(Video)ବିଜେପି ନେତାଙ୍କ ଘର ଉପରେ ଆତଙ୍କବାଦୀ ଆକ୍ରମଣ, ଫିଙ୍ଗାଗଲା ଗ୍ରେନେଡ: ଛାନଭିନ୍ କରୁଛି ପୋଲିସ
ଚଣ୍ଡିଗଡ଼: ସୋମବାର ବିଳମ୍ବିତ ରାତିରେ ପୂର୍ବତନ ପଞ୍ଜାବ କ୍ୟାବିନେଟ୍ ମନ୍ତ୍ରୀ ତଥା ବରିଷ୍ଠ ବିଜେପି ନେତା ମନୋରଞ୍ଜନ କାଳିଆଙ୍କ ଜଳନ୍ଧର ବାସଭବନରେ ବିସ୍ଫୋରଣ ହୋଇଥିଲା । ତାଙ୍କ ଘର ଉପରେ ଗ୍ରେନେଡ୍ ଫିଙ୍ଗାଯାଇଥିବା ଆଶଙ୍କା କରାଯାଉଛି, ଅବଶ୍ୟ ଏକ ପୋଲିସ ଟିମ୍ ଘଟଣାସ୍ଥଳରେ ଉପସ୍ଥିତ ଅଛି ଏବଂ ତଦନ୍ତ କରୁଛି । ଜଳନ୍ଧର ଡିସିପି ମନପ୍ରୀତ ସିଂହ କହିଛନ୍ତି ଯେ ଫୋରେନସିକ୍ ଦଳ ଯାଞ୍ଚ କରି ରିପୋର୍ଟ ଦାଖଲ କରିବେ ।
ବିଜେପି ନେତା ମନୋରଞ୍ଜନ କାଲିଆ କହିଛନ୍ତି ଯେ, ‘ବିସ୍ଫୋରଣ ରାତି ପ୍ରାୟ ୧ଟା ସମୟରେ ଘଟିଥିଲା । ମୁଁ ଶୋଇ ଥିଲି, ମୁଁ ଭାବିଲି ଏହା ଘଡ଼ଘଡ଼ିର ଶବ୍ଦ । ପରେ ମୋତେ କୁହାଗଲା ଯେ ଏକ ବିସ୍ଫୋରଣ ହୋଇଥିଲା । ଏହା ପରେ ମୁଁ ମୋର ଗନମ୍ୟାନଙ୍କୁ ପୋଲିସ ଷ୍ଟେସନକୁ ପଠାଇଲି । ସିସିଟିଭି ଯାଞ୍ଚ କରାଯାଉଛି, ଫୋରେନସିକ୍ ବିଶେଷଜ୍ଞମାନେ ମଧ୍ୟ ଏଠାରେ ଉପସ୍ଥିତ ଅଛନ୍ତି ।’
ବିଜେପି ନେତାଙ୍କ ଘର ଉପରକୁ ବିସ୍ଫୋରକ ଫିଙ୍ଗାଗଲା :
ପ୍ରକୃତରେ ସୋମବାର ବିଳମ୍ବିତ ରାତିରେ ପଞ୍ଜାବ ସରକାରଙ୍କ ପୂର୍ବତନ କ୍ୟାବିନେଟ୍ ମନ୍ତ୍ରୀ ଥିବା ବିଜେପି ନେତା ମନୋରଞ୍ଜନ କାଳିଆଙ୍କ ଜଳନ୍ଧର ଘରେ ବିସ୍ଫୋରକ ଫିଙ୍ଗାଯାଇଥିଲା । ତାଙ୍କ ଘର ଉପରକୁ ଗ୍ରେନେଡ ଫିଙ୍ଗାଯାଇଥିବା ସନ୍ଦେହ କରାଯାଉଛି । ପୋଲିସ ବର୍ତ୍ତମାନ ଏହି ଘଟଣାର ତଦନ୍ତ କରୁଛି । ବର୍ତ୍ତମାନ ଏହା ସ୍ପଷ୍ଟ ନୁହେଁ ଯେ ଏହା ଏକ ଗ୍ରେନେଡ୍ ଆକ୍ରମଣ ଥିଲା ନା ତାଙ୍କ ଘର ଉପରେ ଅନ୍ୟ କୌଣସି ବିସ୍ଫୋରକ ଫିଙ୍ଗାଯାଇଥିଲା ।
ଜୋରରେ ବିସ୍ଫୋରଣ ହେବାରୁ ଘରର ଝରକା ନଷ୍ଟ :
ସୋମବାର ରାତି ପ୍ରାୟ ୧.୩୦ ସମୟରେ, ତିନିରୁ ଚାରି ଜଣ ଯୁବକ ଏକ ଇ-ରିକ୍ସାରେ ଆସି ମନୋରଞ୍ଜନ କାଳିଆଙ୍କ ଘର ଉପରକୁ ବିସ୍ଫୋରକ ଫିଙ୍ଗି ପଳାଇ ଯାଇଥିଲେ । ଘର ଭିତରେ ତାଙ୍କ କାର ପାଖରେ ବିସ୍ଫୋରକଟି ପଡ଼ିଥିଲା । ଜୋରଦାର ବିସ୍ଫୋରଣ ଯୋଗୁଁ କେବଳ କାର ନୁହେଁ ଘରର କାଚ ଝରକା ମଧ୍ୟ ଭାଙ୍ଗି ଯାଇଥିଲା । କେବଳ ଏତିକି ନୁହେଁ, ଭୂମିରେ ଏକ ଗର୍ତ୍ତ ମଧ୍ୟ ସୃଷ୍ଟି ହୋଇଛି । ଘଟଣା ସମୟରେ ମନରଞ୍ଜନ କାଳିଆ ଘରେ ଶୋଇଥିଲେ । ବର୍ତ୍ତମାନ ଏହି ଘଟଣାରେ ମନୋରଞ୍ଜନ କାଳିଆ ଏବଂ ତାଙ୍କ ସମ୍ପୂର୍ଣ୍ଣ ପରିବାର ସୁରକ୍ଷିତ ଅଛନ୍ତି ।
#WATCH | Punjab | A blast happened outside the residence of BJP Leader Manoranjan Kalia in Jalandhar. A police team is present at the spot. Investigation is underway. pic.twitter.com/xj7zwMH5la
— ANI (@ANI) April 8, 2025