ଚଳନ୍ତା ଟ୍ରେନରେ ଲାଗିଗଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
ପାଟଣା: ବିହାର ମୋତିହାରୀରେ ରବିବାର ଏକ ପାସେଞ୍ଜର ଟ୍ରେନର ଇଞ୍ଜିନରେ ନିଆଁ ଲାଗିଯାଇଥିଲା । ଟ୍ରେନଟି ନିଜ ଗନ୍ତବ୍ୟ ସ୍ଥଳକୁ ଯାଉଥିବାବେଳେ ହିଁ ନିଆଁ ଲାଗିଯାଇଥିଲା । ଏହି ସମୟରେ ଟ୍ରେନରେ ଅନେକ ଯାତ୍ରୀ ରହିଥିଲେ । ସୌଭଗ୍ୟବସତଃ କେହିି ଯାତ୍ରୀ ଏଥିରେ ମୃତାହତ ହୋଇନାହାନ୍ତି ।
ସୂଚନା ଅନୂଯାୟୀ, ଏହି ପାସେଞ୍ଜର ଟ୍ରେନ୍ ରକ୍ସୋଲି ଠାରୁ ନରକଟିୟାଗଞ୍ଜ ଯାଉଥିବା ବେଳେ ସକାଳ ୬ ଟାରୁ ସାଢ଼େ ୬ ଟା ମଧ୍ୟରେ ଏଥିରେ ନିଆଁ ଲାଗିଯାଇଥିଲା । ତେବେ ନିଆଁ ଲାଗିବା ଜାଣିପାରି ସଙ୍ଗେ ସଙ୍ଗେ ରେଳ କର୍ମଚାରୀ ଟ୍ରେନ୍ ରୋକିଥିଲେ ଏବଂ ଏହି ସମୟରେ ଭୟଭୀତ ଯାତ୍ରୀ ତଳକୁ ଓହ୍ଲାଇପଡ଼ିଥିଲେ ।
ସେପଟେ ଘଟଣା ସଂପର୍କରେ ସୂଚନା ପାଇଁ ସଙ୍ଗେ ସଙ୍ଗେ ରେଳ ବିଭାଗ କର୍ମଚାରୀ ସେଠାରେ ପହଞ୍ଚି ନିଆଁ ଲିଭା କାର୍ଯ୍ୟକୁ ତ୍ୱରାନ୍ୱିତ କରିଥିଲେ । ଏହାପରେ ଏହାପରେ ଇଞ୍ଜିନ ସହ ଲାଗିରହିଥିବା ବଗିକୁ ଅଲଗା କରାଯାଇ ଅନ୍ୟ ଇଞ୍ଜିନ୍ ସହ ଯୋଡ଼ା ଯାଇଥିଲା ଏହାପରେ ଯାତ୍ରୀଙ୍କୁ ଗନ୍ତବ୍ୟ ସ୍ଥଳରେ ପହଞ୍ଚାଯାଇଥିଲା । ତେବେ ନିଆଁ ଲାଗିବା ଠିକ୍ ସମୟରେ ଜଣା ପଡ଼ିଯାଇଥିବାରୁ ଏକ ବଡ଼ ଧରଣର ଦୁର୍ଘଟଣାରୁ ରକ୍ଷା ହୋଇଯାଇଥିଲା ।
#WATCH | Bihar: Fire broke out in the engine of a DMU train near Bhelwa railway station today. The train was going from Raxaul to Narkatiaganj. The cause of fire is yet to be ascertained. All passengers are safe, fire from the engine did not spread. Fire fighting ops are underway pic.twitter.com/2Hv6DwjJ8a
— ANI (@ANI) July 3, 2022
