IPL 2025: ମୁମ୍ବାଇ ଇଣ୍ଡିଆନ୍ସ ପାଇଁ ଆସୁଛି ଭଲ ଦିନ, ଜସପ୍ରୀତ ବୁମରାହ ଫେରିବା ପରେ କମ୍ପିବ ମଇଦାନ

ଏହି ଦିନ ମଇଦାନକୁ ଫେରିବେ ଜସପ୍ରୀତ ବୁମରାହ, ଜାଣନ୍ତୁ ଡିଟେଲ୍ସ

ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ଦ୍ରୁତ ବୋଲର ଜସପ୍ରୀତ ବୁମରାହ ଶୁକ୍ରବାର ଦିନ ଲକ୍ଷ୍ନୌ ଜିଆଣ୍ଟସ ବିପକ୍ଷରେ ମୁମ୍ବାଇ ଇଣ୍ଡିଆନ୍ସ ପାଇଁ ଆଇପିଏଲ ୨୦୨୫ ମ୍ୟାଚରେ ଖେଳି ପାରିବେନି।

୭ ଏପ୍ରିଲରେ ରୟାଲ ଚ୍ୟାଲେଞ୍ଜର୍ସ ବେଙ୍ଗଲୁରୁ ବିପକ୍ଷରେ ୱାଙ୍ଖେଡେ ଷ୍ଟାଡିୟମରେ ହେବାକୁ ଥିବା ଏମଆଇର ଘରୋଇ ମୁକାବିଲାରେ ମଧ୍ୟ ତାଙ୍କର ଖେଳିବାର ସମ୍ଭାବନା କମ ରହିଛି।

ମିଡିଆ ରିପୋର୍ଟ ମୁତାବକ, ଜାନୁଆରୀ ମାସରୁ ବୁମରାହଙ୍କ ଅଣ୍ଟାରେ ଆଘାତ ଲାଗିବା କାରଣରୁ , ସେ ବିରତି ନେଇଛନ୍ତି। ହେଲେ କିଛି ସପ୍ତାହ ହେଲାଣି ସେ ବେଙ୍ଗଲୁରୁରେ ବିସିସିଆଇର ସେଣ୍ଟର ଅଫ ଏକ୍ସିଲେନ୍ସରେ ବୋଲିଂର ପ୍ରାକ୍ଟିସ କରୁଛନ୍ତି।

ବିଶେଷ ସୁତ୍ରରୁ ମିଳିଥିବା ସୂଚନା ଅନୁଯାୟୀ, ବିସିସିଆଇର ମେଡିକାଲ ଟିମ ତାଙ୍କୁ ବିପଦମୁକ୍ତ କରିବା ପରେ, ସେ ମୁମ୍ବାଇ ଇଣ୍ଡିଆନ୍ସ ସହ ସାମିଲ ଏବଂ ଆଇପିଏଲରେ ନିଜର ବୋଲିଂର ଯାଦୁ ଦେଖାଇପାରିବେ।