ମାତ୍ର ଏତିକି ଟଙ୍କାରେ ଫ୍ଲାଇଟରେ ଯାଆନ୍ତୁ ଅଯୋଧ୍ୟା, ଜାଣନ୍ତୁ କେଉଁ ସହର ପାଇଁ ରହିଛି ଅଫର ?
ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିରର ଭବ୍ୟ ପ୍ରାଣ ପ୍ରତିଷ୍ଠା ଉତ୍ସବ ଶେଷ ହୋଇଯାଇଛି । ଏହି ବିଶେଷ ଅବସରେ ସ୍ପାଇସଜେଟ୍ ଏୟାରଲାଇନ୍ସ କମ୍ପାନୀ ତରଫରୁ ଯାତ୍ରୀମାନଙ୍କ ପାଇଁ ସ୍ୱଳ୍ପ ମୂଲ୍ୟରେ ବିମାନ ସେବା ଘୋଷଣା କରିଛି । ଏହି ବିମାନ ସେବା ଦେଶର ବିଭିନ୍ନ ସହରରେ ଖୁବ୍ ଶୀଘ୍ର ଆରମ୍ଭ ହେବ ।
ସ୍ପାଇସଜେଟ୍ ଏୟାରଲାଇନ୍ସ କମ୍ପାନୀ ଅନୁସାରେ ମୁମ୍ବାଇ-ଗୋଆ, ଦିଲ୍ଲୀ-ଜୟପୁର ଏବଂ ଗୁଆହାଟୀ ବାଗଡୋଗରା ଭଳି ଘରୋଇ ରୁଟ୍ କଭର କରିବ । ଏହି ସବୁ ରୁଟରେ ବିମାନ ଟିକଟର ମୂଲ୍ୟ ମାତ୍ର ୧୬୨୨ ଟଙ୍କା ଧାର୍ଯ୍ୟ କରାଯାଇଛି । ଏହା ବ୍ୟତୀତ ଫେବୃଆରୀ ୧ରୁ ଚେନ୍ନାଇ, ଅହମଦାବାଦ, ଦିଲ୍ଲୀ, ମୁମ୍ବାଇ, ବେଙ୍ଗାଳୁରୁ, ଜୟପୁର, ପାଟନା ଏବଂ ଦରଭଙ୍ଗା ଭଳି ପ୍ରମୁଖ ସହରକୁ ବିମାନସେବା ଅଯୋଧ୍ୟାକୁ ସିଧାସଳଖ ସଂଯୋଗ କରିବ ।
