PayTm UPI ୟୁଜରଙ୍କ ପାଇଁ ଖୁସି ଖବର: ସର୍ଭିସ ବନ୍ଦ ନ କରିବା ପାଇଁ ରିଜର୍ଭ ବ୍ୟାଙ୍କର ପଦକ୍ଷେପ

ନୂଆଦିଲ୍ଲୀ: ଡିଜିଟାଲ ପେମେଣ୍ଟ ଆପ୍ ‘PayTm’ ଉପରେ ରିଜର୍ଭ ବ୍ୟାଙ୍କର କାର୍ଯ୍ୟାନୁଷ୍ଠାନ ପରେ ଏହାକୁ ନେଇ ଚର୍ଚ୍ଚା ଲାଗି ରହିଛି । ବର୍ତ୍ତମାନ ରିଜର୍ଭ ବ୍ୟାଙ୍କ PayTmର UPI ସେବା ଉପରେ ମଧ୍ୟ ଏକ ବଡ଼ ପଦକ୍ଷେପ ନେବାକୁ ଯାଉଛି । PayTmର UPI ସେବା ବନ୍ଦ ନ କରିବା ପାଇଁ ଆବଶ୍ୟକୀୟ ପଦକ୍ଷେପ ନେବା ପାଇଁ NPCIକୁ ନିର୍ଦ୍ଦେଶ ଦେଇଛି ରିଜର୍ଭ ବ୍ୟାଙ୍କ ଅଫ ଇଣ୍ଡିଆ । NPCIକୁ କୁହାଯାଇଛି ଯେ, PayTm ଆପ୍ ରେ ସର୍ଭିସ ଜାରି ରହିବା ଉଚିତ୍ । ଏଥିପାଇଁ NPCI ପେମେଣ୍ଟ ସର୍ଭିସ ପ୍ରେଭାଇଡର ଭାବରେ ହାଇ ଭଲ୍ୟୁମ୍ ର UPI Transaction କ୍ଷମତା ଥିବା ୪-୫ ବ୍ୟାଙ୍କ ସହ ପ୍ରମଣପତ୍ରର ସୁବିଧା ଦେବାକୁ କହିଛି ରିଜର୍ଭ ବ୍ୟାଙ୍କ ।

ରିଜର୍ଭ ବ୍ୟାଙ୍କର ନିର୍ଦ୍ଦେଶ ଅନୁସାରେ, ମାର୍ଚ୍ଚ ୧୫ ତାରିଖର PayTm Payments Bank ବନ୍ଦ ହେବାକୁ ଯାଉଛି । ତେଣୁ ଏହାପରେ UPI ଟ୍ରାଞ୍ଜାକ୍ସନ ଜାରି ରଖିବା ପାଇଁ PayTmକୁ ଥାର୍ଡ ପାର୍ଟି ଆପ୍ ପ୍ରୋଭାଇଡରର ଆବଶ୍ୟକ ରହିବ । ତେବେ NPCI ଦ୍ୱାରା ଅନୁମୋଦନ ପାଇଥିବା ବ୍ୟାଙ୍କ ହିଁ ଏହି ସୁବିଧା ପ୍ରଦାନ କରିପାରିବେ । ରିଜର୍ଭ ବ୍ୟାଙ୍କର ଏହି ଆଦେଶ ପରେ ଗ୍ରାହକଙ୍କୁ UPI ଆକାଉଣ୍ଟ ଟ୍ରାନ୍ସଫର କରିବାରେ ସହଜ ହୋଇପାରିବ । UPI ଖାତା ଆକ୍ଟିଭ ରଖିବା ପାଇଁ ବ୍ୟାଙ୍କ ଆକାଉଣ୍ଟ ସହ ଏହାକୁ ଲିଙ୍କ କରିବାର ଆବଶ୍ୟକ ହୋଇଥାଏ । ତେବେ ଅନେକ ଲୋକ ଏବେ ବି PayTm Payments Bank ଜରିଆରେ UPI ବ୍ୟବହାର କରିଥାନ୍ତି । କିନ୍ତୁ ମାର୍ଚ୍ଚ ୧୫ ତାରିଖରେ PayTm Payments Bank ବନ୍ଦ ହେବା ପୂର୍ବରୁ ୟୁଜରମାନଙ୍କୁ ନିଜ UPI କୁ ଅନ୍ୟ ବ୍ୟାଙ୍କ ସହ ସଂଯୋଗ କରିବାକୁ ପଡ଼ିବ । ନଚେତ ଏହାପରେ UPI ରେ ଟ୍ରାଞ୍ଜାକ୍ସନ କରିପାରିବେ ନାହିଁ ସମ୍ପୃକ୍ତ ଗ୍ରାହକ ।

PayTmକୁ ସାହାଯ୍ୟ କରିବା ପାଇଁ PayTmର UPI ସେବା କାର୍ଯ୍ୟକ୍ଷମ ରହିବ ବୋଲି NPCIକୁ କହିଛି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ । NPCI ନେତୃତ୍ୱରେ ସମଗ୍ର ଦେଶରେ UPI କାରବାର କରାଯାଏ । RBI କହିଛି ଯେ, PayTm ୟୁଜର୍ସଙ୍କୁ ୪ ରୁ ୫ ଟି ବ୍ୟାଙ୍କର ବିକଳ୍ପ ଯୋଗାଇବାରେ NPCI ସାହାଯ୍ୟ କରିବା ଉଚିତ, ଯାହା ଦ୍ୱାରା ୟୁଜର୍ସ ସହଜରେ ନିଜ UPI ଆକାଉଣ୍ଟକୁ ନୂଆ ବ୍ୟାଙ୍କ ସହିତ ଯୋଡିପାରିବେ ଏବଂ ମାର୍ଚ୍ଚ ୧୫ ପରେ ସେମାନଙ୍କର UPI ସେବା ଜାରି ରଖିପାରିବେ।