ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୬ ଜଣଙ୍କ ପ୍ରାଣ, ଟ୍ରକ ସହ ପିଟି ହେଲା ଇକୋ କାର୍
ନୂଆଦିଲ୍ଲୀ: ଗୁଜରାଟର ଭରୂଚରେ ବିଳମ୍ବିତ ରାତିରେ ବଡ଼ଧରଣର ଦୁର୍ଘଟଣା ଘଟିଛି । ଏଥିରେ ୬ ଜଣଙ୍କର ପ୍ରାଣହାନି ଘଟିଛି । ମୃତକଙ୍କ ମଧ୍ୟରୁ ୨ ଶିଶୁ ଏବଂ ୨ ଜଣ ମହିଳା ସାମିଲ ଅଛନ୍ତି । ଏକ ଇକୋ କାର ରାସ୍ତାରେ ଠିଆ ହୋଇଥିବା ଟ୍ରକ ସହ ପିଟି ହୋଇଥିଲା । ଧକ୍କା ଲାଗିବା ପରେ କାର ଚେପା ହୋଇଯାଇଛି । ତେବେ କାରରେ ଯାତ୍ରା କରୁଥିବା ଲୋକେ ଫଶିଯାଇଛନ୍ତି ।
ଉଦ୍ଧାର କାର୍ଯ୍ୟ ମଧ୍ୟରେ ସମସ୍ତଙ୍କର ପ୍ରାଣହାନି ଘଟିଛି । ୪ ଜଣ ଆହତଙ୍କୁ ବାହାରକୁ ବାହାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ପୋଲିସ ଶବକୁ ବ୍ୟବଚ୍ଛେଦ ପାଇଁ ପଠାଇଛି । ଏଥିସହ ପୋଲିସ ଏହି ଦୁର୍ଘଟଣାର ମାମଲା ରୁଜୁ କରି ପୀଡିତଙ୍କ ପରିବାରକୁ ସୂଚନା ଦେଇଛି ।
ମିଡିଆ ରିପୋର୍ଟ ଅନୁଯାୟୀ, ଏହି ଦୁର୍ଘଟଣାଟି ସୋମବାର ବିଳମ୍ବିତ ରାତିରେ ଭରୂଚର ଜମ୍ବୁସର-ଆମୋଦ ରୋଡରେ ହୋଇଛି । ଦୁର୍ଘଟଣାର ଶିକାର ହୋଇଥିବା ଇକୋ କାରର ଯାତ୍ରୀ ବେଡଚ ଏବଂ ପାଞ୍ଚକଡା ଗାଁର ନିବାସୀ । ମୃତକ ଏବଂ ଆହତ ଶୁକ୍ଳତୀର୍ଥରେ ଚାଲୁଥିବା ମେଳା ଦର୍ଶନ କରି ଫେରଥିଲେ, ଏହି ସମୟରେ ଦୁର୍ଘଟଣା ଘଟିଥିଲା ।
