ଆବଶ୍ୟକତାଠାରୁ ଅଧିକ ପାଣି ପିଅନ୍ତୁ ନାହିଁ: ନଚେତ୍ ଶରୀରର ଏହି ଅଙ୍ଗ ହେବ କ୍ଷତିଗ୍ରସ୍ତ

ନୂଆଦିଲ୍ଲୀ: ଅଧିକ ପାଣି ପିଇଲେ ସ୍ୱାସ୍ଥ୍ୟ ଭଲ ରୁହେ ବୋଲି ଆମେ ପିଲାବେଳୁ ଶୁଣି ଆସୁଛୁ । କିନ୍ତୁ ଅଧିକ ପାଣି ପିଇବା ଆମ ଶରୀର ପାଇଁ କ୍ଷତିକାରକ ହୋଇପାରେ । ପାଣି ପିଇବା ସମସ୍ତଙ୍କ ପାଇଁ ଗୁରୁତ୍ୱପୂର୍ଣ୍ଣ, କିନ୍ତୁ ଅଧିକ ପାଣି ଦ୍ୱାରା ଆପଣଙ୍କୁ ଓଭର ହାଇଡ୍ରେସନର ସମସ୍ୟା ଭୋଗିବାକୁ ପଡ଼ିପାରେ । ଏହାକୁ ଇଣ୍ଟାକ୍ସିକେସନ ମଧ୍ୟ କୁହାଯାଏ । ଏପରି ପରିସ୍ଥିତିରେ ଅଧିକ ପାଣି ପିଇବା ଦ୍ୱାରା ଆପଣଙ୍କ ସ୍ୱାସ୍ଥ୍ୟକୁ କ’ଣ କ୍ଷତି ହୋଇଥାଏ, ଆସନ୍ତୁ ଜାଣିବା…

ଅତ୍ୟଧିକ ପାଣି ପିଇବାର ସାଇଡ ଇଫେକ୍ଟସ୍:-

– କିଡନୀ ନଷ୍ଟ
ଓଭରହାଇଡ୍ରେସନ୍ ଯୋଗୁଁ ଆମର କିଡନୀ ମଧ୍ୟ ନଷ୍ଟ ହୋଇଯାଏ । ଯେତେବେଳେ ଆମେ ଅଧିକ ପାଣି ପିଇଥାଉ, ଏହି କାରଣରୁ ଆର୍ଜିନାଇନ୍ ଭାସୋପ୍ରେସିନ୍ ର ପ୍ଲାଜମା ସ୍ତର କମିଯାଏ । ଯାହା କିଡନୀର କାର୍ଯ୍ୟ କ୍ଷମତା ଉପରେ ସିଧାସଳଖ ପ୍ରଭାବ ପକାଇଥାଏ । ଏପରି ପରିସ୍ଥିତିରେ ଆପଣ ଅତ୍ୟଧିକ ପାଣି ପିଇବାଠାରୁ ଦୂରେଇ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।

– ଲିଭର କ୍ଷତି
ଏପରି ଅନେକ ଅଧ୍ୟୟନ କରାଯାଇଛି, ଯେଉଁଥିରେ ଜଣାପଡିଛି ଯେ ଓଭରହାଇଡ୍ରେସନର କାରଣ କେବଳ ସାଧାରଣ ଜଳ ନୁହେଁ । ବରଂ, ଯେତେବେଳେ ଆପଣ ଅଧିକ ଆଇରନ୍ ଯୁକ୍ତ ଜଳ ପିଅନ୍ତିି, ତେବେ ଏହା ଓଭରହାଇଡ୍ରେସନର ସ୍ଥିତି ପାଇଁ ଦାୟୀ ହୋଇଥାଏ । ଏହି କାରଣରୁ ଲିଭର ସମ୍ବନ୍ଧୀୟ ସମସ୍ୟା ଦେଖାଦେଇପାରେ । ସେଥିପାଇଁ ଆମେ ଅଧିକ ଜଳ ପିଇବା ଠାରୁ ଦୂରେଇ ରହିବା ଉଚିତ୍ ।

– ହାର୍ଟକୁ ବିପଦ
ଯଦି ଆପଣ ଅଧିକ ଜଳ ପିଅନ୍ତି, ତେବେ ଆପଣ ମଧ୍ୟ ହାର୍ଟ ଆଟାକ୍ ର ଶିକାର ହୋଇପାରନ୍ତି । ଯେତେବେଳେ ଆପଣ ଅଧିକ ପାଣି ପିଅନ୍ତି, ଏହା ଶରୀରରେ ରକ୍ତ ପରିମାଣକୁ ବଢ଼ାଇଥାଏ, ଯାହାର ସିଧାସଳଖ ଚାପ ହୃଦୟର ରକ୍ତ ଧମନୀ ଉପରେ ପଡ଼ିଥାଏ । ଉଚ୍ଚ ଚାପ ହେତୁ ହୃଦଘାତର ସମ୍ଭାବନା ବଢ଼ିଯାଏ, ତେଣୁ ଆମେ ଅଧିକ ଜଳ ପିଇବା ଠାରୁ ଦୂରେଇ ରହିବା ଉଚିତ ।

– ସେଲ୍ସରେ ସମସ୍ୟା
ଆବଶ୍ୟକତାଠାରୁ ଅଧିକ ପାଣି ପିଇବା ଦ୍ୱାରା ଶରୀରରେ ସୋଡିୟମର ମାତ୍ରା କମିଥାଏ । ଯାହା ପରେ ପାଣି ଓସୋସିସ୍ ପ୍ରକ୍ରିୟା ମାଧ୍ୟମରେ କୋଷଗୁଡିକରେ ପ୍ରବେଶ କରେ । ଏହି କାରଣରୁ କୋଷଗୁଡ଼ିକରେ ପ୍ରଦାହ ସମସ୍ୟା ଆରମ୍ଭ ହୁଏ । ଏହି ଅବସ୍ଥା ଅତ୍ୟଧିକ ଗମ୍ଭୀର ସମସ୍ୟା ସୃଷ୍ଟି କରିପାରେ, ଯେପରିକି ମାଂସପେଶୀ ଟିସୁ ଏବଂ ମସ୍ତିଷ୍କର କ୍ଷତି । ତେଣୁ ଆମେ ଜଳର ଅତ୍ୟଧିକ ବ୍ୟବହାରରୁ ଦୂରେଇ ରହିବା ଉଚିତ୍ ।