ମାଲାମାଲ୍ ହେବେ ୬୫ ଲକ୍ଷ ପେନସନଧାରୀ: ଏହି ତାରିଖରୁ ଆସିବ ଅଧିକ Pension, ସରକାର ଦେଲେ ମଞ୍ଜୁରୀ

ନୂଆଦିଲ୍ଲୀ: ଗୋଟିଏ ପଟେ ଦେଶର ବିଭିନ୍ନ ରାଜ୍ୟରେ ସରକାରୀ କର୍ମଚାରୀ ପୁରୁଣା ପେନସନ୍ ଯୋଜନା ଲାଗୁ କରିବାକୁ ଦାବି କରୁଥିବା ବେଳେ ଆନ୍ଧ୍ର ସରକାର ରାଜ୍ୟବାସୀଙ୍କୁ ବଡ଼ ଖୁସିଖବର ଦେଇଛନ୍ତି । ଆନ୍ଧ୍ରପ୍ରଦେଶ କ୍ୟାବିନେଟ ବୈଠକରେ ପେନସନ୍ ପରିମାଣକୁ ୧୦ ପ୍ରତିଶତ ବୃଦ୍ଧି କରିବାକୁ ମଞ୍ଜୁରୀ ମିଳିଛି ।

ରାଜ୍ୟରେ ଥିବା ସାମାଜିକ ପେନସନକୁ ମାସକୁ ୨୫୦୦ ରୁ ୨୭୫୦ ଟଙ୍କାକୁ ବୃଦ୍ଧି କରିବାକୁ କ୍ୟାବିନେଟ୍ ଅନୁମୋଦନ ଦେଇଛି । ରାଜ୍ୟର ପ୍ରାୟ ୬୫ ଲକ୍ଷ ପେନସନଭୋଗୀ ଏହାଦ୍ୱାରା ଉପକୃତ ହେବ ।

ତେବେ ବର୍ତ୍ତମାନ ରାଜ୍ୟରେ ୬୨ ଲକ୍ଷ ପେନସନଭୋଗୀ ଅଛନ୍ତି ଏବଂ ଏହି ମାସରେ ସରକାରଙ୍କ ଏହି ଯୋଜନା ସହିତ ୨.୪୩ ଲକ୍ଷ ଯୋଡ଼ି ହେବେ । ୧ ଜାନୁଆରୀ ୨୦୨୩ ରୁ ନୂଆ ପେନସନଭୋଗୀ ଏବଂ ପୁରୁଣା ପେନସନଭୋଗୀଙ୍କୁ ବର୍ଦ୍ଧିତ ପେନସନ୍ ପ୍ରଦାନ କରାଯିବ । ସରକାରଙ୍କ ଦ୍ୱାରା ଜାରି କରାଯାଇଥିବା ସରକାରୀ ବିଜ୍ଞପ୍ତିରେ କୁହାଯାଇଛି ଯେ, ପେନସନରେ ଏହି ପରିବର୍ତ୍ତନ ଯୋଗୁଁ ସରକାରଙ୍କୁ ପ୍ରତି ମାସରେ ୧୩୦.୪୪ କୋଟି ଟଙ୍କା ଅତିରିକ୍ତ ଟଙ୍କା ଖର୍ଚ୍ଚ କରିବାକୁ ପଡ଼ିବ ।