୨୩୦୦ ଟଙ୍କା ଶସ୍ତା ହୋଇଗଲା ସୁନା: କମିଲା ରେଟ୍, ଜାଣନ୍ତୁ ୧୦ ଗ୍ରାମ ପିଛା କେତେ ?
ନୂଆଦିଲ୍ଲୀ: ଯଦି ଆପଣ ମଧ୍ୟ ସୁନା କିଣିବାକୁ ଯୋଜନା କରୁଛନ୍ତି, ତେବେ ଆପଣଙ୍କ ପାଇଁ ଆସିଛି ଏକ ଖୁସି ଖବର । ଆଜି ସୁନା ମୂଲ୍ୟରେ ହ୍ରାସ ଘଟିଛି । ଆଜି ଆପଣଙ୍କୁ ସୁନା ୨୩୦୦ ଶସ୍ତାରେ ମିଳିବ । ଆଜି ସୁନା ମୂଲ୍ୟ ୧୦ ଗ୍ରାମ ପିଛା ୫୬,୦୦୦ ଟଙ୍କା ରହିଛି । ଏହା ବ୍ୟତୀତ ଆଜି ରୂପା ମୂଲ୍ୟ (ସିଲଭର ପ୍ରାଇସ୍ ଟୁଡେ) କିଲୋଗ୍ରାମ ପିଛା ୬୩୫୦୦ ଟଙ୍କା ଅତିକ୍ରମ କରିଛି ।
ମଲ୍ଟି କମୋଡିଟି ଏକ୍ସଚେଞ୍ଜରେ ଆଜି ସୁନା ଦର ବୃଦ୍ଧି ପାଇଛି । ଆଜିର ବୃଦ୍ଧି ପରେ ସୁନା ୧୦ ଗ୍ରାମ ପିଛା ୫୬୫୧୫ ଟଙ୍କା ମୂଲ୍ୟରେ ୦.୬୫ ପ୍ରତିଶତ ଲାଭ ସହିତ କାରବାର କରୁଛି ।
ଆଇବିଜେଏର ୱେବସାଇଟ୍ ଅନୁଯାୟୀ, ୨ ଫେବୃଆରୀ ୨୦୨୩ ରେ ସୁନା ମୂଲ୍ୟ ରେକର୍ଡ ସର୍ବାଧିକ ଥିଲା । ଏହି ଦିନ ସୁନାର ମୂଲ୍ୟ ୧୦ ଗ୍ରାମ ପିଛା ୫୮,୮୮୨ ଟଙ୍କା ସ୍ତରରେ ପହଞ୍ଚିଥିଲା । ଏହି ସମୟରେ ସୁନାର ମୂଲ୍ୟ ୧୦ ଗ୍ରାମ ପିଛା ୫୬୫୧୫ ଟଙ୍କା ସ୍ତରରେ ରହିଛି । ତାହା ଅନୁଯାୟୀ, ଆଜିର ସମୟରେ ସୁନା ୨୩୬୭ ଟଙ୍କା ଶସ୍ତା ହୋଇଛି ।
ରୂପା ହେଲା ମହଙ୍ଗା :-
ଏହା ବ୍ୟତୀତ ରୂପା ମୂଲ୍ୟରେ ବୃଦ୍ଧି ଘଟିଛି । ଆଜି ରୂପା ମୂଲ୍ୟରେ ୧.୦୩ ପ୍ରତିଶତ ବୃଦ୍ଧି ଘଟିଛି । ଏହି ବୃଦ୍ଧି ପରେ ରୂପା ମୂଲ୍ୟ କିଲୋଗ୍ରାମ ପିଛା ୬୩୫୩୫ ଟଙ୍କା ବୃଦ୍ଧ ପାଇଛି ।
ଯଦି ଆପଣ ମଧ୍ୟ ବଜାରରେ ସୁନା କିଣିବାକୁ ଯାଉଛନ୍ତି, ତେବେ ହଲମାର୍କ ଚିହ୍ନ ଦେଖିବା ପରେ ହିଁ ସୁନା କିଣନ୍ତୁ । ସୁନାର ଶୁଦ୍ଧତା ଯାଞ୍ଚ କରିବା ପାଇଁ ଆପଣ ସରକାରୀ ଆପ୍ ମଧ୍ୟ ବ୍ୟବହାର କରିପାରିବେ । ‘ବିଏସ୍ କେୟାର ଆପ୍’ ମାଧ୍ୟମରେ ଆପଣ ପ୍ରକୃତ କିମ୍ବା ନକଲି ସୁନାର ଶୁଦ୍ଧତା ଯାଞ୍ଚ କରିପାରିବେ । ଏହା ବ୍ୟତୀତ ଆପଣ ଏହି ଆପ୍ ମାଧ୍ୟମରେ ମଧ୍ୟ ଅଭିଯୋଗ କରିପାରିବେ ।