ସତରେ ନା କ’ଣ! ବେକାରୀଙ୍କୁ ପ୍ରତି ମାସରେ ମିଳିବ ୩୫୦୦, ସରକାର ନୂଆ ଯୋଜନା ପଛରେ କ’ଣ ରହିଛି ସତ

ନୂଆଦିଲ୍ଲୀ:ଦେଶର ବିଭିନ୍ନ ବର୍ଗର ସୁବିଧାକୁ ଧ୍ୟାନରେ ରଖି ସରକାର ଅନେକ ପ୍ରକାରର ଯୋଜନା ଚଳାନ୍ତି। ଏହି ଯୋଜନାଗୁଡ଼ିକର ମୁଖ୍ୟ ଉଦ୍ଦେଶ୍ୟ ହେଉଛି ଦେଶର ସାଧାରଣ ଲୋକଙ୍କ ଜୀବନକୁ ଉନ୍ନତ କରିବା। ଏହି ସମୟରେ,ଏହି ସମୟରେ ସୋସିଆଲ ମିଡିଆରେ ଏକ ଖବର ଭାଇରାଲ ହେଉଛି। ଯେଉଁଥିରେ ଦାବି କରାଯାଉଛି ଯେ ବେକାରୀ ଭତ୍ତା ଯୋଜନା ଅଧୀନରେ ସମସ୍ତ ଦଶମ ପାସ ବେକାରଙ୍କୁ ପ୍ରତି ମାସରେ 3500 ଟଙ୍କା ଭତ୍ତା ଦିଆଯିବ।

ଭିଡିଓ ସେୟାରିଂ ପ୍ଲାଟଫର୍ମ YouTube ରେ @ManojSirJobs ନାମକ ପେଜରେ ଏକ ଭିଡିଓ ପୋଷ୍ଟ କରାଯାଇଛି। ଭିଡିଓର ଥମ୍ବନେଲ୍ ପ୍ରଧାନମନ୍ତ୍ରୀ ମୋଦିଙ୍କ ଫଟୋ ସହିତ ଲେଖାଯାଇଛି – “ବେକାରୀ ଭତ୍ତା ଯୋଜନା 2024-25 (ନୂତନ ଯୋଜନା), ପ୍ରତି ମାସରେ 3500 ଟଙ୍କା, ପଞ୍ଜୀକରଣ ଆରମ୍ଭ ହୋଇଛି”।

“ManojSirJobs” नामक #YouTube चैनल अपने एक वीडियो थंबनेल के माध्यम से दावा कर रहा है कि ‘बेरोजगारी भत्ता योजना 2024-25’ के तहत सरकार 10वीं पास बेरोजगार युवाओं को हर महीने ₹3,500 का भत्ता दे रही है#PIBFactCheck

❌यह दावा #फर्जी है

✅ भारत सरकार ऐसी कोई योजना नहीं चला रही है pic.twitter.com/myIWAQiw86

— PIB Fact Check (@PIBFactCheck) September 6, 2025

ନକଲି YouTube ଚ୍ୟାନେଲଗୁଡ଼ିକୁ ବିଶ୍ୱାସ କରିବାରୁ ବଞ୍ଚନ୍ତୁ

ଆମେ ଆପଣଙ୍କୁ କହି ରଖୁଛୁ ଯେ YouTube ଭଳି ବଡ଼ ପ୍ଲାଟଫର୍ମରେ ଏପରି ଅନେକ ଭିଡିଓ ଭାଇରାଲ ହେଉଛି। ଯେଉଁଥିରେ ସହଜରେ ସାଧାରଣ ଲୋକଙ୍କୁ ବୋକା ବନାଯାଉଛି ଏବଂ ଭ୍ରମିତ କରାଯାଉଛି।

ଯେତେବେଳେ ସରକାର ଏକ ନୂଆ ଯୋଜନା ଆରମ୍ଭ କରନ୍ତି। ଏନେଇ ଅନେକ ପ୍ରଚାର ପ୍ରସାର କରାଯାଏ। ଯେପରି ଲୋକେ ଠକାମିରେ ନପଡ଼ିବେ ସେନେଇ ବିଜ୍ଞାପନ ଦ୍ୱାରା ଲୋକଙ୍କୁ ସଜାଗ କରାଯାଏ।

ଏହା ସହିତ, ଅନେକ ଖବରକାଗଜ, ଟିଭି ଚ୍ୟାନେଲ, ଯାଞ୍ଚ କରାଯାଇଥିବା ସୋସିଆଲ ମିଡିଆ ଆକାଉଣ୍ଟ ମାଧ୍ୟମରେ ମଧ୍ୟ ଯୋଜନାଗୁଡ଼ିକର ପ୍ରଚାର କରାଯାଏ।

ତେଣୁ, ଏପରି ନକଲି YouTube ଚ୍ୟାନେଲଗୁଡ଼ିକୁ ବିଶ୍ୱାସ କରିବା ଉଚିତ୍ ନୁହେଁ ଏବଂ ସେମାନଙ୍କଠାରୁ ଦୂରତା ରଖିବା ଉଚିତ୍ । ପ୍ରାୟତଃ, ଲୋକମାନେ ଅଧିକ ଭ୍ୟୁ ପାଇବା ପାଇଁ ଏପରି ନକଲି ଦାବି କରନ୍ତି। ଲୋକମାନଙ୍କୁ ଠକାମିରେ ପକାନ୍ତି।