ବୋଲେରୋ ସହ ଧକ୍କା ହେଲା କ୍ୟାଣ୍ଟର, ୧୦ ମୃତ, ୫ ଗୁରୁତର

ନୂଆଦିଲ୍ଲୀ: ପଞ୍ଜାବର ଫିରୋଜପୁରେ ବଡ଼ ଦୁର୍ଘଟଣା ଘଟିଛି । ଏଠାରେ ବୋଲେରୋ ପିକଅପ ଏବଂ କ୍ୟାଣ୍ଟରର ଧକ୍କାରେ ୧୦ ଜଣଙ୍କ ପ୍ରଣାହାନି ଘଟିଛି । ଦୁର୍ଘଟଣାରେ ଅନେକ ଲୋକେ ଆହତ ବି ହୋଇଛନ୍ତି । ଏଥିରୁ ୫ଜଣଙ୍କ ଅବସ୍ଥା ଗୁରୁତର ଅଛି । ଏମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ରହିଛି ।

ଘଟଣାସ୍ଥଳରେ ପୋଲିସ ପହଞ୍ଚି ଦୁର୍ଘଟଣାଗ୍ରସ୍ତ ଯାନଗୁଡ଼ିକୁ ବାହାର କରିବା ସହ ରାସ୍ତାରେ ଜମିଥିବା ଭିଡ଼କୁ ନିୟନ୍ତ୍ରଣ କରୁଛି । ଘଟଣାସ୍ଥଳରେ ସଡ଼କ ସୁରକ୍ଷା ଫୋର୍ସର ଟିମ ମଧ୍ୟ ପହଞ୍ଚିଛନ୍ତି । ଏହି ଘଟଣା ଜିଲ୍ଲାର ଫିରୋଜପୁର-ଫାଜିଲ୍ଫା ରୋଡରେ ହୋଇଛି । ବର୍ତ୍ତମାନ ପ୍ରଶାସନିକ ଭାବେ ମୃତକଙ୍କ ସଂଖ୍ୟାର ସ୍ପଷ୍ଟ କରାଯାଇନାହିଁ ।