ଭାରତ ଇତିହାସରେ ପ୍ରଥମ! ରାୟ ଶୁଣାଣିରେ ୨ ମାସ ବିଳମ୍ବ ହେବାରୁ କ୍ଷମା ମାଗିଲେ ସୁପ୍ରିମକୋର୍ଟ ବିଚାରପତି
ନୂଆଦିଲ୍ଲୀ: ସୁପ୍ରିମକୋର୍ଟ ବିଚାରପତି ବି.ଆର ଗଭାଇ ଏକ ମାମଲାରେ ଶୁଣାଣି ୨ ମାସ ବିଳମ୍ବ ହେବାରୁ କ୍ଷମା ମାଗିଛନ୍ତି । ଯାହା ଭାରତ ଇତିହାସରେ ପ୍ରଥମ ଥର ଦେଖିବାକୁ ମିଳିଛି । ଜଷ୍ଟିସ୍ ଗଭାଇ ନ୍ୟାୟପାଳିକାରେ ବିଳମ୍ବରେ ଶୁଣାଣି ମାମଲାରେ ଉଦାହରଣ ସୃଷ୍ଟି କରିଛନ୍ତି । ଜଷ୍ଟିସ୍ ଗଭାଇ କେବଳ ଚଣ୍ଡିଗଡ଼ ସହ ଜଡିତ ମାମଲାରେ ରାୟ ଦେବାରେ ବିଳମ୍ବ ପାଇଁ କ୍ଷମା ମାଗି ନାହାଁନ୍ତି, ବରଂ ବିଳମ୍ବ ହେବାର କାରଣ ମଧ୍ୟ ପକ୍ଷମାନଙ୍କୁ କହିଛନ୍ତି ।
ଜଷ୍ଟିସ୍ ବି. ଗଭାଇ ଏବଂ ଏମ୍.ଏମ୍. ସୁନ୍ଦରଶ ଚଣ୍ଡିଗଡ଼ ସହରର ଏକକ ଆବାସିକ ଘରକୁ ଆପାର୍ଟମେଣ୍ଟରେ ପରିଣତ କରିବାର ବୃହତ ନିର୍ମାଣ ବିରୁଦ୍ଧରେ ଦାଖଲ ହୋଇଥିବା ଏକ ପିଟିସନରେ ଶୁଣାଣି କରୁଥିଲେ । ଜଷ୍ଟିସ୍ ବି. ଗଭାଇ କହିଛନ୍ତି ଯେ ‘ଆମକୁ ବିଭିନ୍ନ ଆଇନର ସମସ୍ତ ବ୍ୟବସ୍ଥା ଏବଂ ଏହା ଉପରେ ପ୍ରକାଶିତ ନିୟମାବଳୀକୁ ବିଚାର କରିବାକୁ ଥିଲା । ଏହି କାରଣରୁ ନଭେମ୍ବର ୩, ୨୦୨୨ ପାଇଁ ସଂରକ୍ଷଣ କରିବା ପରେ ଦୁଇମାସରୁ ଅଧିକ ସମୟ ଲାଗିଥିଲା ବୋଲି ସେ କହିଛନ୍ତି ।
ଏହି ମାମଲାର ଶୁଣାଣି କରି ଜଷ୍ଟିସ ଗଭାଇ କହିଛନ୍ତି ଯେ ସ୍ଥାୟୀ ବିକାଶ ଏବଂ ପରିବେଶ ସୁରକ୍ଷା ମଧ୍ୟରେ ସଠିକ୍ ସନ୍ତୁଳନ ସୃଷ୍ଟି କରିବାର ମଧ୍ୟ ଆବଶ୍ୟକତା ରହିଛି । କେନ୍ଦ୍ର ଟେରିଟୋରି ଆଡମିନିଷ୍ଟ୍ରେସନ ଚଣ୍ଡିଗଡ଼ର ବିକାଶର ପ୍ରଥମ ପର୍ଯ୍ୟାୟରେ ଅଭ୍ୟାସକୁ ଏକପାଖିଆ ଭାବେ ଅନୁମତି ଦେବାରୁ ଏହାର ପରିବେଶ ପ୍ରଭାବ ତଥା ସମ୍ପୃକ୍ତ ଅଞ୍ଚଳର ଐତିହ୍ୟ ସ୍ଥିତିକୁ ମଧ୍ୟ ବିଚାରକୁ ନେଇ ଜଷ୍ଟିସ୍ ଗଭାଇ ଏହି ମନ୍ତବ୍ୟ ଦେଇଛନ୍ତି ।
ଏହା ସହିତ ଜଷ୍ଟିସ ଗଭାଇ କହିଛନ୍ତି ଯେ, କେନ୍ଦ୍ରୀୟ ଏବଂ ରାଜ୍ୟ ସ୍ତରରେ ବିଧାନସଭା, କାର୍ଯ୍ୟନିର୍ବାହୀ ଏବଂ ନୀତି ନିର୍ମାତାମାନେ ଅବ୍ୟବସ୍ଥିତ ବିକାଶ ଯୋଗୁଁ ପରିବେଶରେ ହେଉଥିବା କ୍ଷତି ପ୍ରତି ଧ୍ୟାନ ଦେବା ଏବଂ ବିକାଶ ପରିବେଶକୁ କ୍ଷତି ପହଞ୍ଚାଇବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବାର ସମୟ ଆସିଛି ।
