Surya Grahan in Dream: ଗ୍ରହଣ ସ୍ବପ୍ନ ଦେଖୁଛନ୍ତି କି ? ଜୀବନରେ ପଡିବ ଏହି ପ୍ରଭାବ
ନୂଆଦିଲ୍ଲୀ : ଶୋଇଲେ ସ୍ବପ୍ନ ଆସିବା ଏହା ସ୍ବାଭାବିକ କଥା । କିନ୍ତୁ ଗ୍ରହଣ ନେଇ ସ୍ବପ୍ନ ଦେଖିଲେ କଣ ହୁଏ, ଏହି ପ୍ରଶ୍ନ ଆଜି ମଧ୍ୟ ଅନେକଙ୍କ ମନରେ ରହିଛି । ତେବେ ସ୍ବପ୍ନ ଶାସ୍ତ୍ର ଅନୁସାରେ, ନିଦରେ ଗୋଟିଏ ବ୍ୟକ୍ତି ଯାହା ସ୍ବପ୍ନ ଦେଖିଥାଏ, ତାହା ଆଗାମୀ ଦିନରେ ଆସୁଥିବା ସଙ୍କେତ ସହିତ ସମାନ । କିନ୍ତୁ ଆପଣ ଜାଣିଛନ୍ତି କି ଯଦି ଜଣେ ବ୍ୟକ୍ତି ସୂର୍ଯ୍ୟପରାଗ ନେଇ ସ୍ବପ୍ନ ଦେଖିଥାଏ, ତାହେଲେ ଏହାର ପ୍ରଭାବ କଣ ହୋଇଥାଏ ? 2024 ମସିହାର ଶେଷ ସୂର୍ଯ୍ୟପରାଗ ଆସନ୍ତା ଅକ୍ଟୋବର 2 ତାରିଖରେ ହେବାକୁ ଯାଉଛି । ଏହା ଅତ୍ୟନ୍ତ ଖାସ୍ ହେବ ବୋଲି ଶାସ୍ତ୍ର ବିଶେଷଜ୍ଞମାନେ କହିଛନ୍ତି। କାରଣ ପିତୃପକ୍ଷର ଅନ୍ତିମ ଦିନ ଅର୍ଥାତ୍ ପିତୃ ଅମବାସ୍ୟାରେ ଏହା ପଡିବାକୁ ଯାଉଛି ।
ଜ୍ୟୋତିଷ ଶାସ୍ତ୍ରରେ ସୂର୍ଯ୍ୟ ଶକ୍ତି, ସାହସ, ପ୍ରାଣ ଏବଂ ପ୍ରାଧିକରଣର କାରକ ଭାବରେ ବିବେଚନା କରାଯାଏ । ଯଦି ସ୍ବପ୍ନରେ ଜଣେ ଭଗବାନକୁ ଦେଖନ୍ତି, ତେବେ ଏହା ଏକ ଭଲ ସଙ୍କେତ ଏବଂ ଏହା ଶୁଭ ବୋଲି ବିବେଚନା କରାଯାଏ । କିନ୍ତୁ ଯଦି ଜଣେ ସ୍ବପ୍ନରେ ଗ୍ରହଣ ଦେଖି ତାହେଲେ ଏହା ଅଶୁଭ ବୋଲି ବିବେଚନ କରାଯାଇଥାଏ । ହିନ୍ଦୁ ଧର୍ମରେ ସୂର୍ଯ୍ୟପରାଗକୁ ମଧ୍ୟ ଅଶୁଭ ବୋଲି ବିବେଚନା କରାଯାଏ । ସୂର୍ଯ୍ୟ ଗ୍ରହଣର ସ୍ୱପ୍ନ ଦେଖିବା ଏକ ସଙ୍କେତ ଅଟେ ଯେ ଆପଣଙ୍କର ଆତ୍ମବିଶ୍ୱାସ, ଶକ୍ତି ଏବଂ ସକରାତ୍ମକତା ଅଭାବ ବୋଲି ବିବେଚନା କରାଯାଏ । ଏହିପରି ସ୍ୱପ୍ନ ଭବିଷ୍ୟତରେ କିଛି କ୍ଷତି ମଧ୍ୟ ସୂଚାଇଥାଏ । କିନ୍ତୁ ଯଦି ଜଣେ ବାର୍ ବାର୍ ଏହି ସ୍ବପ୍ନ ଦେଖେ ଏବଂ ଆଲୋକ ସହିତ ବ୍ରହ୍ମାଣ୍ଡ ଉଜ୍ବଳ ଦେଖାଯାଏ, ତେବେ ତାହା ନୂତନ ଆରମ୍ଭକୁ ସୂଚାଇଥାଏ ।