ଅକ୍ଟୋବର ୨୧ ତାରିଖରେ ‘ଗଗନଯାନ ମିଶନ୍’ର ପ୍ରଥମ Flight Test: ଇସ୍ରୋ କଲା ବଡ଼ ଘୋଷଣା
ନୂଆଦିଲ୍ଲୀ: ଭାରତର ସ୍ପେସ ରିସର୍ଚ୍ଚ ସଂସ୍ଥା ବା ଇସ୍ରୋ ତରଫରୁ ଏକ ବଡ଼ ଘୋଷଣା ହୋଇଛି । ଚନ୍ଦ୍ରଯାନ ଏବଂ Aaditya-L1 ପରେ ନୂଆ ପ୍ରୋଜେକ୍ଟ ‘ଗଗନଯାନ ମିଶନ୍’କୁ ନେଇ ଏକ ଖୁସି ଖବର ଦେଇଛି ଇସ୍ରୋ । ଆସନ୍ତା ଅକ୍ଟୋବର ୨୧ ତାରିଖ ସଂସ୍ଥା ପାଇଁ ଏବଂ ସାରା ଭାରତ ପାଇଁ ବିଜ୍ଞାନ କ୍ଷେତ୍ରରେ ଆଉ ଏକ ମହତ୍ତ୍ୱପୂର୍ଣ୍ଣ ଦିନ ହେବାକୁ ଯାଉଛି । କାରଣ ୨୧ ତାରିଖରେ ଗଗନଯାନର ପ୍ରଥମ ପରୀକ୍ଷଣ ଉଡ଼ାଣ କରିବ ଇସ୍ରୋ । ସତିଶ ଧୱନ ସ୍ପେସ ସେଣ୍ଟରରୁ ଏହି ଗଗନଯାନ ମିଶନ୍ ଫ୍ଲାଇଟ ଟେଷ୍ଟ କରାଯିବ ।
Mission Gaganyaan:
ISRO to commence unmanned flight tests for the Gaganyaan mission.Preparations for the Flight Test Vehicle Abort Mission-1 (TV-D1), which demonstrates the performance of the Crew Escape System, are underway.https://t.co/HSY0qfVDEH @indiannavy #Gaganyaan pic.twitter.com/XszSDEqs7w
— ISRO (@isro) October 7, 2023
ଟ୍ୱିଟରରେ ଏକ ପୋଷ୍ଟ କରି ଇସ୍ରୋ କହିଛି ଯେ, ଅକ୍ଟୋବର ୨୧ ତାରିଖରେ ଭାରତର ଗଗନଯାନ ମିଶନ୍ ଟିଭି-ଡି୧ର ପ୍ରଥମ ଫ୍ଲାଇଟ ଟେଷ୍ଟ କରାଯିବ । ସକଳା ୭ଟାରୁ ୯ଟା ଭିତରେ ଶ୍ରୀହରିକୋଟାର SDSC-SHARରୁ ଏହି ଟେଷ୍ଟ କରାଯିବ ବୋଲି ଇସ୍ରୋ ଟ୍ୱିଟରରେ ସୂଚନା ଦେଇଛି । ଏହି ପରୀକ୍ଷା ଇସ୍ରୋର ଗଗନଯାନ ମିଶନର ଏକ ଅଂଶ । ତେବେ ୨୦୨୪ ଶେଷ ପୂର୍ବରୁ ଅନ୍ତତଃ ପକ୍ଷେ ତିନି ଜଣ ମହାକାଶଚାରୀଙ୍କୁ ନିମ୍ନ ପୃଥିବୀ କକ୍ଷପଥରେ ଉତକ୍ଷେପଣ କରିବାର ପ୍ରୟାସ କରୁଛି ଇସ୍ରୋ । ଆଗାମୀ ପରୀକ୍ଷଣ ବିମାନ କ୍ରୁ କ୍ୟାପସୁଲର ଜରୁରୀକାଳୀନ ଏସକେପ୍ ସିଷ୍ଟମର କାର୍ୟ୍ୟକାରିତାକୁ ଦେଖିବ ।
ପରୀକ୍ଷଣ କ୍ରୁ ମଡ୍ୟୁଲ୍ (CM) ଚାପଗ୍ରସ୍ତ ମଡ୍ୟୁଲ୍ ସହିତ ସମାନ ହେବ ଏବଂ ଏହା କ୍ରୁ ସଦସ୍ୟମାନଙ୍କୁ ମହାକାଶକୁ ଯିବା ସମୟରେ ଧାରଣ କରିବ । ଏହା ସିଙ୍ଗଲ ଷ୍ଟେଜ ତରଳ ରକେଟ୍ ମାଧ୍ୟମରେ ଉତକ୍ଷେପଣ ହେବ ଯାହାକି ଏହି ମିଶନ୍ ପାଇଁ ସ୍ୱତନ୍ତ୍ର ଭାବରେ ବିକଶିତ ହୋଇଛି । ଅନ୍ୟ ପକ୍ଷରେ, ପ୍ରକୃତ CM ଏକ ୧୪୩ ଫୁଟ ଉଚ୍ଚତା (୪୩.୫ ମିଟର) ଉପରେ ଲଞ୍ଚ୍ ଭେହିକିଲ୍ ମାର୍କ -୩ (LVM) ରକେଟ୍ ଉପରେ ଏକ ସଲିଡ ଷ୍ଟେଜ, ଲିକୁଇଡ ଷ୍ଟେଜ ଏବଂ କ୍ରାୟୋଜେନିକ୍ ଷ୍ଟେଜ୍ ଚଲାଇବ ।
