ଗୁଗୁଲ୍ ର ବଡ କାର୍ଯ୍ୟାନୁଷ୍ଠାନ: ପ୍ଲେ ଷ୍ଟୋରରୁ ହଟାଇଲା ଏହି ୧୭ ଟି ଆପ୍, ତୁରନ୍ତ ଫୋନରୁ କରନ୍ତୁ ଡିଲିଟ୍
ନୂଆଦିଲ୍ଲୀ: ଯଦି ଆପଣଙ୍କର ଆଣ୍ଡ୍ରଏଡ୍ ଫୋନ୍ ଅଛି ତେବେ ସାବଧାନ ରୁହନ୍ତୁ । ନିକଟରେ ଗୁଗୁଲ ପ୍ଲେ ଷ୍ଟୋରରୁ ଲକ୍ଷ ଲକ୍ଷ ଡାଉନଲୋଡ୍ ହୋଇଥିବା ୧୭ ଟି SpyLoan ଆପ୍ ହଟାଇଛି । ସ୍ଲୋଭାକିଆ ସଫ୍ଟୱେର୍ କମ୍ପାନୀ ଇଏସଇଟିର ଏକ ରିପୋର୍ଟ ଅନୁଯାୟୀ, ଚଳିତ ବର୍ଷ ଆରମ୍ଭରୁ କମ୍ପାନୀ ଭ୍ରାମକ ଆଣ୍ଡ୍ରଏଡ୍ ଲୋନ ଆପଗୁଡ଼ିକର ଚିନ୍ତାଜନକ ବୃଦ୍ଧି ଘଟିଛି, ଯାହା ନିଜକୁ ଆଇନଗତ ବ୍ୟକ୍ତିଗତ ଲୋନ୍ ସେବା ଭାବରେ ଉପସ୍ଥାପନ କରିବା ସହ ଶୀଘ୍ର ଏବଂ ସହଜ ପହଞ୍ଚର ପ୍ରତିଶୃତି କରୁଛି ।
SpyLoan କ’ଣ?
ଡାର୍କ ରିଡିଂର ଏକ ରିପୋର୍ଟରେ ଦର୍ଶାଯାଇଛି ଯେ, SpyLoan ଆପ୍ ବ୍ୟକ୍ତିଗତ ଲୋନ୍ ପାଇଁ ଏକ ବୈଧ ଆର୍ôଥକ ସେବା ଭାବରେ ଭୁଲ ଭାବରେ ଉପସ୍ଥାପନ କରିଥାଏ, ଯାହା ପାଣ୍ଠି ସହଜରେ ଉପଲବ୍ଧ ହେବ ବୋଲି ପ୍ରତିଶୃତି ଦେଇଥାଏ । ଉପଭୋକ୍ତାମାନଙ୍କୁ ଉଚ୍ଚ-ସୁଧ ଦେୟ ପାଇଁ ସାଇନ୍ ଅପ୍ କରିବାକୁ ପ୍ରତାରଣା କରିବା ପାଇଁ ଏହା କରାଯାଇଥାଏ ।
ସାଇନ୍ ଅପ୍ ପ୍ରକ୍ରିୟା ସମୟରେ ସେମାନଙ୍କୁ ବ୍ଲାକମେଲ କରିବା ପାଇଁ ପୀଡିତଙ୍କ ବ୍ୟକ୍ତିଗତ ଏବଂ ଆର୍ଥିକ ବିବରଣୀ ମଧ୍ୟ ସଂଗ୍ରହ କରନ୍ତି । ଏହା ଯେକୌଣସି ଉପଭୋକ୍ତା ଉପରେ ଗୁପ୍ତଚର ଭାବରେ କାମ କରିପାରେ । ସେହି ଫୋନରେ ଉପସ୍ଥିତ ଥିବା ସମସ୍ତ ସୂଚନା ହ୍ୟାକରମାନଙ୍କ ପାଇଁ ଉପଲବ୍ଧ ହୋଇପାରିବ । ଏହା ଆପଣଙ୍କ ବାର୍ତ୍ତା ପଢ଼ିପାରେ ଏବଂ ଏହି ମାଲୱେୟାର ବ୍ୟବହାରକାରୀଙ୍କୁ ବ୍ଲାକମେଲ ମଧ୍ୟ କରିପାରିବ । SpyLoan ଭାରତ, ଆମେରିକା ଏବଂ ଆଫ୍ରିକା ଭଳି ଦେଶରୁ ଉପଭୋକ୍ତାଙ୍କୁ ଜାଲରେ ପକାଇଛି । ଗୁଗୁଲ୍ ଏହି ୧୭ ଟି ଆପ୍ ହଟାଇଛି,ଆପଣ ମଧ୍ୟ ନିଜ ଫୋନରୁ ଏହି ଆପ୍ସକୁ ମଧ୍ୟ ହଟାଇବା ଉଚିତ୍ ।
– AA Kredit
– Amor Cash
– GuayabaCash
– EasyCredit
– Cashwow
– CrediBus
– FlashLoan
– PréstamosCrédito
– Préstamos De Crédito-YumiCash
– Go Crédito
– Instantáneo Préstamo
– Cartera grande
– Rápido Crédito
– Finupp Lending
– 4S Cash
– TrueNaira
– EasyCash
