କରିବାକୁ ପଡିଥିଲା । ଏହି ଗୁଳିବିନିମୟରେ ଲାଣ୍ଡା ଗ୍ରୁପରେ ଜଣେ ଅପରାଧୀ ଆହତ ହୋଇଥିବା ବେଳେ ୨ ପୋଲିସ ଅଧିକାରୀ ଆହତ ହୋଇଛନ୍ତି ।
ସେମାନଙ୍କ ନିକଟରୁ ପୋଲିସ ୭ ହତିଆର ଓ ଅନେକ କାରତୁସ ଜବତ କରିଛି । ଏହି ଗ୍ରୁପ ବିଗତ ଦିନରେ ପୋଲିସ ପାଇଁ ବଡ ଚ୍ୟାଲେଞ୍ଜ ହୋଇ ଠିଆହୋଇଥିଲା । ଲାଣ୍ଡା ଗ୍ରୁପ ପାଇଁ ଲୋକଙ୍କ ଅସନ୍ତୋଷ ପୋଲିସ ବିରୋଧରେ ବଢିଚାଲିଥିଲା । ଯାହାକୁ ନେଇ ପୋଲିସ ବହୁ ଅପଦସ୍ତ ହୋଇଥିଲା । ତେଣୁ ଏହି ଗ୍ରୁପକୁ ଧରିବାକୁ ପୋଲିସ ଅନେକ ଦିନରୁ ଜାଲ ବିଛାଇଥିଲା । ଶେଷରେ ଆଜି ଭୋରୁ ପୋଲିସକୁ ଗ୍ରୁପ ସମ୍ପର୍କରେ ସୂଚନା ମିଳିଥିଲା । ସେହି ଅଞ୍ଚଳରେ କିଛି ଅପରାଧ କରିବାକୁ ସେମାନେ ସେଠାକୁ ଆସିଥିବା କୁହାଯାଉଛି ।