ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ କରୋନା

ମୁମ୍ବାଇ,୨୪ ।୧୦: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ବା ବିହାର ବିଧାନସଭା ପୋଲ ୨୦୨୦ରେ ବିଜେପିର ପ୍ରଭାରୀ ଥିବା ଦେବେନ୍ଦ୍ର ଫଡନାଭିସ କରୋନା ମହାମାରୀରେ ସଂକ୍ରମିତ ହୋଇଛନ୍ତି । ସେ ନିଜେ ଟ୍ୱିଟ୍ ମାଧ୍ୟମରେ ଏହି ସୂଚନା ଦେଇଛନ୍ତି । ଫଡନାଭିସ ଲେଖିଛନ୍ତି ଯେ, ‘ ମୁଁ ଲକଡାଉନ୍ ପରେ ସବୁଦିନ କାମ କରୁଛି । କିନ୍ତୁ ଏବେ ଭଗବାନ ବି ଚାହୁଁଛନ୍ତି କି ମୁଁ ଟିକେ ବିଶ୍ରାମ କରେ । ମୁଁ କରୋନା ପଜିଟିଭ୍ ହୋଇଛି ଓ ଏବେ ଆଇସୋଲେସନରେ ରହିଛି । ଡାକ୍ତରଙ୍କ ପରାମର୍ଶକ୍ରମେ ଔଷଧ ନେଉଛି ।’