ଅକ୍ଟୋବର ୧ରୁ PPF ଯୋଜନାର ୩ଟି ନିୟମରେ ହେବ ପରିବର୍ତ୍ତନ, ଏହି ଆକାଉଣ୍ଟରେ ମିଳବ ନାହିଁ ସୁଧ
ନୂଆଦିଲ୍ଲୀ: ପୋଷ୍ଟ ଅଫିସର ସ୍ମଲ ସେଭିଂ ସ୍କୀମ୍ ଅନ୍ତର୍ଗତ PPF ଯୋଜନାରେ ୩ଟି ବଡ଼ ପରିବର୍ତ୍ତନ ହେବାକୁ ଯାଉଛି । ଅକ୍ଟୋବର ୧ ତାରିଖରୁ ଏହି ନୂତନ ନିୟମ ଲାଗୁ ହେବା ନେଇ ଅର୍ଥ ମନ୍ତ୍ରଣାଳୟ ପକ୍ଷରୁ ଗାଇଡଲାଇନ୍ ଜାରି କରାଯାଇଛି । PPF ଯୋଜନା ୧୫ ବର୍ଷର ମାଚ୍ୟୁରିଟି ଅବଧି ସହ ଆସିଥାଏ । ଚଳିତ ବର୍ଷ ଅଗଷ୍ଟ ୨୧ରୁ କେନ୍ଦ୍ରୀୟ ଆର୍ଥିକ ମନ୍ତ୍ରଣାଳୟ ଅଧୀନରେ ଥିବା ଅର୍ଥନୈତିକ ବ୍ୟାପାର ବିଭାଗ ପିପିଏଫ୍ ଯୋଜନା ବ୍ୟତୀତ ସୁକନ୍ୟା ସମୃଦ୍ଧି ଯୋଜନା ଏବଂ NSC ନିୟମରେ ପରିବର୍ତ୍ତମନ କରିଛି ଯାହା ଅକ୍ଟୋବର ୧ ତାରିଖରୁ କାର୍ଯ୍ୟକାରୀ ହେବ । PPF ଯୋଜନାର ନିମ୍ନଲିଖିତ ୩ଟି ନିୟମରେ ପରିବର୍ତ୍ତନ ହୋଇଛି ।
୧. ନାବାଳକ ନାଁରେ ଖୋଲାଯାଇଥିବା PPF ଆକାଉଣ୍ଟ: ବ୍ୟକ୍ତି ଜଣଙ୍କୁ ୧୮ ବର୍ଷ ବୟସ ନହେବା ପର୍ଯ୍ୟନ୍ତ ଏପରି ଅନିୟମିତ ଆକାଉଣ୍ଟ ପାଇଁ ପୋଷ୍ଟ ଅଫିସ୍ ସେଭିଂ ଆକାଉଣ୍ଟ(POSA) ସହ ସମାନ ସୁଧ ଦିଆଯିବ । ତେବେ ଉକ୍ତ ବ୍ୟକ୍ତି ୧୮ ବର୍ଷ ହେବା ପରେ ଆକାଉଣ୍ଟ ମାଚ୍ୟୋରିଟି ଲାଗୁ ହେବ । ଏହା ପରେ ପିପିଏଫ୍ ଉପରେ ସୁଧହାର ପ୍ରଦାନ କରାଯିବ ।
୨. ଗୋଟିଏରୁ ଅଧିକ PPF ଆକାଉଣ୍ଟ: ଗୋଟିଏରୁ ଅଧିକ ପିପିଏଫ୍ ଆକାଉଣ୍ଟ ଥିଲେ ଯୋଜନାର ସୁଧହାର ଅନୁଯାୟୀ ପ୍ରାଥମିକ ଆକାଉଣ୍ଟକୁ ଟଙ୍କା ଆସିଥାଏ । ଦ୍ୱିତୀୟ ଆକାଉଣ୍ଟରେ ଥିବା ଟଙ୍କା ବି ପ୍ରାଥମିକ ଆକାଉଣ୍ଟକୁ ଟ୍ରାନ୍ସଫର କରାଯାଇଥାଏ । ପ୍ରାଥମିକ ଏବଂ ଦ୍ୱିତୀୟ ଆକାଉଣ୍ଟ ବ୍ୟତୀତ କୌଣସି ଆକାଉଣ୍ଟରେ ସୁଧ ଦିଆଯିବ ନାହିଁ ।
୩. NRI ଦ୍ୱାରା PPF ଆକାଉଣ୍ଟର ସମ୍ପ୍ରସାରଣ: NRI ପିପିଏଫ୍ ଆକାଉଣ୍ଟରେ ପୋଷ୍ଟ ଅଫିସ୍ ସେଭିଂ ଆକାଉଣ୍ଟ ସହ ସମାନ ସୁଧ ସେପ୍ଟେମ୍ବର ୩୦ ପର୍ଯ୍ୟନ୍ତ ଦିଆଯିବ । ଏହା ପରେ ଉକ୍ତ ଆକାଉଣ୍ଟରେ କୌଣସି ସୁଧ ପ୍ରଦାନ କରାଯିବ ନାହିଁ ।
