ରାଜଧାନୀରେ ପ୍ରବଳ ବର୍ଷା: ୧୨ ବିମାନର ଗତିପଥ ପରିବର୍ତ୍ତନ
ନୂଆଦିଲ୍ଲୀ,୧୭ା୬: ରାଜଧାନୀ ଦିଲ୍ଲୀରେ ମଙ୍ଗଳବାର ହଠାତ୍ ପ୍ରବଳ ବର୍ଷା ହେବା ପରେ ଧୌଲା କୁଆଁରୁ ଏୟାରପୋର୍ଟ ଏବଂ ଗୁରୁଗାଓଁକୁ ଯାଉଥିବା ଜାତୀୟ ରାଜପଥ-୪୮ରେ ପ୍ରବଳ ଟ୍ରାଫିକ୍ ଜାମ୍ ହୋଇଥିଲା। ଫଳରେ ଏନେଇ ଜାତୀୟ ପାଣିପାଗ ବିଭାଗ(IMD) ଲୋକମାନଙ୍କୁ ସତର୍କ କରିଛି।
ମଙ୍ଗଳବାର ଦିଲ୍ଲୀ-NCRର ଅନେକ ଅଞ୍ଚଳରେ ହଠାତ୍ ପ୍ରବଳ ବର୍ଷା ହୋଇଥିଲା। ଅନେକ ଅଞ୍ଚଳର ରାସ୍ତା ପାଣିରେ ବୁଡ଼ି ଯାଇଛି। ଏହା ପରେ ଟ୍ରାଫିକ୍ ଜାମ୍ ପରିସ୍ଥିତି ସୃଷ୍ଟି ହୋଇଛି। ସେହି ସମୟରେ, ଏହା ବିମାନ ଚଳାଚଳକୁ ମଧ୍ୟ ପ୍ରଭାବିତ କରିଛି। ୧୨ଟି ବିମାନର ଗତିପଥ ପରିବର୍ତ୍ତନ କରାଯାଇଛି ।
ବିମାନବନ୍ଦର ସୂତ୍ର ଅନୁଯାୟୀ, ଦିଲ୍ଲୀରେ ପ୍ରତିକୂଳ ପାଗ ପରିସ୍ଥିତି ଯୋଗୁ ଅପରାହ୍ନ ୩ଟାରୁ ୪ଟା ମଧ୍ୟରେ ୧୨ଟି ବିମାନର ଗତିପଥ ପରିବର୍ତ୍ତନ କରାଯାଇଥିଲା।
ମହିପାଳପୁର ଅଣ୍ଡରପାସରେ ପ୍ରବଳ ବର୍ଷା ଯୋଗୁ ବସନ୍ତ କୁଞ୍ଜରୁ ବିମାନବନ୍ଦର ଏବଂ ଧୌଲା କୁଆଁକୁ ଯାଉଥିବା ରାସ୍ତାରେ ଟ୍ରାଫିକ୍ ଜାମ୍ ହୋଇଥିଲା। ସେହି ସମୟରେ ଉତ୍ତମ ନଗରରେ ପାଣି ଜମି ରହିବାର ପରିସ୍ଥିତି ସୃଷ୍ଟି ହୋଇଛି। ପ୍ରବଳ ବର୍ଷା ଯୋଗୁ ବିକାଶପୁରୀ ଏବଂ ଧୌଲି ପ୍ୟାଉ ରାସ୍ତାରେ ପାଣି ଜମି ରହିଥିଲା।
ପୂର୍ବରୁ ଭାରତ ପାଣିପାଗ ବିଭାଗ (IMD) ଦିଲ୍ଲୀ ଏବଂ ସଂଲଗ୍ନ ଅଞ୍ଚଳ ପାଇଁ ରେଡ୍ ଆଲର୍ଟ ଜାରି କରିଥିଲା, ବିଚ୍ଛିନ୍ନ ସ୍ଥାନରେ କୁଆପଥର ଝଡ଼, ମଧ୍ୟମରୁ ପ୍ରବଳ ବର୍ଷା ଏବଂ ୫୦-୭୦ କିଲୋମିଟର ବେଗରେ ପ୍ରବଳ ପବନ ବହିବାର ପୂର୍ବାନୁମାନ କରିଥିଲା। IMD ମଧ୍ୟମ ବଜ୍ରପାତର ଚେତାବନୀ ମଧ୍ୟ ଜାରି କରିଛି, ସମ୍ଭାବ୍ୟ ପ୍ରଭାବ ଏବଂ ଜନସାଧାରଣଙ୍କ ପାଇଁ ସୁରକ୍ଷା ପଦକ୍ଷେପ ଉପରେ ଗୁରୁତ୍ୱାରୋପ କରିଛି।
IMD ଦିଲ୍ଲୀ-NCRରେ ଖରାପ ପାଗ ସମ୍ପର୍କରେ ଏକ ପରାମର୍ଶ ଜାରି କରିଛି। ପାଣିପାଗ ବିଭାଗ କହିଛି ଯେ, ବଜ୍ରପାତ ଜୀବନ ପାଇଁ ବିପଦ ସୃଷ୍ଟି କରିପାରେ, ବିଶେଷକରି ଖୋଲା ଅଞ୍ଚଳକୁ ନଯିବାକୁ ପରାମର୍ଶ ଦିଆଯାଇଛି। ଟ୍ରାଫିକ ଜାମ୍ ହେବାର ସମ୍ଭାବନା ଅଛି ଏବଂ ବିମାନ କିମ୍ବା ଟ୍ରେନ୍ ସେବା ବିଳମ୍ବ ହୋଇପାରେ। ପଶୁପାଳନ ଏବଂ ବାହାରେ କାମ କରୁଥିବା ଲୋକଙ୍କ ପାଇଁ ମଧ୍ୟ ବିପଦ ଅଛି। ଏଥିରେ ଘର ଭିତରେ ରହିବା ଏବଂ ଅନାବଶ୍ୟକ ଯାତ୍ରା ଏଡାଇବାକୁ ବାସିନ୍ଦାଙ୍କୁ ପରାମର୍ଶ ଦିଆଯାଇଛି ବୋଲି ମଧ୍ୟ ଉଲ୍ଲେଖ କରାଯାଇଛି।
ଏହା ବ୍ୟତୀତ ବଜ୍ରପାତ ଯୋଗୁ କ୍ଷତିକୁ ରୋକିବା ପାଇଁ ବୈଦ୍ୟୁତିକ ଉପକରଣ ବନ୍ଦ ରଖିବାକୁ କୁହାଯାଇଛି। ବଜ୍ରପାତ ସମୟରେ ଲୋକଙ୍କୁ ଗଛ କିମ୍ବା ଧାତୁ ତଳେ ଆଶ୍ରୟ ନେବାକୁ ଏବଂ ବାହାରେ ମୋବାଇଲ୍ ବ୍ୟବହାର ପ୍ରତି କରିବାକୁ ସତର୍କ କରାଯାଇଛି। ଏଥିରେ କୁହାଯାଇଛି ଯେ, ଚାଷୀ ଏବଂ ବାହ୍ୟ ଶ୍ରମିକମାନେ ତୁରନ୍ତ କାମ ବନ୍ଦ କରି ଆଶ୍ରୟ ନେବା ଉଚିତ।