ତିରୁପତି ମନ୍ଦିରରେ କାହିଁକି ବାରମ୍ବାର ଅଘଟଣ…ଦଳାଚକଟା ପରେ ଆଜି ଲାଗିଲା ନିଆଁ

ନୂଆଦିଲ୍ଲୀ: କିଛି ଦିନ ପରେ ପୁଣି ତିରୁପତି ମନ୍ଦିରରେ ଅଘଟଣ । ପୂର୍ବରୁ ଦଳାଚକଟା ହୋଇ ଭକ୍ତ ପ୍ରାଣ ହରାଇଥିବା ବେଳେ ଆଜି ପୁଣି ମନ୍ଦିରରେ ନିଆଁ ଲାଗିଛି । ତିରୁପତି ତିରୁମାଳା ଦେବସ୍ଥାନମ ମନ୍ଦିରରେ ଥିବା ଲଡୁ ବିତରଣ କାଉଣ୍ଟର ନିକଟରେ ଭୟଙ୍କର ଅଗ୍ନିକାଣ୍ଡ ହୋଇଛି ।

ଲଡୁ କାଉଣ୍ଟରରେ ନିଆଁ- ସୂଚନା ଅନୁସାରେ, ଭକ୍ତମାନେ ତିରୁପତିଙ୍କ ପ୍ରସାଦ ପାଇବା ପାଇଁ ଲଡୁ କାଉଣ୍ଟରରେ ଅପେକ୍ଷା କରି ରହିଥିଲେ । ଏହି ସମୟରେ ହଠାତ୍ ନିଆଁ ଲାଗିଯାଇଥିଲା । ଫଳରେ ସେଠାରେ ରହିଥିବା ଭକ୍ତମାନେ ଭୟଭୀତ ହୋଇ ଦୌଡି ପଳାଇଥିଲେ ।

ଅଗ୍ନିକାଣ୍ଡର କାରଣ ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି । କିନ୍ତୁ କୌଣସି ବଡ କ୍ଷତି ହୋଇନଥିବା ଆଶଙ୍କା କରାଯାଉଛି । ପ୍ରଶାସନ ପକ୍ଷରୁ ନିଆଁ ଲିଭାଇବା ପାଇଁ ଉଦ୍ୟମ କରାଯାଉଛି । ୧୦ ନିଦିଆ ବୈକୁଣ୍ଠ ଦ୍ୱାର ଦର୍ଶନମ ଉତ୍ସବ ବେଳେ ଏହି ଅଘଟଣ ଘଟିଛି ।

ପୂର୍ବରୁ ମନ୍ଦିରରେ ହୋଇଥିଲା ଦଳାଚକଟା- ପ୍ରକାଶଥାଉକି, ଗତ ଜାନୁଆରୀ 8 ତାରିଖରେ ମଧ୍ୟ ମନ୍ଦିରରେ ଅଘଟଣ ଘଟିଥିଲା । ଟିକେଟ କାଉଣ୍ଟର ନିକଟରେ ଦଳାଚକଟା ହୋଇଥିବା ବେଳେ ଏଥିରେ 6ଜଣ ପ୍ରାଣ ହରାଇଥିଲେ । ଏହାପରେ ମନ୍ଦିରର ବ୍ୟବସ୍ଥାକୁ କଡାତଡି କରାଯାଇଥିଲା । ଏହାର 4 ଦନ ନବିତୁଣୁ ପୁଣିଥରେ ମନ୍ଦିରରେ ଅଘଟଣ ଦେଖାଯାଇଛି ।