ବାପା- ପୁଅଙ୍କ ସମ୍ପର୍କ, ସମ୍ପର୍କରେ ଫାଟ, ଖୁସି ଓ ଦୁଃଖର ସମ୍ମିଶ୍ରଣ ଫିଲ୍ମ ବନବାସର ଟିଜର ରିଲିଜ
ମୁମ୍ବାଇ: ବାପା ପୁଅଙ୍କ ସମ୍ପର୍କକୁ ନେଇ ପ୍ରସ୍ତୁତ ଫିଲ୍ମ ବନବାସର ଟିଜର ରିଲିଜ ହୋଇଛି । ଟିଜରରେ ନାନାଙ୍କ ଦମଦାର ସଂଳାପ ସହ ଭାବପ୍ରବଣତା ଦେଖିବାକୁ ମିଳିଛି । ଏଥିରେ ମୁଖ୍ୟ ଭୂମିକାରେ ନାନା ପାଟେକରଙ୍କ ସହ ନାନାଙ୍କ ପୁଅ ଭୂମିକାରେ ଫିଲ୍ମର ନିର୍ଦ୍ଦେଶକ ଅନିଲ ଶର୍ମାଙ୍କ ପୁଅଙ୍କୁ ଦେଖିବାକୁ ମିଳିଛି । ଅନିଲ ଗଦର ୨ରେ ଅଭିନୟ କରିଛନ୍ତି ।
ହିନ୍ଦୀ ସିନେମାରେ ସବୁଠାରୁ ଦମଦାର ଅଭିନେତାଙ୍କ ମଧ୍ୟରେ ଅନ୍ୟତମ ନାନା ପାଟେକର । ତାଙ୍କ ଅଭିନୟ, ଡାଇଲଗ ଲେଭରି ସବୁ ଉଚ୍ଚ କୋଟିରର । ନାନା ତାଙ୍କ ଫିଲ୍ମ ଚୟନକୁ ନେଇ ସବୁବେଳେ ଚର୍ଚ୍ଚାରେ । ଅନ୍ୟମାନଙ୍କ ପରେ ଯାହା ତା ଫିଲ୍ମ କରିବା ନାନାଙ୍କ ନୀତି ବିରୋଧୀ । ତେଣୁ ହାତ ଗଣତି କିଛି ଫିଲ୍ମ ଆସିଥାଏ ନାନାଙ୍କର । ତେବେ ଏକ ଲମ୍ବା ବ୍ୟବଧାନ ପରେ ନାନାଙ୍କ ଫିଲ୍ମ ବନବାସରେ ନାନାଙ୍କୁ ଦେଖିବାକୁ ମିଳିବ ।
ଫିଲ୍ମ ବନବାସକୁ ଗଦର, ଅପନେ, ଗଦର-୨ ପରି ଫିଲ୍ମ ତିଆରି କରିଥିବା ଡାଇରେକ୍ଟର ଅନିଲ ଶର୍ମାଙ୍କ ଅପକମିଂ ଫିଲ୍ମ । ଫିଲ୍ମର ଆନାଉନ୍ସମେଣ୍ଟ ନିକଟରେ ବେଶ ସରପ୍ରାଇଜ ଭାବେ ଘୋଷଣା ହୋଇଥିଲା । ଏବେ ତାର ଟିଜର ରିଲିଜ ହୋଇଛି । ଫିଲ୍ମଟି ଏକ ଇମୋସନାଲ ଫ୍ୟାମିଲି ଡ୍ରାମା । ଏଥିରେ ନାନାଙ୍କ ପୁଅ ଭୂମିକାରେ ଉକ୍ରର୍ଷ ଶର୍ମାଙ୍କୁ ଦେଖିବାକୁ ମିଳିବ । ଗତ ବର୍ଷ ରିଲିଜ ହୋଇଥିବା ଗଦର ୨ରେ ଉକ୍ରର୍ଷ ଅଭିନୟ କରିଥିଲେ ।
ଟିଜର ଅନିଲଙ୍କ ଗତ ଫିଲ୍ମର ଝଲକରୁ ଆରମ୍ଭ ହୋଇଛି । ହୁଏତ ଏକ ନୂଆ କାହାଣୀରେ ଦର୍ଶକମାନଙ୍କ ବିଶ୍ୱାସ ଜନ୍ମାଇବା ହେଉଛିା ଏହା ପରେ ନାନାଙ୍କ ଅଭିନୟ ଦେଖିବାକୁ ମିଳିଛି, ଯାହା ବନାରସ ଘାଟ ଓ ହିଲ ଷ୍ଟେସନରେ ଛୁଟି କାଟିବା ପରି ମନେ ହେଉଛି । ସେ ଟିଜରରେ ପଦ୍ମ ପୁରାଣର ଏକ ଡାଇଲଗ କହୁଛନ୍ତି- ପିତା ଧର୍ମ, ପିତା ସ୍ୱର୍ଗ, ପିତା ହିଁ ପରମଂ ତପଃ । ଟିଜରର ଗୋଟିଏ ସିନରେ ନାନା ସୁଟ ବୁଟ ପିନ୍ଧି ବୁଲିଥିବା ଦେଖାଯାଉଥିବା ବେଳେ ଅନ୍ୟଟିରେ ତାଙ୍କ ଘରେ ଲୋକଙ୍କ ଭିଡ ଓ ତାଙ୍କ ଫଟୋରେ ଫୁଲ ମାଳଟିଏ ଲମ୍ବିଥିବା ଦେଖିବାକୁ ମିଳିଛି ।
ଟିଜରରେ ସୋନୁ ନିଗମଙ୍କ ସ୍ୱର ବହୁତ ହିଁ ଭାବପ୍ରବଣ ଓ ମନଲୋଭା ଲାଗୁଛି । ଏହି ଫିଲ୍ମଟି ୨୦ ଡିସେମ୍ବରକୁ ଥିଏଟରକୁ ଆସିବାକୁ ରହିଛି ।
