ଅନୁଗୁଳ: ଅନୁଗୁଳରେ ସକାଳୁ ସକାଳୁ ଏନକାଉଣ୍ଟର କରିଛି ପୋଲିସ । କୁଖ୍ୟାତ ଅପରାଧୀ ସୁଶାନ୍ତ ନାୟକକୁ ଏନକାଉଣ୍ଟର କରାଯାଇଛି ।
ତାଳଚେରର ସ୍କଟଲାଣ୍ଡପୁର ଜଙ୍ଗଲରେ ପୋଲିସ ଏହି ଏନକାଉଣ୍ଟର କରିଥିବା ସୂଚନା । ଗୁରୁତର ଅବସ୍ଥାରେ ଶୁସାନ୍ତଙ୍କୁ ଅନୁଗୁଳ ମେଡିକାଲରେ ଭର୍ତ୍ତି କରାଯାଇଛି ।
ସୁଶାନ୍ତ ନାଁରେ ବିଭିନ୍ନ ଥାନାରେ ଏକାଧିକ ମାମଲା ରହିଛି । ବହୁ ଦିନ ଧରି ପୋଲିସ ତାକୁ ଖୋଜୁଥିଲା । କିନ୍ତୁ ସବୁବେଳେ ପୋଲିସ ଆଖିରେ ଚକମା ଦେଇ ଖସିଯାଉଥିଲା ସୁଶାନ୍ତ ।
ସ୍କଟଲାଣ୍ଡପୁର ଜଙ୍ଗଲରେ ସୁଶାନ୍ତ ଥିବାନେଇ ଗୋଇନ୍ଦା ସୂଚନା ପାଇ ପୋଲିସ ସେଠାରେ ପହଞ୍ଚି ତାକୁ ଧରିବାକୁ ଚେଷ୍ଟା କରିଥିଲା । କିନ୍ତୁ ସେ ଖସି ପଳାଉଥିବାବେଳେ ପୋଲିସ ତା’ ଉପରକୁ ଗୁଳି ଚଳାଇଥିବା କୁହାଯାଉଛି ।