ବାଘର ଫାଗ କୁ ଭୟ ; ଅତିକ୍ ସାମ୍ରାଜ୍ୟ ଶେଷ ପରେ ବଢିଲା ସିଏମ୍ ଯୋଗୀ ଆଦିତ୍ୟନାଥଙ୍କ ସୁରକ୍ଷା ବ୍ୟବସ୍ଥା
ନୂଆଦିଲ୍ଲୀ : କଥାରେ କୁହାଯାଏ ବାଘର ଫାଗକୁ ଭୟ । ଯାହା କହିଲେ, ତାହା କରି ଦେଖାଇଲେ ସିଏମ୍ ଯୋଗୀ ଅଦିତ୍ୟନାଥ । ସଂସଦରେ “ମିଟି ମେ ମିଲା ଦେଙ୍ଗେ’ କହିଥିଲେ, ଶେଷରେ ତାହା ହିଁ ହେଲା । ମାଟିରେ ଲୋଟି ପଡିଲା ଗୋଟିଏ ପରେ ଗୋଟିଏ ଉମେଶ ହତ୍ୟାକାଣ୍ଡର ଅଭିଯୁକ୍ତଙ୍କ ମୃତଶରୀର । ଅତିକ ସାମ୍ରାଜ୍ୟ ମାଟିରେ ମିଶାଇ ଦେଲେ, ହେଲେ ନିଜ ସୁରକ୍ଷା ଚିନ୍ତା ସିଏମ୍ ଙ୍କୁ ଘାରିଛି ।
ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସୁରକ୍ଷା ବ୍ୟବସ୍ଥାକୁ ନେଇ ଚିନ୍ତା ପ୍ରକଟ କରାଯାଇଛି । ଲକ୍ଷ୍ନୌ ବାହାରେ ଯାତ୍ରା ସମୟରେ ସିଏମ୍ ଯୋଗୀଙ୍କୁ ଅତିରିକ୍ତ ସୁରକ୍ଷା ଯୋଗାଇ ଦିଆଯିବ। ସିଏମ ଯୋଗୀ ଆଦିତ୍ୟନାଥ ହେଉଛନ୍ତି ବିଜେପିର ଷ୍ଟାର ପ୍ରଚାରକ। ଏଭଳି ପରିସ୍ଥିତିରେ କର୍ଣ୍ଣାଟକରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ତାଙ୍କ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
ସୂଚନାଯୋଗ୍ୟ, ଅତିକ୍ ଅହମ୍ମଦ ଏବଂ ତାଙ୍କ ଭାଇ ଆଶ୍ରାଫଙ୍କ ହତ୍ୟା ପରେ ସିଏମ୍ ଯୋଗୀ ଆଦିତ୍ୟନାଥ ଲକ୍ଷ୍ନୌ ଅଧିକାରୀଙ୍କ ସହ ଏକ ବଡ ବୈଠକ କରିଥିଲେ। ଏଥିରେ ରାଜ୍ୟର ସୁରକ୍ଷା ବ୍ୟବସ୍ଥାର ସମୀକ୍ଷା କରାଯାଇଥିଲା।
ଯୋଗୀ ଆଦିତ୍ୟନାଥ ସରକାର ଅତିକ ଅହମ୍ମଦ ଏବଂ ତାଙ୍କ ଭାଇଙ୍କୁ ପ୍ରୟାଗରାଜରେ ପୋଲିସ ସମ୍ମୁଖରେ ହତ୍ୟା କରିବା ପରଠାରୁ ନିରନ୍ତର କାର୍ୟ୍ୟାନୁଷ୍ଠାନ ଗ୍ରହଣ କରାଯାଉଛି । ଏହି ଘଟଣାର ଅନୁସନ୍ଧାନ ପାଇଁ ପ୍ରୟାଗ କମିଶନର ଏସଆଇଟି ଗଠନ କରିଛନ୍ତି। ଏହି ଏସଆଇଟି ସୋମବାର ମଧ୍ୟ ଅନେକ ସ୍ଥାନରେ ଚଢାଉ କରିଥିଲା। ଅନ୍ୟପକ୍ଷରେ ହତ୍ୟାକାଣ୍ଡରେ ସମ୍ପୃକ୍ତ ତିନି ଅଭିଯୁକ୍ତଙ୍କୁ ପଚରାଉଚରା କରିବା ସେମାନଙ୍କ ଘରେ ପହଞ୍ଚିଥିଲା । ଏହି ସମୟରେ ପୋଲିସ ସେମାନଙ୍କ ସମ୍ପର୍କକୁ ମଧ୍ୟ ପଚରାଉଚରା କରିଛି ।
