Fastag KYC ର ବଢିଲା ଡେଡଲାଇନ, NHAI ଦେଲା ଆଶ୍ୱସ୍ତି- ଜାଣନ୍ତୁ ଅପଡେଟର ଶେଷ ତାରିଖ
ନୂଆଦିଲ୍ଲୀ: ଫାଷ୍ଟଟ୍ୟାଗ କେୱାଇସିର ଶେଷ ତାରିଖ ପୁଣି ଥରେ ବଢାଯାଇଛି । ଫାଷ୍ଟଟ୍ୟାଗ କେୱାଇସି ଅପଡେଟ କରିବା ଲାଗି ଆଜି ଶେଷ ତାରିଖ ଥିଲା, ଯାହାକୁ ଜାତୀୟ ରାଜପଥ ପ୍ରାଧିକରଣ ବଢାଇଦେଇଛି । ବର୍ତ୍ତମାନ ମାର୍ଚ୍ଚର ମାସର ଶେଷ ତାରିଖ ପର୍ଯ୍ୟନ୍ତ ଫାଷ୍ଟଟ୍ୟାଗ କେୱାଇସି ଅପଡେଟ କରିପାରିବେ ।
ପ୍ରାରମ୍ଭରୁ ଏହା ଆଶା କରାଯାଉଥିଲା ଯେ, ପେଟିଏମ ପେମେଣ୍ଟସ ବ୍ୟାଙ୍କର ସଂକଟ ମଧ୍ୟରେ ଜାତୀୟ ରାଜପଥ ପ୍ରାଧିକରଣ ଫାଷ୍ଟଟ୍ୟାଗ କେୱାଇସିକୁ ପୂରା କରିବାର ସମୟ ସୀମା ମାର୍ଚ୍ଚ ଶେଷ ପର୍ଯ୍ୟନ୍ତ ବଢାଇଦିଆଯାଇଛି । ଏହା ପୂର୍ବରୁ ଜାତୀୟ ରାଜପଥ ପାଇଁ ନୋଡାଲ ଏଜେନ୍ସି ୨୯ ଫେବୃଆରୀକୁ ଶେଷ ତାରିଖ ରଖିଥିଲେ ଏବଂ ଫାଷ୍ଟଟ୍ୟାଗ ଉପଯୋଗକର୍ତ୍ତାଙ୍କୁ ‘ଏକ ବାହନ-ଏକ ଫାଷ୍ଟଟ୍ୟାଗ’ ପ୍ରଣାଳୀରେ ଟ୍ରାନ୍ସଫର ହେବା ପାଇଁ କହିଥିଲେ ।
ଏକ ବରିଷ୍ଠ ଅଧିକାରୀ ନ୍ୟୁଜ ଏଜେନ୍ସି ପିଟିଅଙ୍କୁ କହିଛନ୍ତି ଯେ, Paytm FASTag ବ୍ୟବହାରକାରୀମାନେ ସମ୍ମୁଖୀନ ହେଉଥିବା ସମସ୍ୟାକୁ ଦୃଷ୍ଟିରେ ରଖି ଏହାର ଶେଷ ସମୟ ମାର୍ଚ୍ଚ ଶେଷ ପର୍ଯ୍ୟନ୍ତ ବୃଦ୍ଧି କରିବାକୁ ପ୍ରସ୍ତାବ ଦିଆଯାଇଛି।
