HKU1 ଭାଇରସ କଣ! ସଂକ୍ରମିତ ହେଲେ ଭାରତର ଜଣେ ମହିଳା

ନୂଆଦିଲ୍ଲୀ: କୋଲକାତାର ଜଣେ ମହିଳାଙ୍କଠାରେ HKU1 ଭାଇରସ ଚିହ୍ନଟ ହୋଇଛି। ମହିଳାଙ୍କଠାରେ ଫ୍ଲୁ ଭଳି ଲକ୍ଷଣ ଦେଖିବାକୁ ମିଳିବା ପରେ ତାଙ୍କର ନମୁନା ପରୀକ୍ଷା କରାଯାଇଥିଲା, ସେତେବେଳେ ଏହି ଭାଇରସ ମିଳିଥିଲା।

ତେବେ ମହିଳାଙ୍କ ସ୍ୱାସ୍ଥ୍ୟବସ୍ଥା ନିୟନ୍ତ୍ରଣରେ ଅଛି। ମହିଳାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ମଧ୍ୟ ଖୋଜାଯାଉଛି। HKU1 (HCoV-HKU1) ଭାଇରସ କ’ଣ ଏବଂ ଏହା କିପରି ସଂକ୍ରମଣ ହୁଏ ବିଶେଷଜ୍ଞଙ୍କଠାରୁ ଆସନ୍ତୁ ଜାଣିବା।

ଏପିଡେମୋଲୋଜିଷ୍ଟ୍ ଡକ୍ଟର ଅଜୟ କୁମାର କହିଛନ୍ତି ଯେ, HKU1 ହେଉଛି କରୋନା ଭାଇରସ ପରି। ଏଥିରେ ଫ୍ଲୁ ପରି ଲକ୍ଷଣ ଦେଖାଯାଇଥାଏ। କେତେକ କ୍ଷେତ୍ରରେ ଏହା ଫୁସଫୁସକୁ ମଧ୍ୟ ପ୍ରଭାବିତ କରିଥାଏ।

ଏହି ଜୀବାଣୁ Covid-19 ପରି ଲକ୍ଷଣ ସୃଷ୍ଟି କରେ, କିନ୍ତୁ ଏହା ସେତେ ଭୟଙ୍କର ନୁହେଁ। କିନ୍ତୁ କିଛି ଲୋକ ଏଥିପାଇଁ ବିପଦରେ ପଡ଼ିପାରନ୍ତି। ଯେଉଁମାନଙ୍କ ବୟସ 60 ବର୍ଷରୁ ଅଧିକ।

ଅତୀତରେ ଯେଉଁମାନେ ଗୁରୁତର lugs ରୋଗରେ ପୀଡିତ ଥିଲେ ଏବଂ ସେମାନଙ୍କର ରୋଗ ପ୍ରତିରୋଧକ ଶକ୍ତି ଦୁର୍ବଳ, ସେମାନଙ୍କ ପାଇଁ ଏହି ରୋଗ ଅଧିକ ବିପଦଗ୍ରସ୍ତ।

HKU1 (HCoV-HKU1) ଏକ ନୂତନ ଭାଇରସ କି?
ଡକ୍ଟର କହିଛନ୍ତି ଯେ, ଏହା ଏକ ନୂଆ ଭାଇରସ ନୁହେଁ। 2005 ରେ ହଂକଂରେ ଏହା ପ୍ରଥମେ ଚିହ୍ନଟ ହୋଇଥିଲା। ସେବେଠାରୁ ଏହାର ମାମଲା ବିଶ୍ୱର କେତେକ ଦେଶରେ ଚିହ୍ନଟ ହେଉଛନ୍ତି। ଏହି ଜୀବାଣୁଙ୍କର ସଂକ୍ରମଣ ହାର ଏବଂ ମୃତ୍ୟୁ ହାର କୋଭିଡ ତୁଳନାରେ ବହୁତ କମ୍ ଅଟେ। ତଥାପି, ଏହାର ଲକ୍ଷଣ ବିଷୟରେ ସଚେତନ ହେବା ଜରୁରୀ।

ରୋଗର ଠିକ ସମୟରେ ଚିହ୍ନଟ ହେବା, ସ୍ୱାସ୍ଥ୍ୟବସ୍ଥା ଗୁରୁତର ହେବାକୁ ରୋକିପାରେ। ଡକ୍ଟର କହିଛନ୍ତି ଯେ, ଚାରିପାଖରେ ଅନେକ ପ୍ରକାରର ଭାଇରସ ରହିଛନ୍ତି। ଯାହା ନମୁନା ପରୀକ୍ଷା ସମୟରେ ଧରାଯାଏ। ଏପରି ପରିସ୍ଥିତିରେ, ଯଦି ଆପଣ ଫ୍ଲୁର ଲକ୍ଷଣ ଦେଖନ୍ତି, ତେବେ ନିଜକୁ ପରୀକ୍ଷା କରନ୍ତୁ।